بۇعان دەيىن رەسمي ورگانداردىڭ ءوزى مەرت بولعانداردىڭ سانىن بىرەسە 9, بىرەسە 11 ادام كورسەتىپ ەدى, ەڭ سوڭعى ناقتى مالىمەت وسى. دەپارتامەنتتىڭ ءباسپاسوز قىزمەتى اقمولا وبلىسىندا دا 4 ادام وسى ءسپيرتتىڭ كەسىرىنەن كوز جۇمعانىن حابارلادى.
تەرگەۋ بارىسىندا جالپى سانى 17 ادامنىڭ ءومىرىن جالماعان ۋلى سپيرت اقمولا وبلىسىندا ورنالاسقان تسەحتا قۇيىلعان. قازىر پوليتسيانىڭ 3 كۇدىكتىنى ۇستاعانى بەلگىلى بولىپ وتىر. ولاردان ساتۋعا دايىندالعان ءسپيرتتىڭ ءبىر بولىگى تاركىلەنىپ الىنعان. مۇنىڭ سىرتىندا, ارقالىق پوليتسەيلەرى قالاداعى 4 دۇڭگىرشەكتەن سپيرتكە ۇقساس 46 ليتر سۇيىقتىق تاپقان. سونداي-اق, ءبىر كاسىپكەردەن سپيرت قۇيىلعان 5 ليترلىك 408 پلاستيكالىق قۇتى تاركىلەنىپ الىندى.
الايدا كۇدىكتىلەر ادام ومىرىنە اسا قاۋىپتى ءونىمنىڭ كوبىن ساتىپ ۇلگەرگەن. سوندىقتان پوليتسيا ۋلى ءسپيرتتىڭ ساۋدا ورىندارىندا جاسىرىن ساۋدالانۋ مۇمكىندىگىن جوققا شىعارمادى.
ء"بىز ازاماتتاردى قايدان شىققانى بەيمالىم, كۇماندى الكوگولدى ونىمدەردى ساتىپ الۋدان اۋلاق بولۋعا شاقىرامىز" دەپ حابارلادى پد.
قوستاناي وبلىسى
