پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ گرۋزيانىڭ قازاقستانداعى ەلشىسى زۋراب پاتارادزەمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ گرۋزيانىڭ قازاقستانداعى ەلشىسى زۋراب پاتارادزەمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋدە قازاقستان مەن گرۋزيانىڭ ءوزارا اۋقىمدى ءىس-قيمىلى, ونىڭ ىشىندە ەكى ەلدىڭ زاڭ شىعارۋ ورگاندارى اراسىنداعى ىقپالداستىق ماسەلەلەرى تالقىلاندى. ي.ادىربەكوۆ جوعارى دەڭگەيدەگى ساياسي ۇنقاتىسۋ جانە ەكونوميكالىق ىنتىماقتاستىقتىڭ زور الەۋەتىن اتاپ ءوتتى.
ز.پاتارادزە ەكىجاقتى ءوزارا ءىس-قيمىلدىڭ جاعدايى جانە استاناداعى گرۋزيا ەلشىلىگىنىڭ اعىمداعى قىزمەتى تۋرالى حاباردار ەتتى. گرۋزين تاراپى پارلامەنتارالىق بايلانىستاردى, اسىرەسە, ىنتىماقتاستىق ءجونىندەگى پارلامەنتتىك توپتار دەڭگەيىندە ۇدەتۋگە ءازىر, دەدى ديپلومات.
جۇزدەسۋشىلەر كەدەندىك اكىمشىلەندىرۋ, كولىك, تۋريزم, مەملەكەتتىك ورگاندار اراسىنداعى تاجىريبە الماسۋ جانە مادەني-گۋمانيتارلىق سالالارداعى ءوزارا ءىس-قيمىل ماسەلەلەرىنە ەگجەي-تەگجەيلى توقتالدى.
ز.پاتارادزە بيىلعى قازان ايىنىڭ سوڭىندا وتەتىن پرەزيدەنتتىك سايلاۋ قارساڭىنداعى گرۋزيانىڭ الەۋمەتتىك-ەكونوميكالىق دامۋى جانە ىشكى ساياسي جاعدايى تۋرالى اڭگىمەلەدى.
كەزدەسۋگە سونداي-اق, سەناتتىڭ قارجى جانە بيۋدجەت كوميتەتىنىڭ حاتشىسى ەرتارعىن استاەۆ قاتىستى.
