ايماقتار • 04 شىلدە، 2020

تىركەلمەگەن قارۋ-جاراقتان قۇتىلعان ابزال

46 رەت كورسەتىلدى

قازاقستان رەسپۋبليكاسىنىڭ زاڭى بويىنشا تىركەۋگە الىنباعان، زاڭسىز اڭ اۋلاپ جۇرگەندە تاركىلەنگەن، سونىمەن بىرگە ازاماتتاردىڭ ءوز ەركىمەن تاپسىرعان قارۋ-جاراقتارى جويىلادى. جۋىردا سولتۇستىك قازاقستان پوليتسياسى وسىنداي 724 قارۋدىڭ كوزىن جويدى، - دەپ جازادى Egemen.kz

ونى جويۋ ءۇشىن كوميسسيا مۇشەلەرىنىڭ كوزىنشە اكت جاسالادى جانە قارۋلار اتۋعا جارامسىز بولاتىنداي ەتىپ، ارامەن ۇڭعىلارى كەسىلەدى.  سوسىن سانى انىقتالىپ، ودان جاشىككە سالىنىپ، اۋزىن مورلەپ بەكىتىپ، تەمىر-تەرسەك قورىتاتىن پەشى بار كاسىپورىنعا اكەلىنەدى. وسى جەردە بارلىق كوميسسيا مۇشەلەرىنىڭ كوزىنشە قارۋ-جاراقتىڭ تەمىر بولىكتەرى ەرىتىلەدى. ءسويتىپ، 724 وتتى قارۋ كوميسسيا مۇشەلەرىنىڭ كوزىنشە كەسەك تەمىرگە اينالدىرىلدى. "بۇلاردىڭ ءبارى زاڭسىز ساقتالعان، سونىمەن بىرگە قىلمىسقا قولدانىلعانى ءۇشىن تاركىلەنگەن قارۋ-جاراقتار. ولاردىڭ كوبى زاڭسىز اڭشىلىققا پايدالانىلعانى ءۇشىن سوتتىڭ شەشىمىمەن تاركىلەندى"، دەيدى سقو پد تىلدىىق قامسىزداندىرۋ باسقارماسىنىڭ باستىعى، پوليتسيا مايورى الەكساندر تەرەحوۆ.

سونىمەن بىرگە ول كەيبىر تۇرعىنداردىڭ ۇيلەرىندە قالعان ەسكى قارۋ-جاراقتى ءوز ەرىكتەرىمەن تاپسىراتىنىن دا ايتتى. مۇندايلار اتالارىنان قالعان ەسكى اڭشىلىق مىلتىقتارى بولادى ەكەن. وندايدىڭ كەيبىرىن بالالارى تىعۋلى جاتقان جەرىنەن تاۋىپ الاتىن كورىنەدى.

پوليتسەيلەر تىركەلمەگەن قارۋ-جاراقتى ساقتاعانى ءۇشىن تارتقىزاتىن جاۋاپكەرشىلىكتەن ولاردى پوليتسياعا ءوز ەركىمەن تاپسىرۋ عانا قۇتقاراتىنىن تۇرعىندارعا ەسكەرتىپ ءجۇر.  ۇستىمىزدەگى جىلدىڭ 1 شىلدەسىنەن باستاپ وسىنداي اكتسيا باستالىپ كەتكەن. تىركەلمەگەن قارۋدى تاپسىرعاندار اقشالاي سىياقى دا الادى. مۇندايدى ەستىگەن وبلىس تۇرعىندارى العاشقى ءۇش كۇننىڭ ىشىندە 31 قارۋ تاپسىرعان.

 

سولتۇستىك قازاقستان وبلىسى

سوڭعى جاڭالىقتار

ۇقساس جاڭالىقتار