ورتالىق قىزمەتى نۇر-سۇلتان قالاسىنىڭ اكىمدىگى مەن نۇرسۇلتان نازارباەۆ قورىنىڭ بىرلەسۋىمەن ىسكە قوسىلعان. مۇندا كوپبالالى انالار, جالعىز باستى انالار, ەرەكشە كۇتىمدى قاجەت ەتەتىن بالالاردى تاربيەلەيتىن ايەلدەر, از قامتىلعان ازاماتتار جانە اۋىر تۇرمىستىق جاعدايدا ءومىر سۇرەتىن بالالار, مۇگەدەكتەر وقىتىلادى.
ورتالىق قابىرعاسىندا جۇزەگە اسىرىلاتىن جوبالاردىڭ ءبىرى - "كاسىپكەر انا", اۆتورى - جاستار كونگرەسىنىڭ وكىلى اينۇر جۇنەرباەۆا. ورتالىقتى قۇرۋ يدەياسى جاستار كونگرەسىنىڭ وكىلى اينۇر جۇنەرباەۆاعا تيەسىلى. بىردە ول جەكە كاسىبىن باستاپ, ونى كەڭەيتتى. ەندى, ورتالىق جۇمىسى ارقىلى اينۇر ءوز تاجىريبەسىمەن بولىسكىسى كەلەدى.
داريعا نازارباەۆا ورتالىقتىڭ ماتەريالدىق-تەحنيكالىق بازاسىمەن تانىسىپ, كابينەتتەردى قاراپ شىقتى. ورتالىق باسشىلىعىمەن اڭگىمەلەسۋ بارىسىندا داريعا نازارباەۆا ينفەكتسيالاردان قورعاۋ, جۇمىس گيگيەناسى جانە ءبىلىم الۋشىلار ءۇشىن الەۋمەتتىك قاشىقتىقتى قامتاماسىز ەتۋ تۇرعىسىنان جۇمىس ورىندارىنىڭ قاۋىپسىزدىگىنە ەرەكشە نازار اۋداردى.
ورتالىق 7 باعىت بويىنشا ترەنينگ وتكىزەدى: تاماق ونەركاسىبى, IT-يندۋستريا, سۇلۋلىق يندۋسترياسى, تىگىن ءىسى, كيىز باسۋ ونەرى, مەديا. بۇعان قوسا, ايەلدەر ءۇشىن الەۋمەتتىك جانە پسيحولوگيالىق ساۋاتتىلىقتى ارتتىرۋ بويىنشا ترەنينگتەر وتكىزىلەدى. ورتالىق اۋماعىندا بالالارعا ارنالعان بولمە دە بار.
جىلىنا 1800 ايەلدى وقىتۋ جوسپارلانۋدا. كۋرس مەرزىمى 1 ايدان 3 ايعا دەيىن سوزىلادى. كۋرستىڭ سوڭىندا سەرتيفيكاتتار بەرىلەدى. وقۋ ناتيجەسى بويىنشا قاتىسۋشىلار "ەڭبەك" باعدارلاماسى بويىنشا ءوز ءىسىن اشۋعا جانە 505 مىڭ تەڭگە كولەمىندە گرانت الۋعا مۇمكىندىك الادى.
