جىل سايىن, 1970 جىلدان باستاپ الەمدىك قاۋىمداستىق 14 قازاندا دۇنيەجۇزىلىك ستاندارتتار كۇنىن اتاپ وتەدى. ءار جىل سايىن دۇنيەجۇزىلىك ستاندارتتار كۇنى بەلگىلى ءبىر ۇرانمەن اتاپ وتىلەدى. 2013 جىلى دۇنيەجۇزىلىك ستاندارتتار كۇنى «حالىقارالىق ستاندارتتار وڭ وزگەرىستەرگە جاعداي جاسايدى» دەگەن ۇرانمەن اتاپ وتىلمەك.
جىل سايىن, 1970 جىلدان باستاپ الەمدىك قاۋىمداستىق 14 قازاندا دۇنيەجۇزىلىك ستاندارتتار كۇنىن اتاپ وتەدى. ءار جىل سايىن دۇنيەجۇزىلىك ستاندارتتار كۇنى بەلگىلى ءبىر ۇرانمەن اتاپ وتىلەدى. 2013 جىلى دۇنيەجۇزىلىك ستاندارتتار كۇنى «حالىقارالىق ستاندارتتار وڭ وزگەرىستەرگە جاعداي جاسايدى» دەگەن ۇرانمەن اتاپ وتىلمەك.
ستاندارتتار – ناقتى تەحنيكالىق تالاپتاردىڭ كومەگىمەن جاھاندىق رىنوكتارعا شىعۋعا جول اشۋعا, بيزنەس ءۇشىن سىندارلى ورتا قۇرۋعا, ەكونوميكالىق ءوسىمدى ىنتالاندىرۋعا, احۋالدىڭ تەرىس وزگەرىستەرىن تومەندەتۋگە نەمەسە ولارعا بەيىمدەلۋگە قاجەتتى وڭ وزگەرىستەردى جۇزەگە اسىراتىن قۋاتتى قۇرالدار.
دۇنيەجۇزىلىك ستاندارتتار كۇنىن وتكىزۋدىڭ ماقساتى – الەمدىك ەكونوميكا ءۇشىن جاھاندىق ستاندارتتاۋدىڭ ماڭىزدىلىعىن الەمدىك عىلىمي-تەحنيكالىق قاۋىمداستىققا كورسەتۋ جانە تۇتىنۋشىلاردىڭ, بيزنەستىڭ, ونەركاسىپتىڭ, بۇكىل الەمدەگى ۇكىمەتتەردىڭ مۇقتاجدارىن قاناعاتتاندىرۋعا كومەكتەسۋدەگى ونىڭ ءرولىن ناسيحاتتاۋ.
يندۋستريا جانە جاڭا تەحنولوگيالار مينيسترلىگى تەحنيكالىق رەتتەۋ جانە مەترولوگيا كوميتەتى بۇگىندە قازاقستان رەسپۋبليكاسىنداعى ستاندارتتاردىڭ جالپى سانى 4 849 بىرلىكتى قۇرايتىنىن, ونىڭ ىشىندە 3 501-ءى حالىقارالىق تالاپتارمەن ۇيلەستىرىلگەندىگىن اتاپ كورسەتەدى. ول جالپى ۇيلەستىرىلۋ كورسەتكىشىنىڭ 72,15 پايىزىن قۇرايدى.
ستاندارتتار ازىرلەۋ ءۇشىن رەسپۋبليكادا ستاندارتتاۋ جونىندەگى 51 تەحنيكالىق كوميتەت جۇمىس ىستەيدى. ولاردىڭ قۇرامىنا ءونىمدەردى دايىنداۋشىلار مەن تۇتىنۋشىلار, مۇددەلى ادامدار كىرەدى.
جىل سايىن 600-دەن استام ستاندارتتار ازىرلەنەدى. بۇل ورايدا ولاردى حالىقارالىق جانە وڭىرلىك تالاپتارمەن (يسو, مەك, ەن) ۇيلەستىرۋگە, سول سياقتى 2010-2014 جىلعا دەيىنگى مەملەكەتتىك ۇدەمەلى يندۋستريالىق-يننوۆاتسيالىق دامۋ باعدارلاماسىن باسىم باعىتتار بويىنشا جۇزەگە اسىرۋعا زور كوڭىل بولىنەدى. ونىڭ سىرتىندا, بۇگىندە كەدەن وداعى تەحنيكالىق رەگلامەنتتەرى تالاپتارىن ورىنداۋ جانە ءتيىستى ونىمدەرگە باعالاۋدى جۇزەگە اسىرۋ ماقساتىندا ەكونوميكانىڭ سالالارى بويىنشا تەحنيكالىق رەتتەۋ سالالارىندا ماڭىزدى نورماتيۆتىك بازانى قۇرۋ بولىگىندەگى جۇمىستار اناعۇرلىم كوكەيكەستى.
بۇگىنگى كۇنى تەحنيكالىق رەتتەۋ جانە مەترولوگيا كوميتەتى ءوز جۇمىسىن ستاندارتتاۋ سالاسىنداعى زاماناۋي حالىقارالىق تالاپتارعا سايكەس ءۇيد باعدارلاماسىن جۇزەگە اسىرۋ شەڭبەرىندە ەكونوميكانىڭ بارلىق سالالارىن قامتيتىن ستاندارتتاۋ جوسپارلارىن جاساۋ جونىندەگى ۇكىمەتتىڭ تاپسىرماسىنا سايكەس قۇرۋدا. بۇل ۇمتىلىستار حالىقارالىق ساراپشىلاردىڭ وڭ باعاسىنا يە بولۋدا, بۇل باعىتتاعى جۇمىستار كەدەن وداعى جاعدايىندا جانە قازاقستاننىڭ دسۇ-عا ءوتۋى قارساڭىندا ودان ءارى جالعاسۋدا.
بۇل كۇندەرى الەمدىك قاۋىمداستىق الەمدىك رىنوكتاردىڭ ترانسفورماتسيالانۋىمەن, سول سياقتى ماكروەكونوميكالىق پروبلەمالاردى شەشۋدە تەپە-تەڭدىكتى قامتاماسىز ەتۋ, كليماتتىڭ ءوزگەرۋىنە شۇعىل جانە ماقساتتى ءتۇردە جاۋاپ بەرۋ قاجەتتىلىكتەرىمەن بەتپە-بەت كەلۋدە. وسىنداي كۇردەلى جاعدايدا ستاندارتتار جاڭا الەمدىك رىنوكتاردى يگەرۋگە, بيزنەستى جۇرگىزۋگە قولايلى جاعدايلار جاساۋعا, ەكونوميكالىق ءوسىمدى جەدەلدەتۋگە جاعداي جاسايتىن تالاپتاردى بەلگىلەۋ جولىمەن وڭ ءوزگەرىستەردى جۇزەگە اسىرۋدىڭ ىقپالدى قۇرالى بولىپ وتىر.
قازىرگى زامانعى ستاندارتتار ەلدەردى بىرىكتىرەدى, مەملەكەتتەر مەن قۇرلىقتار اراسىنداعى تاۋار اينالىسىن جولعا قويۋعا جاعداي جاسايدى, ەڭبەكتىڭ, كاسىپكەرلىك رۋحىنىڭ تيىمدىلىگىن ارتتىرادى. ادامداردىڭ تالاپتارى مەن مۇقتاجدارىن قاناعاتتاندىرۋعا نازار اۋدارتادى, ياعني بۇلاردىڭ ءوزى بيزنەس وكىلدەرىن ءوز ونىمدەرىن تۇراقتى جەتىلدىرىپ وتىرۋعا يتەرمەلەيتىن, يننوۆاتسيالىق تەحنولوگيالاردىڭ دامۋىنا جاڭا سەرپىن بەرەتىن فاكتورلار بولىپ تابىلادى.
مەرەكە تاڭاتاروۆ.
