اتىراۋدا تەرروريستىك ىسكە قاتىسى بار 9 ازاماتقا سوت ۇكىمى شىقتى. ولار 2009-2012 جىلدارى قازاقستاندا تىيىم سالىنعان سالافيتتىك باعىتتاعى يدەولوگيانى ناسيحاتتاۋمەن اينالىسقان. بۇل تۋرالى وبلىستىق سوتتىڭ ءباسپاسوز حاتشىسى بورانباي عاليەۆ حابارلادى.
اتىراۋدا تەرروريستىك ىسكە قاتىسى بار 9 ازاماتقا سوت ۇكىمى شىقتى. ولار 2009-2012 جىلدارى قازاقستاندا تىيىم سالىنعان سالافيتتىك باعىتتاعى يدەولوگيانى ناسيحاتتاۋمەن اينالىسقان. بۇل تۋرالى وبلىستىق سوتتىڭ ءباسپاسوز حاتشىسى بورانباي عاليەۆ حابارلادى.
«قىركۇيەك ايىنىڭ اياعىندا باستالعان سوت پروتسەسى جابىق تۇردە ءوتىپ, وعان باق وكىلدەرى مەن سوتتالۋشىلاردىڭ تۋىستارى قاتىستىرىلعان جوق. تەك ءجاسوسپىرىم بالالاردىڭ اتا-انالارى عانا قاتىسۋعا مۇمكىندىك الدى. توپ باسشىلارى رومان باياريسوۆ پەن راميز كيم قىلمىستىق توپتىڭ قىزمەتىنە جاسى كامەلەتكە تولماعان بالالاردى تارتۋ بەلگىلەرىمەن كىنالى دەپ تانىلىپ, 14 جىل مەرزىمگە باس بوستاندىعىنان ايرىلدى», – دەلىنگەن حابارلامادا.
«راميز كيم كامەلەتكە تولماعان ادامعا ناپسىقۇمارلىق سيپاتتاعى كۇش قولدانۋ, بوپسالاۋ جولىمەن ناپسىقۇمارلىق سيپاتتاعى ەركەك پەن ەركەكتىڭ جىنىستىق قاتىناس جاساۋىنا ءماجبۇر ەتۋ باپتارى بويىنشا سوتتالدى. قىلمىستىق توپتاعى كامەلەتكە تولماعان ءادىلحان قىدىرسيحوۆ پەن تۇرعانباي اعورىنوۆتىڭ جاستىعى ەسكەرىلىپ, ولارعا 6 جىل مەرزىمگە باس بوستاندىعىنان ايىرۋ جازاسى تاعايىندالدى», – دەدى ءباسپاسوز حاتشىسى.
جالپى, اتىراۋ وبلىسىندا تەك بيىلعى جىلدىڭ وزىندە تەرروريزم بابى بويىنشا وسىمەن ءۇشىنشى رەت سوت پروتسەسى ءوتىپ, 25 ادام سوتتالدى.
قۇرىش نۇرىمبەت.
