ايماقتار • 04 شىلدە، 2020

شارباقتىدا قوسىمشا ءورت ءسوندىرۋ بەكەتتەرى اشىلماق

14 رەت كورسەتىلدى

توتەنشە جاعدايلار دەپارتامەنتىنىڭ مالىمەتىنشە، بيىل شارباقتى اۋدانىنىڭ اۋماعىندا 17 ءورت وقيعاسى تىركەلگەن، - دەپ جازادى Egemen.kz

سۋرەتتى تۇسىرگەن: ەربول تەمىروۆ

ءورت كەلتىرگەن ماتەريالدىق شىعىننىڭ كولەمى 1 ميلليون 400 مىڭ تەڭگەنى قۇرايدى. ءورت قاۋىپتى كەزەڭ باستالعاننان بەرى  قاۋىپسىزدىك ەرەجەلەرىن بۇزعانى ءۇشىن 15 جەكە تۇلعا اكىمشىلىك ايىپپۇل جانە ەسكەرتۋ تۇرىندە اكىمشىلىك جاۋاپكەرشىلىككە تارتىلىپتى.

سوندىقتان، دەپارتامەنت ء"ورت ءسوندىرۋ جانە اۆاريالىق-قۇتقارۋ جۇمىستارى قىزمەتى" مەملەكەتتىك مەكەمەسىمەن بىرلەسىپ اۋدان اۋماعىنداعى ورماندى اۋىلداردا قوسىمشا بەكەتتەر اشۋدى جوسپارلاۋدا.

ال، ءورت ءسوندىرۋ ءبولىمىنىڭ عيماراتتارى ءورت قاۋىپسىزدىگى نىساندارىنا قويىلاتىن نەگىزگى نورمالارعا سايكەس كەلۋى قاجەت. مىسالى، وڭىردەگى  شارباقتى اۋدانىنىڭ اۋىلدارى شالداي ورماندارىنىڭ  بويىندا ورنالاسقان.

اۋدانداعى الەكساندروۆكا اۋىلىندا ءورت ءسوندىرۋ بەكەتىن اشىپ، بەكەتىنە "ۋاز" اۆتوكولىگىنىڭ ءورت ءسوندىرۋ كەشەنىن ساتىپ الۋعا قاراجات بولگەن. ال، اۋداندا بۇعان دەيىن اشىلعان ەكى ءورت ءسوندىرۋ بەكەتى ساقان جانە شەگىرەن اۋىلدارىندا ورنالاسقان.

دەپارتامەنت باسشىنىڭى ورىنباسارى الەكسەي دۆينيانين اۋدان اكىمدىگىنە ەرىكتى ءورت ءسوندىرۋ قۇرامالارىنىڭ مۇشەلەرى ءۇشىن ارنايى كيىم الۋدى ۇسىندى. ويتكەنى، بيىل ءساۋىر ايىندا جىلىبۇلاق اۋىلدىق اۋماعىن ءورت بولدى. ءورت كەزىندە ءبىر ەرىكتى ءورت ءسوندىرۋشى قولدارىن كۇيدىرىپ العان. الداعى ۋاقىتتا اۋداندا  ءورت سوندىرۋشىلەر ءۇشىن قىزمەتتىك ءۇي-جايلاردى جوندەۋ ءۇشىن اقشالاي قاراجات قاراستىرىلماق.

پاۆلودار وبلىسى،

شارباقتى اۋدانى 

سوڭعى جاڭالىقتار

ۇقساس جاڭالىقتار