ايماقتار • 04 شىلدە، 2020

ەلوردالىق پوليتسيا قىزمەتى كۇشەيتىلگەن رەجيمگە كوشەدى

156 رەت كورسەتىلدى

ەلوردالىق پوليتسيا قىزمەتكەرلەرى 5 شىلدەدەن باستاپ، ەپيدەميولوگيالىق جاعدايدى تۇراقتاندىرۋ شارالاردىڭ ەنگىزىلۋىنە بايلانىستى كۇشەيتىلگەن رەجيمدە جۇمىس ىستەيدى. پوليتسەيلەر تۇرعىندارعا ءتۇسىندىرۋ جۇمىستارىن جۇرگىزىپ، كارانتين رەجيمىن قاداعالايدى. ءتارتىپ بۇزۋشىلارعا قاتىستى قولدانىپ جۇرگەن زاڭناماعا سايكەس، شارالار قابىلداناتىن بولادى. بۇل تۋرالى قالا اكىمدىگىنىڭ رەسمي سايتى حابارلادى، - دەپ جازادى Egemen.kz

سونىمەن قاتار، پوليتسيا قىزمەتكەرلەرى داۋىس زورايتقىش ارقىلى تۇرعىندار اراسىندا ءتۇسىندىرۋ جۇمىستارىن جۇرگىزەدى. نۇر-سۇلتاندا ەپيدەميولوگيالىق جاعدايدىڭ اسقىنۋى مەن كوروناۆيرۋس ينفەكتسياسىنىڭ لەزدە تارالۋىنا بايلانىستى، مەملەكەتتىك كوميسسيا 2020 جىلدىڭ  5 شىلدەسىنەن باستاپ 14 كۇنگە شەكتەۋ شارالارىن ەنگىزۋ تۋرالى شەشىم قابىلدادى.  ەپيدەميولوگيالىق جاعدايعا بايلانىستى كورسەتىلگەن شەكتەۋ شارالارى ۇزارۋى نەمەسە كۇشەيۋى مۇمكىن.

"داۋىس زورايتقىش ارقىلى بايلانىس ازاماتتارعا قولدانىلىپ جاتقان ەرەجەلەر مەن شەكتەۋلەردى ساقتاۋ قانشالىقتى ماڭىزدى ەكەنىن تۇسىنۋگە مۇمكىندىك بەرەدى. قالا تۇرعىندارى كارانتين ەرەجەلەرىن قاتاڭ ساقتاۋى جانە بارلىق قاۋىپسىزدىك شارالارىن ۇستانۋى ءتيىس.  ينفەكتسيانىڭ تارالۋىنا جول بەرمەۋ كەرەك. ءوز دەنساۋلىعىڭىز بەن جاقىندارىڭىزدىڭ دەنساۋلىعى تۋرالى ويلانىڭىز"، دەپ اتاپ ءوتتى پوليتسيا دەپارتامەنتى وكىلدەرى.

پاترۋلدەۋ باعىتتارى بارلىق ۋچاسكەلەردى قامتي الاتىنداي ەتىپ قۇرىلعان. پوليتسيا قىزمەتكەرلەرى بارلىق تۇرعىن ۇيلەر اۋلاسى مەن ادامدار كوپ جينالاتىن جەرلەردى ارالايتىن بولادى. 

سوڭعى جاڭالىقتار

ۇقساس جاڭالىقتار