تيىسىنشە, پرەمەر-مينيستر اسقار ءماميننىڭ توراعالىعىمەن مەملەكەتتىك كوميسسيانىڭ وتىرىسى دا ءوتتى. بۇل وتىرىستا قازاقستانداعى ەپيدەميالىق احۋالدىڭ ءورشۋىن جانە كوروناۆيرۋس ينفەكتسياسىمەن سىرقاتتانۋشىلار سانىنىڭ ءوسۋىن ەسكەرە وتىرىپ, مەملەكەتتىك كوميسسيا بيىلعى 5 شىلدەدەن باستاپ شەكتەۋ شارالارىن ەنگىزۋ تۋرالى شەشىم قابىلدادى. مەن بۇل قابىلدانعان شەشىمدى وتە ورىندى دەپ باعالاپ وتىرمىن. نەگە؟ سەبەبى ودان وزگە جول قالمادى. وسىنداي قادامعا بارۋعا ءماجبۇر بولىپ وتىرمىز.
ەلىمىزدە شەكتەۋ شارالارى ۋاقتىلى قولعا الىنىپ وتىر. مۇنداي شەشىمنىڭ قابىلدانۋىنا ءبىر جاعىنان وتانداستارىمىزدىڭ دا اسەرى بولدى. توي-تومالاق, باس قوسۋلاردى شەكتەۋدىڭ ورنىنا ەل اراسىندا قوناققا بارۋ مەن قىدىرۋلار كوبەيىپ بارادى. ايتايىن, سونداي باسقوسۋعا 1 ادام دەرتكە شالدىعىپ كەلەتىن بولسا, اينالاسىنداعى كەمى 10 ادامنىڭ ۆيرۋس جۇقتىرعانى ەمەس پە؟ وسىنى نەگە تۇسىنبەيمىز؟ تۇسىنگەنى بىلاي تۇرسىن, دۇنيە ءجۇزىن دۇرلىكتىرگەن كوروناۆيرۋس ينفەكتسياسى ويدان شىعارىلعان, راسىندا ول مۇلدەم جوق دەۋشىلەر تابىلىپ جاتىر. ەستىپ-بىلگەنىمدى ايتىپ جاتقان جوقپىن, وسىنداي پىكىردى ۇستانعان تانىستارىم كوپتەپ كەزدەسەدى.
قۇداي ساقتانعاندى عانا ساقتايدى. بارىنشا ساق بولعانعا نە جەتسىن؟ ارتىق ءجۇرىس-تۇرىستى, كەزدەسۋ مەن جۇزدەسۋلەردى كەيىنگە قالدىرا تۇرعاننان دۇنيە ءب ۇلىنىپ قالمايدى عوي. ەسەسىنە ءوزىمىز, وتباسىمىز دەرتكە شالدىعىپ, قاۋىپتى ىندەتتىڭ قۇرىعىنا ىلىنبەيتىن ەدىك. قازاقستان حالقى وسىنى ۇعىنسا دەيمىن. «كوروناۆيرۋستىڭ سالدارىنان كوز جۇمىپتى» دەگەن سۋىق حاباردى كۇندە ەستىپ جاتىرمىز. سودان ساباق الار ەمەسپىز. بالكىم, مەملەكەتتىك كوميسسيانىڭ وتىرىسىندا قابىلدانعان شەكتەۋ شارالارى وتانداستارىمىزعا وي سالاتىن شىعار. باستى بايلىعىمىز – دەنساۋلىعىمىزعا ءاتۇستى قارامايىق, اعايىن.
الەكساندر بارون,
قازاقستاننىڭ «ميتسۆا» ەۆرەيلەر قاۋىمداستىعى»
زتب جەتەكشىسى
