وسى ورايدا, «رۋحاني جاڭعىرۋ» باعدارلاماسى اياسىندا ت.رىسقۇلوۆ اۋدانى, ورنەك اۋىلدىق وكرۋگىنە قاراستى ءابجاپار ەلدى مەكەنىندەگى تاۋ بوكتەرىندە ورنالاسقان «تاۋ قىمىز» ساۋىقتىرۋ ورتالىعىندا «دجيپ-سافاري expedition» جوباسىنىڭ اشىلۋ سالتاناتى ءوتتى. اتالعان شاراعا جامبىل وبلىسىنىڭ اكىمى بەردىبەك ساپارباەۆپەن قاتار سپورت ساڭلاقتارى, ەسترادا انشىلەرى مەن بەلگىلى جۋرناليستەر دە قاتىستى.
قازىرگى كەزدە ۇلى جىبەك جولىنىڭ بويىندا ورنالاسقان 5 تاريحي نىسان يۋنەسكو-نىڭ دۇنيەجۇزىلىك مادەني مۇرالار تىزىمىنە ەنگەن. سونىمەن قاتار ەرەكشە قورعالاتىن 6 مەملەكەتتىك ايماق پەن 37 نەگىزگى تۋريستىك نىسان دا وڭىرگە ساياحاتتاپ كەلۋشىلەر ءۇشىن دە قاجەت دۇنيەلەر. بۇل رەتتە بەردىبەك ساپارباەۆ كەلۋشىلەرگە اۋليەاتا ايماعىنىڭ باي تاريحى, مازمۇندى شەجىرەسى تۋرالى ايتا كەلىپ, ىشكى جانە سىرتقى ءتۋريزمدى دامىتۋ تۋرالى ءوزىنىڭ ويىن ورتاعا سالدى. «دجيپ-سافاري expedition» جوباسىنىڭ ماقساتى دا كەلۋشى تۋريستەردى ءوڭىردىڭ تاريحىمەن تانىستىرا وتىرىپ, وتاندىق ءتۋريزمدى دامىتۋعا ۇلەس قوسۋ بولىپ وتىر. اۋليەاتا ايماعىنىڭ تۋريستىك الەۋەتىن ودان ءارى دامىتۋدى ماقسات ەتكەن جوبا جوعارى دەڭگەيدە ءوتتى. اڭىز بويىنشا دومالاق ەنەنىڭ ورمەك قۇرعان جەرى دەپ سانالاتىن توپاعاشتان باستالعان جول تالعامايتىن كولىكتەردىڭ جارىسى سۇمقايتتى جازىعىنا دەيىن جالعاستى. سۇمقايتتى جازىعىنىڭ دا ءابىلحايىر حان ەسىمىمەن بايلانىستى جەر ەكەندىگى, جوڭعار شاپقىنشىلىعى كەزىندە قازاقتىڭ تالاي باتىرلارى ەرلىك كورسەتكەن توپىراق ەكەندىگى تاريحي دەرەكتەردە ءجيى ايتىلادى. سونداي-اق اتالعان جوبا اياسىندا سۇمقايتتى دالاسىنىڭ ارعىنكول جەرىندە ات سپورتى ويىندارى ۇيىمداستىرىلدى. اتالعان شارا بارىسىندا كارانتين تالاپتارى تولىعىمەن ساقتالىپ, قاتىسۋشىلاردىڭ قاۋىپسىزدىگى قامتاماسىز ەتىلدى.
جامبىل وبلىسى
