ەلباسىمىزدىڭ ايتۋىنشا, بۇل ۇلتتىق قۇندىلىقتارىمىزدى ۇمىتپاي, جاھاندىق جاڭاشىلدىققا جەتەلەيتىن جول. قازىرگى قوعام كوزقاراسى قالىپتاسقان زەردەلى دە زەرەك تۇلعا تاربيەلەۋى ءتيىس. ول ءۇشىن ءىلىم-بىلىمگە ۇمتىلىپ, جان-جاقتى جەتىلگەن ءجون.
ايماعىمىزداعى كەلەر ۇرپاقتىڭ الدىنداعى اردىڭ ءىسىن ارقالاپ جۇرگەن زيالى قاۋىم ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىن ىقىلاسپەن تۇيسىنە وقىعانى انىق. ولاي دەيتىنىم, ماقالادا «ۇلتتىق سالت-داستۇرلەرىمىز, ءتىلىمىز بەن مۋزىكامىز, ادەبيەتىمىز, جورالعىلارىمىز, ءبىر سوزبەن ايتقاندا, ۇلتتىق رۋحىمىز بويىمىزدا ماڭگى قالۋعا ءتيىس» دەگەن جولداردىڭ استارىندا ۇلكەن ماعىنا جاتىر. شىنىندا دا رۋحى بيىك ازاماتتارى بار ەلدىڭ ىرگەسى ماڭگىلىك بولارى حاق.
ەلباسى قۇندى ەڭبەگىندە وتكەنگە كوز جۇگىرتىپ, بولاشاققا دەگەن ءوزىنىڭ پاراساتتى پىكىرلەرى مەن كوزقاراسىن ءبىلدىردى. «ەكى ءداۋىر تۇيىسكەن ءولىارا شاقتا قازاقستانعا تۇبەگەيلى جاڭعىرۋ جانە جاڭا يدەيالار ارقىلى بولاشاعىن باياندى ەتە ءتۇسۋدىڭ تەڭدەسسىز تاريحي مۇمكىندىگى بەرىلىپ وتىر. مەن بارشا قازاقستاندىقتار, اسىرەسە جاس ۇرپاق جاڭعىرۋ جونىندەگى وسىناۋ ۇسىنىستاردىڭ ماڭىزىن تەرەڭ تۇسىنەدى دەپ سەنەمىن. جاڭا جاعدايدا جاڭعىرۋعا دەگەن ىشكى ۇمتىلىس – ءبىزدىڭ دامۋىمىزدىڭ ەڭ باستى قاعيداسى», دەپ ەل كەلەشەگىنە ءۇمىت ارتادى.
ەندەشە رۋحاني جاڭارۋ ارقىلى الەم مويىندار تابىستى ەل بولىپ, جارقىن بولاشاققا دەگەن سەنىم مەن ءۇمىتتى ۇندەستىرە وتىرىپ, بارشامىز بىرلىك تۋى استىندا باقىتقا بىرگە جەتەيىك!
جاڭىلسىن ەسجانوۆا,
ب.كەيكيەۆ اتىنداعى ورتا مەكتەبىنىڭ ماتەماتيكا ءپانىنىڭ مۇعالىمى
جامبىل وبلىسى,
جامبىل اۋدانى,
ەرنازار اۋىلى
