جاڭا ۋنيۆەرسيتەت ستراتەگياسى تالقىلاندى

سارسەنبى كۇنى پرەمەر-مينيستر كارىم ءماسىموۆ استانانىڭ جاڭا ۋنيۆەرسيتەتىن دامىتۋ ستراتەگياسىن تالقىلاۋ جونىندەگى حالىقارالىق كونفەرەنتسياعا قاتىسۋشى حالىقارالىق اكادەميالىق, عىلىمي جانە ىسكەرلەر قاۋىمداستىعى وكىلدەرىمەن كەزدەسۋ وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. كەزدەسۋگە Results for Develop­ment ءىnstىtute باسشىسى دەننيس دە ترەي (اقش),  مەريلەند ۋنيۆەر­سي­تەتىنىڭ قۇرمەتتى فيزيكا پرو­فەس­سورى جانە عارىشتى زەرتتەۋ ينس­تي­تۋتىنىڭ قۇرمەتتى ديرەكتورى روالد ساگديەۆ (اقش), ورتالىق ازيا جانە كاۆكاز ينستيتۋتىنىڭ توراعاسى, دجون حوپكينس ۋنيۆەر­سي­تەتى پول نيتتس اتىنداعى وزىق حا­لىق­ارالىق زەرتتەۋلەر مەكتە­بىنىڭ پرو­فەسسورى فرەدەريك ستارر (اقش), عالىم-فيزيك, اراگون ۇلت­تىق لابوراتورياسىنىڭ پروفەس­سو­رى زينەتتۋللا ينسەپوۆ (اقش), سينگاپۋر ۇلتتىق ۋنيۆەرسيتەتىنىڭ پروفەسسورى رادج رادجاگوپالان, كەم­بريدج-ورتالىق ازيا باعدار­لا­ما­سىنىڭ توراعاسى, كەمبريدج ۋني­ۆەرسيتەتىنىڭ فيزيكا پرو­فەسسورى سيددحارت شانكەر ساك­سەن ( ۇلى­بري­تانيا) جانە باسقالار قاتىستى. كەزدەسۋ بارىسىندا استانانىڭ جاڭا ۋنيۆەرسيتەتىن دامىتۋ سترا­تە­گياسى ماسەلەلەرى, سونداي-اق ونىڭ حالىقارالىق كونسۋلتاتيۆ­تىك كەڭەسىنىڭ جۇمىسى جونىندە پىكىر الماسىلدى. پرەمەر-مينيستر استانانىڭ جاڭا ۋنيۆەرسي­تە­تىنىڭ وزىق الەمدىك تاجىريبەدەگى جوو رەتىندە قالىپتاسۋىنا مۇددەلى ەكەنىن, ۇكىمەتتىڭ ونى دامىتۋعا جان-جاقتى قولداۋ كورسەتۋگە دايىن ەكەنىن اتاپ ءوتتى. سونداي-اق ول شەت­ەلدىك ارىپتەس­تەردى قازاق­ستانمەن بەلسەندى قىزمەتتەستىككە شاقىردى.