ونىڭ ايتۋىنشا, ادام ولىمىنە كوروناۆيرۋس سەبەپ بولعانىن انىقتاۋ ءۇشىن كوميسسيا مۇشەلەرىنە ارنايى ۋاقىت قاجەت.
"بۇل ماڭىزدى ماسەلە. بۇرىن ءبىز مۇنداي دەرەكتەردى كۇن سايىن بەرەتىنبىز. ماسەلەن, ناۋقاس الدىڭعى كۇنى قايتىس بولدى, ال ءبىز كەلەسى كۇنى اقپاراتتى الامىز. سوندىقتان ءبىز قازىر ونى اپتالىق فورماتتا بەرۋدى جوسپارلاپ وتىرمىز", دەيدى ا.تسوي.
ەستەرىڭىزگە سالا كەتەيىك, ەلىمىزدە بارلىعى 42 574 جۇقتىرۋ جاعدايى راستالعان. ونىڭ 14 059-ى ساۋىعىپ كەتتى. وسىلايشا ەلدە 28,5 مىڭ ادام سيمپتومدى جۇقتىرعاندار قاتارىنا كىرەدى.
الداعى 5 شىلدەدەن باستاپ قازاقستاندا ەكى اپتالىق كۇشەيتىلگەن كارانتيندىك رەجىم تۋرالى ايتىلدى. بۇدان بولەك ۇكىمەت وڭىرلەر اراسىنداعى جولاۋشىلار اۆتوبۋسىنىڭ اۆتو قاتىناسىن توقتاتا تۇرۋعا, ويىن-ساۋىق, سپورتتىق جانە باسقا دا بۇقارالىق ءىس-شارالاردى, سونداي-اق وتباسىلىق, ەستەلىك ءىس-شارالاردى وتكىزۋگە تىيىم سالۋعا, سۇلۋلىق سالوندارىنىڭ, شاشتارازداردىڭ, سپورت زالدارىنىڭ, فيتنەس-ورتالىقتاردىڭ, باسسەيندەردىڭ قىزمەتىنە تىيىم سالۋعا, سوو-نى جابۋعا شەشىم قابىلدادى.
