ەلوردا • 02 شىلدە، 2020

ەلوردادا تاۋلىگىنە 45 مىڭ ماسكا شىعاراتىن زاۋىت ىسكە قوسىلدى

13 رەت كورسەتىلدى

ەلوردادا ماسكا شىعاراتىن تاعى ءبىر كاسىپورىن اشىلدى. بۇل تۋرالى ايدار ماحامبەت اتتى قولدانۋشى Facebook پاراقشاسىندا جازدى.

"مىنا ىندەتكە قارسى كۇرەسۋ ءۇشىن ءبىزدىڭ دوستارىمىز ەلوردامىزدا جاڭا ماسكا زاۋىتىن ىسكە قوسقالى تۇر. ءالى سەرتيفيكاتتارىن الۋ كەرەك، ودان كەيىن زاۋىتتىڭ ءونىمىن ساتىپ الۋعا بولادى. اتاپ ايتقاندا "بولاشاق 2019" جشس تاۋلىگىنە 45 مىڭ بەتپەردە شىعارادى"، دەپ جازدى ايدار ماحامبەت.

ايتا كەتەيىك، 30 ماۋسىمداعى جاعداي بويىنشا، ەلىمىزدە تاۋلىگىنە 772 مىڭ بەتپەردە وندىرىلەدى. ونىڭ ىشىندە فارماتسەۆتيكالىق كاسىپورىندار - 567 مىڭ، تىگىن كاسىپورىندارى - 204 مىڭ دانا تىگەدى. قويمالاردا 4 ملن استام بەتپەردە بار. ءتيىستى اقپارات "سق-فارماتسيا" جشس-نە بەرىلىپ تۇرادى. ءوز كەزەگىندە قر دەنساۋلىق ساقتاۋ مينيسترلىگى وندىرىلگەن ءونىمدى ەل وڭىرلەرىنە بولەدى. بۇگىندە داكە جانە بوزدەن تىگىلگەن بەتپەردەلەر اتقارۋشى ورگاندارمەن جاسالعان شارت نەگىزىندە جەتكىزىلەدى. قازىرگى كەزدە بەتپەردە ءوندىرىسى قر يندۋستريا جانە ينفراقۇرىلىمدىق دامۋ مينيسترلىگىنىڭ قاتاڭ باقىلاۋىنا الىندى. قوسىمشا ءوندىرىستى ىسكە قوسۋ جانە ءوندىرىستى كەڭەيتۋ ناتيجەسىندە بەتپەردەلەر ءوندىرىسىنىڭ كولەمى تاۋلىگىنە 1 ملن داناعا جەتتى.

سوڭعى جاڭالىقتار

ۇقساس جاڭالىقتار