مەملەكەت باسشىسى نۇرسۇلتان نازارباەۆتىڭ اتىنا شىعىس قازاقستان وبلىسىنىڭ اكىمى بەردىبەك ساپارباەۆتان حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆتىڭ اتىنا شىعىس قازاقستان وبلىسىنىڭ اكىمى بەردىبەك ساپارباەۆتان حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
ءوز حاتىندا ب.ساپارباەۆ اۋىل شارۋاشىلىعىن جاڭعىرتۋ ماسەلەسىنە باسا نازار اۋدارا كەلىپ, «قازاقستان-2050» ستراتەگياسىندا بەلگىلەنگەن مىندەتتەردىڭ وڭىردە ىسكە اسىرىلۋى تۋرالى بايانداعان.
اتاپ ايتقاندا, شىعىس قازاقستان وبلىسىنىڭ اكىمى وسىمدىك ونىمدەرى ءوندىرىسىن ۇلعايتۋ ءجونىندەگى شارالاردان حاباردار ەتكەن. مىسالى, اۋىل شارۋاشىلىعى داقىلدارىنىڭ ەگىستىك القابى 77,6 مىڭ گەكتارعا, نەگىزگى مايلى جانە جەمشوپ داقىلدارىنىڭ ەگىستىك القابى 62,8 مىڭ گەكتارعا ۇلعايتىلعان. 370 مىڭ گەكتار القاپتا ىلعال ساقتاۋ تەحنولوگياسى ەنگىزىلگەن, قۇنى 3,5 ملرد. تەڭگە بولاتىن 340-تان استام اۋىل شارۋاشىلىعى تەحنيكاسى ساتىپ الىنعان.
مەملەكەتتىك قولداۋ شارالارى ارقاسىندا وڭىردە 1 ميلليون توننادان استام استىق جينالدى, بۇل ۇن, نان جانە نان ونىمدەرىنە دەگەن وبلىس تۇرعىندارى سۇرانىسىن تولىق وتەۋگە مۇمكىندىك بەرەدى. قازىرگى ۋاقىتتا شىعىس قازاقستاندا مايلى داقىلداردىڭ جيىن-تەرىن جۇمىسى ءجۇرىپ جاتىر, ونىڭ ءتۇسىمى گەكتارىنا 11,4 تسەنتنەردى قۇرايدى.
ب.ساپارباەۆ وڭىردەگى اۋىل شارۋاشىلىعى ونىمدەرىنىڭ ەكسپورتى بيىلعى 8 ايدا 4,7 ميلليارد تەڭگەگە جەتكەنىن, ال بۇل كورسەتكىش 2012 جىلى 2,6 ميلليارد تەڭگە بولعانىن اتاپ وتكەن.
حات سوڭىندا شىعىس قازاقستان وبلىسىنىڭ اكىمى ءوڭىردىڭ اۋىل شارۋاشىلىعى سالاسىنىڭ ەڭبەككەرلەرى ەلىمىزدىڭ اگروونەركاسىپ كەشەنىن جەدەلدەتە دامىتۋ ءۇشىن بارلىق كۇش-جىگەرىن جۇمسايتىنىنا سەنىم بىلدىرگەن.
