قوعام • 01 شىلدە، 2020

كوروناۆيرۋسپەن كۇرەستە اسكەري مەديتسينا قىزمەتكەرلەر قىراعىلىق تانىتۋدا

11 رەت كورسەتىلدى

اسكەري دارىگەرلەر مەن مەدبيكەلەر - بۇگىنگى كۇنى كوروناۆيرۋستىق ينفەكتسيامەن كۇرەستە الدىڭعى قاتاردا تۇرعانداردىڭ ءبىرى، دەپ حابارلادى قورعانىس مينيسترلىگىنىڭ ءباسپاسوز قىزمەتى. 

ىندەتتىڭ تارالۋ قاۋپى تۋىنداعان جاعدايدا قازاقستان قارۋلى كۇشتەرى باس اسكەري-مەديتسينالىق باسقارماسى تاراپىنان اسكەردىڭ جەكە قۇرامىنىڭ سانيتارلىق-ەپيدەميولوگيالىق جاعدايىن قامتاماسىز ەتۋ جانە ساقتاۋ بويىنشا قاجەتتى جۇمىس ۇيىمداستىرىلدى.

قارۋلى كۇشتەردە الدىن-الۋ جانە ەپيدەمياعا قارسى ءىc-شارالار جۇرگىزۋ مەن ازاماتتىق دەنساۋلىق ساقتاۋ قىزمەتتەرىنە كومەك كورسەتۋ ءۇشىن ەكى مىڭعا جۋىق اسكەري مەديتسينالىق پەرسونال تارتىلدى.

اسكەري-مەديتسينالىق ۇيىمداردا كوروناۆيرۋس جۇقتىرعان ناۋقاس  انىقتالعان كەزدە ارەكەت ەتۋ الگوريتمى بەلگىلەندى. ىندەتتى جۇقتىرعانداردى دەر كەزىندە وقشاۋلاۋ جانە ولارمەن بايلانىستا بولعاندارعا مەديتسينالىق باقىلاۋ جۇرگىزۋ سۇراقتارى پىسىقتالعان.

باس اسكەري-مەديتسينالىق باسقارماسىندا اسكەري-مەديتسينالىق، ونىڭ ىشىندە كارانتيندىك، پروۆيزورلىق جانە ينفەكتسيالىق مەكەمەلەردە 700-گە جۋىق ناۋقاس ەمدەلىپ شىققانى تۋرالى ايتىلدى. قازىرگى ۋاقىتتا ەمدەۋ جانە وقشاۋلاۋعا ارنالعان 500 ورىن دايىندالدى.

ودان بولەك، قاراعاندى اسكەري لازارەتىنىڭ مەديتسينالىق پەرسونالى وبلىستىق كلينيكالىق اۋرۋحاناسى بازاسىنداعى پروۆيزورلىق گوسپيتالدىڭ جۇمىسىنا تارتىلدى. سونىمەن قاتار، اقتوبە، اياگوز، گۆاردەيسك، سارىوزەك، سەمەي، وسكەمەندەگى جەتى اسكەري-مەديتسينالىق مەكەمەلەرىندە كارانتيندىك، پروۆيزورلىق، ينفەكتسيالىق ستاتسيونارلارىنىڭ جۇمىسىنا قاتىسۋ ءۇشىن  دارىگەرلىك-مەديبيكەلىك بريگادالارى دايىندالدى.

قارۋلى كۇشتەردە جەكە قۇرامدى دياگنوستيكادان ءوتۋىن قاجەتتى مولشەردە قامتاماسىز ەتۋ ءۇشىن جەكە پتر-زەرتحاناسى جۇمىسىن اتقارۋدا.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار