قازاقستان • 01 شىلدە، 2020

زاڭسىز قارۋلاردى ونلاين تاپسىرۋعا بولادى

56 رەت كورسەتىلدى

1 شىلدەدەن باستاپ رەسپۋبليكا اۋماعىندا حالىقتان زاڭسىز ساقتالعان اتىس قارۋىن، وق-دارىلەر مەن جارىلعىش زاتتاردى ساتىپ الۋ بويىنشا جىل سايىنعى اكتسيا باستالادى. بۇل تۋرالى ءىىم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

قارۋ-جاراق زاتتارىن ەرىكتى تۇردە تاپسىرعانى ءۇشىن قارۋدىڭ ءار بىرلىگىنە ونىڭ تەحنيكالىق جاي-كۇيىنە بايلانىستى كوميسسيا شەشىمىنە سايكەس سوماسى وننان جۇزگە دەيىنگى ايلىق ەسەپتىك كورسەتكىش تولەم كوزدەلگەن.

سىياقى تولەمى قارۋ-جاراق زاتتارىن تاپسىرعان ادامداردىڭ شوتىنا اۋدارۋ ارقىلى جۇزەگە اسىرىلاتىن بولادى.

ەرىكتى تۇردە تىركەلمەگەن اتىس قارۋىن، وق-دارىلەردى جانە جارىلعىش زاتتاردى تاپسىرعان ادامدار قىلمىستىق جانە اكىمشىلىك جاۋاپكەرشىككە تارتىلۋدان بوساتىلادى.

ەلىمىزدەگى ەپيدەميالىق احۋالدىڭ كۇردەلەنۋىن ەسكەرە وتىرىپ، قولدا بار قارۋ-جاراق زاتتارىن تاپسىرۋعا نيەت بىلدىرگەندەر پوليتسيا ورگاندارىنا بارماي-اق، پوليتسيا دەپارتامەنتتەرىنىڭ سايتىندا كورسەتىلگەن "قاۋىرت جەلى" تەلەفوندارىنا نەمەسە "102" نومەرىنە حابارلاسسا جەتكىلىكتى.

وتىنىشتەردى جانە حالىقتا زاڭسىز ساقتالعان قارۋ-جاراق زاتتارىن قابىلداۋدى ورىندارعا شىعا وتىرا، ىشكى ىستەر ورگاندارىنىڭ قىزمەتكەرلەرى جۇزەگە اسىراتىن بولادى. بۇرىن ولاردى قابىلداۋ اۋماقتىق پوليتسيا ورگاندارىندا جۇرگىزىلگەن بولاتىن.

جارىلعىش ماتەريالدار مەن وق-دارىلەردى تاۋىپ العان جاعدايدا ولارمەن قانداي دا ءبىر ءىس-ارەكەت جاساماي، تەك پوليتسيا بولىمشەسىنىڭ كورسەتىلگەن تەلەفون نومىرلەرىنە حابارلاۋ قاجەت.

انىقتاما: حالىقتا زاڭسىز ساقتالعان اتىس قارۋىن، وق-دارىلەر مەن جارىلعىش زاتتاردى ساتىپ الۋ بويىنشا اكتسيالار 2012 جىلدان باستاپ وتكىزىلىپ كەلەدى. بۇل كەزەڭدە حالىقتان  51 مىڭ بىرىلىكتەن استام قارۋ جانە 2 ملن. ويىق قارۋ پاتروندارى ساتىپ الىنعان. بۇل رەتتە اتىس قارۋىن قولدانا وتىرىپ جاسالاتىن قىلمىستار ءۇش ەسەگە (2012ج. 694-تەن 2019ج. 238-گە دەيىن) تومەندەدى.

سوڭعى جاڭالىقتار

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

سپورتتى سەرىك ەتكەن

سپورت • بۇگىن، 09:02

سورەسىندە – سان كىتاپ

ادەبيەت • بۇگىن، 09:00

جۇلدىزدى ساتتەر جىلناماسى

ەلباسى • بۇگىن، 08:55

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

ۇقساس جاڭالىقتار