اقتوبە قالاسىندا پوليگوننىڭ جۇمىسىن ۇيىمداستىرۋ شەڭبەرىندە باتىس ايماقتىڭ نود جانە نجس-10,11,12,13,14 شەكارالارىندا تاسىمالداۋ پروتسەسىن باسقارۋدى ۇيىمداستىرۋ قۇرىلىمىن ءبىر فيليالعا تولىق رەفورمالاۋ كوزدەلۋدە. بۇل اقتوبە قالاسىنان بارلىق باتىس وڭىردەگى پويىز قوزعالىسىن جەدەل باسقارۋدى جۇزەگە اسىرۋعا مۇمكىندىك بەرەدى.
بۇدان باسقا, پيلوتتىق پوليگوندى ىسكە اسىرۋ تاسىمالداۋ پروتسەسىن ەكى دەڭگەيلى باسقارۋعا كوشۋدى قامتاماسىز ەتەدى, ترانزيتتىك پويىزداردىڭ مارشرۋتتىق جىلدامدىعىن, سونداي-اق لوكوموتيۆتەر مەن ۆاگونداردىڭ كەپىلدى يىندەرىن ۇلعايتۋعا مۇمكىندىك بەرەدى, سونداي-اق ديسپەتچەرلىك شەڭبەرلەردى قىسقارتادى.
ءالى كۇنگە دەيىن كەيبىر جول ۋچاسكەلەرىندە پويىزدار قوزعالىسىن قاشىقتىقتان باسقارۋ, باعدارشام سيگنالدارىن رەتتەۋ, ديسپەتچەرلىك ورتالىقتاردان پويىزدىق ديسپەتچەرلەردىڭ جولدارداعى باعىتتامالاردى اۋىستىرۋ مۇمكىندىگى جوق. ارينە, 21 عاسىردىڭ ناقتى ۋاقىتىندا, بۇل قايتا قاراۋدى تالاپ ەتەدى. سوندىقتان وسى جوبا شەڭبەرىندە ستانتسيالاردا قوسىمشا جابدىق (ميكروپروتسەسسورلىق ديسپەتچەرلىك ورتالىقتاندىرۋ – مپدو) ورناتىلادى, ول وسىنداي باسقارۋدى جۇرگىزۋگە جانە پويىز ديسپەتچەرىنىڭ مونيتورىندا ناقتى ۋاقىت رەجيمىندە ستانتسيالىق جولدارداعى اعىمداعى جاعدايدى كورسەتۋگە مۇمكىندىك بەرەدى.
پويىزدار قوزعالىسىن باسقارۋدىڭ وڭىرلىك ورتالىعىن قۇرۋ – پويىز جاعدايىن ورتالىقتاندىرىلعان باقىلاۋدى جانە بارلىق دەرەكتەردى بىرىڭعاي «ۇجىمدىق تابلوعا» كورسەتە وتىرىپ, پويىزدار قوزعالىسىن باسقارۋدى قامتاماسىز ەتەدى. ناتيجەسىندە باعدارشامداردىڭ, باعىتتامالىق بۇرمالاردىڭ كورسەتكىشتەرى, پويىزدىڭ جاقىنداپ قالعانى تۋرالى اقپاراتتى بەرۋ جانە الۋ پروتسەسى اۆتوماتتاندىرىلادى. پويىز قوزعالىسىن باسقارۋدى ورتالىقتاندىرىلعان پويىز ديسپەتچەرى قامتاماسىز ەتەتىن بولادى.
قازىرگى ۋاقىتتا جوبا بويىنشا جوعارى ناتيجەلەرگە قول جەتكىزىلدى. وسىلايشا, مپ دو 140 جەكەلەگەن پۋنكتكە ەنگىزىلدى. جەلىلىك-اپپاراتتىق زالداردا بايلانىس جابدىعى جاڭعىرتىلدى, سونداي-اق تەمىر جولداردىڭ بارلىق اۋماعىندا جىلجىمالى قۇرامدى باقىلاۋدىڭ جانە سيگنال بەرۋ مەن بايلانىستىڭ بارلىق ديستانتسيالارى بويىنشا تەحنيكالىق قۇجاتتامانى جۇرگىزۋدىڭ اۆتوماتتاندىرىلعان جۇيەلەرى ەنگىزىلدى.
جالپى العاندا, "پويىز قوزعالىسىن باسقارۋ ورتالىعى" جوباسى قولدانىستاعى ينفراقۇرىلىمدى جاڭعىرتۋعا باعىتتالعان جانە كومپانيانىڭ دامۋ ستراتەگياسىنىڭ ماقساتتارىنا جاۋاپ بەرەدى.
