پرەزيدەنت پوشتاسىنان

ەلباسى قامقورلىعىنا ەلى ريزا مەملەكەت باسشىسىنىڭ اتىنا قىزىلوردا وبلىسى ارال اۋدانىنىڭ تۇرعىنى, زەينەتكەر, قازاقستان مەم­لە­كەتتىك سىيلىعىنىڭ يەگەرى نارعالي دەمەۋوۆتەن حات كەلدى. حات يەسى سىر ءوڭىرى رەسپۋبليكاداعى وزگە وڭىرلەر سياقتى ەلباسى قامقورلىعى ارقاسىندا دامۋدا ەكەنىن ايتادى. ارالدىقتار ءۇشىن ماڭىزى زور “سىرداريا وزەنى­نىڭ ارناسىن رەتتەۋ جانە سولتۇستىك ارال تەڭىزىن ساقتاپ قالۋ” جوباسىنىڭ جۇزەگە اسىرىلا باستاۋىنا ريزاشىلىق بىلدىرگەن اۆتور حاتىندا “قازاق جەرىنە قاتىستى بولىگى ءۇشىن قاراستىرىلعان شارالاردى ورىنداۋعا ءوزىڭىز باس بولىپ كىرىستىڭىز. ناتيجەلى جوبانىڭ ءبىرىنشى كەزەڭىندە سىر ءوڭىرىنىڭ بۇگىنى مەن كەلەشەگى ءۇشىن ۇلكەن ءمانى بار عاسىرلىق نىساندار – ايتەك, كوكارال, اقلاق جانە قاراوزەك قۇرىلىستارى جۇرگىزىلدى. كوكساراي سۋ قويماسى ءوزىڭىزدىڭ نازارى­ڭىز­داعى الەۋمەتتىك ماڭىزى بار نىسان. ونىڭ ماقساتى مەن تيىمدىلىگىنە تولىق قانىققان سىربويىلىقتار ءسىزدىڭ بۇل باستاماڭىزداعى جوباڭىزدى تولىق قۋاتتاۋدا”, – دەپ جازادى. *  *  * سونىمەن قاتار, مەملەكەت باسشىسى نۇرسۇلتان نا­زار­­باەۆتىڭ اتىنا كوكتەمگى سۋ تاسقىنىنان زارداپ شەككەن الماتى وبلىسى قىزىلاعاش اۋىلىنداعى ورتا مەكتەپتىڭ 11-ءشى سىنىپ وقۋشىسى جانار دۋبەكوۆادان حات كەلدى. حات يەسى قيىن جاعدايداعى قىزىلاعاشتىقتارعا قام­قورلىعى ءۇشىن ەلباسىعا راحمەت ايتىپ, اۋىلداستارىنىڭ اتىنان مەملەكەت باسشىسىنا زور دەنساۋلىق تىلەيدى. وقىتۋشىلار مەن ستۋدەنتتەر العىسى شەكسىز مەملەكەت باسشىسى نۇرسۇلتان نازار­باەۆ­تىڭ اتىنا “2009 جىلدىڭ جوعارى وقۋ ورنىنىڭ ۇزدىك وقىتۋشىسى” گرانتىنىڭ يەگەرلەرى, بارلىعى 56 جوعارى وقۋ ورنىنىڭ 200 وقىتۋشىسى قول قويعان حات كەلدى. حات اۆتورلارى مەملەكەتتىك گرانت ەسە­بىنەن شەتەلدەردىڭ وزىق وقۋ ورىندارىندا تاعىلىمدامادان ءوتىپ, بىلىكتىلىكتەرىن ارت­تىرۋلارىنا, عىلىمي-زەرتتەۋ جۇمىستارىن ءتيىمدى جۇرگىزۋلەرىنە زور مۇمكىنشىلىك تۋدىرعان ەلباسىنىڭ قامقورلىعىنا شەكسىز ريزاشىلىقتارىن ايتادى. سونىمەن قاتار, گرانت يەگەرلەرى ارا­سى­نان پرەزيدەنتكە جەكە ءوز اتىنان حات جول­داعان استانا قالاسىنداعى س.سەيفۋللين اتىن­داعى قازاق اگروتەحنيكالىق ۋنيۆەر­سيتەتىنىڭ وقىتۋشىسى, پروفەسسور مايرا كەنجەبولاتوۆا: ء“بىلىم – عىلىم سالاسىنداعى وسىناۋ يگى شارا – مەملەكەتتىك دەڭگەيدە, ءسىز­دىڭ تاراپىڭىزدان جۇرگىزىلىپ وتىرعان كورەگەن ساياساتتىڭ ايقىن ءبىر كورىنىسى. ءويت­كەنى, ءبىلىم مەن عىلىمعا جاسالعان قام­قورلىق – ەلدىڭ دامۋ بولاشاعىنىڭ كەپىلى”, – دەگەن پىكىرىن بىلدىرەدى. *  *  * ەلباسىنىڭ اتىنا ستۋدەنت جاستار اتىنان دا كوپتەگەن حاتتار كەلۋدە. قوسىم­شا مەملەكەتتىك ءبىلىم گرانتى بويىنشا ءبىلىم الۋدى جالعاستىرۋ مۇمكىندىگىن بەرۋ تۋرالى شەشىم ءۇشىن ريزاشىلىق بىلدىرگەن مازمۇن­داعى حاتتار اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ, م.اۋەزوۆ اتىنداعى وڭتۇستىك قازاقستان مەملەكەتتىك ۋني­ۆەرسيتەتىنىڭ, قازاق ۇلتتىق اگرارلىق ۋني­ۆەرسيتەتىنىڭ, اتىراۋ مۇناي جانە گاز ينس­تيتۋتىنىڭ, ە.بوكەتوۆ اتىنداعى قارا­عان­دى مەملەكەتتىك ۋنيۆەرسيتەتىنىڭ ستۋ­دەنت­تە­رىنەن جانە ولاردىڭ اتا-انالارىنان كەلدى. حات يەلەرى ەلباسىنا شەكسىز ريزاشىلىقتارىمەن بىرگە يگى تىلەكتەرىن جەتكىزىپ, بۇل ۇلكەن جاقسىلىققا لايىقتى بولۋعا ۋادە ەتەدى. ماسەلەن, اباي اتىنداعى قازاق ۇلتتىق پەداگوگيكالىق ۋنيۆەرسيتەتى ستۋدەنتتەرىنىڭ حاتىندا: “مەن جاستارعا سەنەمىن” دەپ ماعجان اقىن ايتقانداي, بىزگە سەنىم ارتىپ, جەڭىلدىك جاساپ وتىرعان ەلباسىمىزدىڭ قامقورلىعىنا جاۋاپ رەتىندە ءبىز دە جاقسى وقىپ, ساپالى ءبىلىم, سانالى تاربيە الىپ, تاۋەلسىز قازاقستاننىڭ ودان ءارى دامۋى جانە ءوسىپ-وركەندەۋى ءۇشىن ايانباي ەڭبەك ەتۋگە ۋادە بەرەمىز”, – دەلىنگەن.