كوكتەم شىعا «رودينا» اگروفيرماسىنىڭ ديرەكتورى يۆان ساۋەر جاس مەحانيزاتور ۆيتالي بەرگانى شاقىرتىپ, ساعان مەملەكەتتىك ماڭىزداعى تاپسىرما بەرىلەدى دەگەنى ەسىمىزدە. تاپسىرمانىڭ ءمانىسى – جۇگەرى ءوسىرۋ ەكەن.
كوكتەم شىعا «رودينا» اگروفيرماسىنىڭ ديرەكتورى يۆان ساۋەر جاس مەحانيزاتور ۆيتالي بەرگانى شاقىرتىپ, ساعان مەملەكەتتىك ماڭىزداعى تاپسىرما بەرىلەدى دەگەنى ەسىمىزدە. تاپسىرمانىڭ ءمانىسى – جۇگەرى ءوسىرۋ ەكەن.
كوپ جىلداردان بەرى ۇمىت بولا باستاعان كاسىپكە قايتا كىرىسۋ ۇلكەن جاۋاپكەرشىلىكتى تالاپ ەتەتىنى بەلگىلى. جۋىردا رودينادا بولعانىمىزدا ۆيتالي باستاعان توپتىڭ سەنىمدى اقتاعانىنا سۇيسىندىك. كىسى بويىنان بيىك جۇگەرى جايقالىپ تۇر. ءار گەكتاردان 230 تسەنتنەردەن سۇرلەم جينالۋدا. «ياگۋار» كومبايندارىنان تۇراتىن اگرەگاتتاردا كىدىرىس جوق. شارۋاشىلىقتىڭ بەلدى مەحانيزاتورلارى الەكساندر لەششەنكو مەن ۆاسيلي جۋكتىڭ ارقايسىسى كۇندىك ەڭبەك ونىمدىلىگىن 2000 توننادان كەم تۇسىرمەگەن.
قازىردىڭ وزىندە شارۋاشىلىق قويماسىنا 50 مىڭ توننا سۇرلەم جەتكىزىلىپتى. مۇنىڭ ءوزى جەمشوپتىڭ ەكى جىلدىق قورى دەگەن ءسوز. بۇل استانا تۇرعىندارىنا كۇنىنە 20 توننا ءسۇت جەتكىزىپ وتىرعان رودينالىقتاردىڭ كورسەتكىشتى ەسەلەي تۇسۋىنە قوسىمشا مۇمكىندىك اشىلاتىنىن اڭعارتادى.
باقبەرگەن امالبەك,
«ەگەمەن قازاقستان».
اقمولا وبلىسى,
تسەلينوگراد اۋدانى.
سۋرەتتى تۇسىرگەن
جانات تۇگەلباي.
