قازىر جۇرت بۇرىن استىعىمەن, كەنىمەن اتى شىققان قوستانايدى ماشينا جاساۋ ونەركاسىبىمەن بىلە باستادى. «اگروماشحولدينگ» اكتسيونەرلىك قوعامى مەن «سارىاركااۆتوپروم» جاۋاپكەرشىلىگى شەكتەۋلى سەرىكتەستىگى بيىل ءۇشىنشى جىل ماشينانىڭ ءتۇر-ءتۇرىن ساپقا قويىپ وتىر. مۇندا اۋىل شارۋاشىلىعىنا قاجەتتى تەحنيكالاردان باستاپ جۇك ماشينالارى, جۇردەك جەڭىل ماشينالار قۇراستىرىلادى. وتكەن جىلى بارلىعى 2000 ماشينا شىعارىلدى. ال بيىل ول ءتورت ەسەگە كوبەيمەك. كەلەر جىلى ماشينا ون ەسەگە كوپ قۇراستىرىلادى. ال بەس جىلدان كەيىن قوستانايدان جىلىنا 75 مىڭ ماشينا ءوز يەلەرىنە جول تارتاتىن بولادى. ازىرشە قوستانايلىق جۇردەك ماشينالار ىشكى نارىقتى قامتاماسىز ەتەدى.
قازىر جۇرت بۇرىن استىعىمەن, كەنىمەن اتى شىققان قوستانايدى ماشينا جاساۋ ونەركاسىبىمەن بىلە باستادى. «اگروماشحولدينگ» اكتسيونەرلىك قوعامى مەن «سارىاركااۆتوپروم» جاۋاپكەرشىلىگى شەكتەۋلى سەرىكتەستىگى بيىل ءۇشىنشى جىل ماشينانىڭ ءتۇر-ءتۇرىن ساپقا قويىپ وتىر. مۇندا اۋىل شارۋاشىلىعىنا قاجەتتى تەحنيكالاردان باستاپ جۇك ماشينالارى, جۇردەك جەڭىل ماشينالار قۇراستىرىلادى. وتكەن جىلى بارلىعى 2000 ماشينا شىعارىلدى. ال بيىل ول ءتورت ەسەگە كوبەيمەك. كەلەر جىلى ماشينا ون ەسەگە كوپ قۇراستىرىلادى. ال بەس جىلدان كەيىن قوستانايدان جىلىنا 75 مىڭ ماشينا ءوز يەلەرىنە جول تارتاتىن بولادى. ازىرشە قوستانايلىق جۇردەك ماشينالار ىشكى نارىقتى قامتاماسىز ەتەدى.
ءدال قازىر «اگروماشحولدينگتىڭ» اتشاپتىرىم تسەحىندا اۆتوموبيلدەردى قۇراستىرۋ ءۇشىن دانەكەرلەيتىن, قاپتالدارىن بويايتىن زاماناۋي جابدىقتار ورنالاستىرىلۋدا, ولار جوعارى تەحنولوگيامەن جۇمىس ىستەيدى. بۇل تسەحتا SsangYong جۇردەك جەڭىل ماشيناسىنىڭ Nomad مودەلى قۇراستىرىلاتىن بولادى. جاقىندا عانا تسەحتا بۇل تەمىر تۇلپاردىڭ جالعىز ۇلگىسى پايدا بولدى. ونى قوستانايلىق ماشينا جاساۋ زاۋىتىنىڭ ماماندارى وڭتۇستىك كورەياداعى SsangYong زاۋىتىنان وزدەرى قۇراستىرىپ الىپ كەلدى. سونىمەن قاتار, ءبىزدىڭ ماماندار مەن جۇمىسشىلار وڭتۇستىك كورەيادا وقىپ, تاجىريبە جيناقتاپ كەلدى. تسەح وسى جىلدىڭ اياعىندا ماشينا قۇراستىرۋعا دايىن بولماقشى.
قوستانايداعى اۆتوموبيل قۇراستىرۋ كاسىپورنىنداعى شابىتتى ىستەر ەلىمىزدىڭ يندۋستريا سالاسىنداعى جوبالاردىڭ ۇزدىكسىز جۇزەگە اسىرىلۋىنا ۇلەس قوسادى. ەڭ باستىسى, ول رەسپۋبليكانىڭ ەكسپورتتىق الەۋەتىن كۇشەيتەتىن بولادى.
ءنازيرا جارىمبەتوۆا,
«ەگەمەن قازاقستان».
