اۋىل تۇرعىندارى اراسىندا العاشقى ءتۇسىندىرۋ جۇمىستارى نوۆويامىشەۆو اۋىلىندا ءوتتى. وندا جۇمىسپەن قامتۋ ورتالىعى, اۋداندىق ەمحانا جانە "اتامەكەن" ۇلتتىق كاسىپكەرلەر پالاتاسى في-ليالىنىڭ قىزمەتكەرلەرىنەن قۇرىلعان توپ ارنايى جولعا شىقتى.
ء"بىز جۇمىسپەن قامتۋ, "ەڭبەك" باعدارلاماسى جانە "جۇمىسپەن قامتۋدىڭ جول كارتاسى" جوباسىن ءتۇسىندىرۋ جۇمىستارىن جۇرگىزەمىز, سونىمەن قاتار تۇرعىنداردىڭ كوروناۆيرۋستان قورعانۋعا بايلانىستى كارانتين شارالارىن ساقتاۋ قاجەتتىگى جونىندە ايتامىز", دەيدى نۇرسۇلۋ جۇماتايقىزى.
سونداي-اق, توپ اۋىل تۇرعىندارىن جاستار تاجىريبەسىنەن, قىسقا مەرزىمدى كۋرستاردان ءوتىپ, مەملەكەتتەن گرانت الىپ, ءوز كاسىبىن اشۋعا نەسيە رەسىمدەي الاتىندىعى تۋرالى اقپاراتتاندىرادى.
بۇگىندە اۋداندىق جۇمىسپەن قامتۋ ورتالىعى "ەڭبەك" باعدارلاماسى جانە "جۇمىسپەن قامتۋدىڭ جول كارتاسى" جوباسى بويىنشا جۇمىس باستادى.
مىسالى, نوۆويامىشەۆو اۋىلىنداعى سپورتتىق كەشەندى كۇردەلى جوندەۋ جۇمىستارىندا 10 ادام ەڭبەك ەتۋدە.
اۋداننىڭ تاعى 16 جۇمىسسىز تۇرعىنىنا كەمەڭگەر جانە ميچۋرينو اۋىلدارىنداعى "جۇمىسپەن قامتۋدىڭ جول كارتاسى" جوبالارىنا جۇمىسقا ورنالاسۋ ءۇشىن جولداما بەرىلدى.
"جالپى, جىل باسىنان باستاپ ورتالىعىمىزدا 220 جۇمىسسىز تىركەلىپ, ونىڭ 146-سى جۇمىسقا ورنالاستىرىلدى. جاستار تاجىريبەسىنە 15 ادام جىبەرىلدى. اۋىلدىڭ 92 تۇرعىنى قوعامدىق جۇمىستارعا تارتىلعان", دەدى جۇمىسپەن قامتۋ ورتالىعىنىڭ باسشىسى.
قازىر ءموبيلدى رەكرۋتتىك بەكەت قىزمەتكەرلەرى اۋداننىڭ باسقا دا اۋىلدىق اۋماقتارىنا بارىپ, تۇرعىندارىمەن ءتۇسىندىرۋ جۇمىستارىن جۇرگىزۋدە.
پاۆلودار وبلىسى,
پاۆلودار اۋدانى
