ايماقتا "اقسۋ-قابىلساي-قايتپاس-قالالىق قوقىس ورنى" جولىنىڭ 10-18 شاقىرىمى, "دەربىسەك-سارىاعاش" اۆتوموبيل جولىنىڭ 18,5-20 شاقىرىمى قايتا جاڭارتۋ جۇمىستارىنان ءوتىپ, تۇركىستان قالاسىنىڭ حالىقارالىق اۋەجايىنا اپاراتىن جولدا ينجەنەرلىك جەلىلەردى تارتۋ جۇمىستارى جۇرگىزىلەتىن بولادى.
سونىمەن قاتار, جەرگىلىكتى بيۋدجەت ەسەبىنەن كەلەس وزەنى ارقىلى وتەتىن كوپىردىڭ قۇرىلىسى جانە تۇركىستان قالاسىنداعى ج. مايكوتوۆ كوشەسى مەن "باتىس ەۋروپا – باتىس قازاقستان" ءدالىزى اراسىنداعى اۆتوموبيل جولىنىڭ قۇرىلىسى جۇرگىزىلۋدە. سونداي-اق, وبلىستىڭ ورداباسى, تۇلكىباس, قازىعۇرت جانە شاردارا اۋداندارىنداعى جولدار كۇردەلى جانە ورتاشا جوندەۋدەن وتەدى دەپ كۇتىلۋدە.
ايتا كەتۋ كەرەك, وڭىردە "اۋىل-ەل بەسىگى" مەملەكەتتىك باعدارلاماسى بەلسەندى تۇردە جۇزەگە اسىرىلۋدا. باعدارلاما اياسىندا جولداردىڭ 304 ۋچاسكەسى جوندەلىپ جاتىر. ال "بيزنەستىڭ جول كارتاسى 2020" اياسىندا اۆتوموبيل جولدارى سالاسىندا 84 جوبا جۇزەگە اسىرىلۋدا.
ەسكە سالايىق, تۇركىستان وبلىسىنداعى جولدار مەن كوشەلەردىڭ جالپى ۇزىندىعى 16,5 مىڭ شاقىرىمدى قۇرايدى. جاقسى جانە قاناعاتتاندىرارلىق جاعدايداعى جەرگىلىكتى ماڭىزى بار جولداردىڭ ۇلەسى – 74,1%. 2020 جىلى اتقارىلعان جۇمىستاردىڭ ناتيجەسىندە بۇل كورسەتكىش 6,5% ارتتىرىلاتىن بولادى.
