اۋىلدا قازىر كۇزگى جيىن-تەرىننىڭ ناعىز قىزعان شاعى. ەلوردادا كۇزدە جىل سايىنعى ءداستۇرلى جارمەڭكە وتەدى. وبلىستىق اۋىل شارۋاشىلىعى باسقارماسىنىڭ حابارىنا قاراعاندا, جارمەڭكەگە وبلىستىڭ 150-گە جۋىق اۋىلشارۋاشىلىق ونىمدەرىن وسىرۋمەن, وندىرۋمەن اينالىساتىن شارۋا قوجالىقتارى, سەرىكتەستىكتەرى قاتىستى. كۇزگى جارمەڭكەگە شارۋاشىلىقتار 665 توننا ازىق-ت ۇلىك, ونىڭ ىشىندە ەت, ءسۇت, سارى ماي, كۇنباعىس مايى, كارتوپ, بال, قايماق, قۇرت-ىرىمشىك, قوسپا, نان-توقاش ونىمدەرى, ۇيرەك-قاز, كوكونىستىڭ ءتۇر-ءتۇرىن, لەبياجىنىڭ قاربىزدارىن الىپ بارعان بولاتىن.
اۋىلدا قازىر كۇزگى جيىن-تەرىننىڭ ناعىز قىزعان شاعى. ەلوردادا كۇزدە جىل سايىنعى ءداستۇرلى جارمەڭكە وتەدى. وبلىستىق اۋىل شارۋاشىلىعى باسقارماسىنىڭ حابارىنا قاراعاندا, جارمەڭكەگە وبلىستىڭ 150-گە جۋىق اۋىلشارۋاشىلىق ونىمدەرىن وسىرۋمەن, وندىرۋمەن اينالىساتىن شارۋا قوجالىقتارى, سەرىكتەستىكتەرى قاتىستى. كۇزگى جارمەڭكەگە شارۋاشىلىقتار 665 توننا ازىق-ت ۇلىك, ونىڭ ىشىندە ەت, ءسۇت, سارى ماي, كۇنباعىس مايى, كارتوپ, بال, قايماق, قۇرت-ىرىمشىك, قوسپا, نان-توقاش ونىمدەرى, ۇيرەك-قاز, كوكونىستىڭ ءتۇر-ءتۇرىن, لەبياجىنىڭ قاربىزدارىن الىپ بارعان بولاتىن.
كارتوپ-قاربىز دەمەكشى, بۇرىنعى ءبىر جىلدارى وڭىرگە بۇل ونىمدەر وڭتۇستىكتەن جەتكىزىلىپ تۇرۋشى ەدى. قازىر وبلىس 320 مىڭ توننا كارتوپتى جيناپ الۋعا ءازىرلەنۋدە. لەبياجى اۋدانىنىڭ ءبىر عانا «قايرات» شارۋاشىلىعى گەكتارىنان 200 تسەنتنەردەن قاربىز الۋدا. سوندىقتان, وسىرگەن ونىمدەرى جىل سايىن وسىلاي استا-توك بايلىققا كەنەلسىن دەگەن نيەتپەن جاقسى شارالار وتكىزىلدى. جۇرتشىلىق وبلىس ورتالىعىندا العاش رەت «پاۆلودار كارتوبى-2013» كورمەسىن, «لەبياجىلىك قاربىز-2013» قاربىز فەستيۆالىن قىزىقتادى. پاۆلوداردان قاراوتكەل جاققا باراتىن كۇزگى جارمەڭكەنىڭ ويىن-ساۋىق قورجىنى دا ءان مەن كۇيگە تولى بولعان-دى. وبلىستىڭ حالىق شىعارماشىلىعى ۇجىمدارى مەن قولونەرشىلەرى, ۇلتتىق سپورت مايتالماندارى دا ساپارعا مىقتى دايىندالدى. قايرات شاپۋ باسقاراتىن «قايرات» شارۋا قوجالىعى گەكتارىنان 200 تسەنتنەردەن قاربىز جيناۋدا. شارۋاشىلىق 15 جىل بويى قاربىز ءوسىرىپ كەلەدى. قاربىز بۇل ءبىزدىڭ اۋداننىڭ برەندىنە اينالدى. لەبياجىنىڭ قاربىزى دەگەن اتى نارىققا ەندى, بۇكىل وبلىس بىلەدى, – دەيدى اۋدان اكىمى ايزادا قۇرمانوۆا. بۇل ءارى بولاشاق قاربىز ءوسىرۋشى بالالار ءۇشىن دە قاجەت. ەڭبەك, پايدا, تابىس قايدان كەلەتىنىن ءتۇسىنىپ, كورىپ وسەدى.
بىلتىر ءار گەكتاردان 115 تسەنتنەردەن ءونىم السا, بيىل ءار گەكتارىنان 250-300 تسەنتنەر ءونىم الۋدا. شارۋاشىلىق قاربىزدىڭ 36 سورتىنىڭ 25 ءتۇرىن وسىرەدى. كورشىلەس رەسەي اۋىلدارىنان دا سۇرانىس تۇسۋدە. بيىل جالپى اۋماعى 500 گەكتار جەرگە قاربىز ەگىلدى. قازىر ءونىم مول. القاپ تولى الا قاربىز.
قىزىعا قارايسىڭ. وبلىس ورتالىعىندا تۇراتىن قالالىقتار دا, وزگە اۋداندار مەن اۋىلدار دا لەبياجىنىڭ قاربىزدارىن ساتىپ الۋدا.
فاريدا بىقاي,
«ەگەمەن قازاقستان».
پاۆلودار وبلىسى,
لەبياجى اۋدانى.
