28 ماۋسىم كۇنى ساعات 15.45-تە ىلە اۋدانىنىڭ كەزەكشى بولىمىنە ارىز كەلىپ تۇسكەن. ارىزدا 42 جاستاعى كوكتەرەك اۋلىنىڭ تۇرعىنى, 10 سىنىپ وقيتىن, 16 جاستاعى بالاسىنىڭ ءۇشتى-كۇيلى جوعالىپ كەتكەنى تۋرالى باياندايدى. سول كۇننەن بەرى بالا تۋرالى اكەسى ەش حابار الا الماعان. پوليتسيا وكىلدەرى دەرەۋ ىزدەۋ جۇمىستارىنا كىرىسەدى.
ىزدەۋ باراسىندا ءجاسوسپىرىمنىڭ جاقىن دوستارىنان, اۋىلداعى تۇرعىنداردان جانە تۋىستارىنان سۇراستىرا كەلىپ, ونىڭ كورشى اۋىلداعى قۇرىلىستا جۇمىس ىستەپ جۇرگەنى انىقتالدى. اتالعان جايتتا بوزبالا اناسىنىڭ ۇيالى تەلەفونىنا حابارلاما جىبەرگەندىگى, بۇل تۋرالى اكەسىنىڭ حابارسىز ەكەندىگى ايتىلدى. ورىن العان جاعدايدان كەيىن ءتارتىپ ساقشىلارى اتا-اناسىنا جانە بالاعا ءتۇسىندىرۋ جۇمىستارىن جۇرگىزدى.
