"تسيفرلىق قازاقستان" مەملەكەتتىك باعدارلاماسىندا ادامي كاپيتالدى دامىتۋ بەس ماڭىزدى باعىتتىڭ ءبىرى سانالادى. جالپى, ادامي كاپيتال ەل ەكونوميكاسىنىڭ دامۋىنا ۇلكەن اسەر ەتەدى.
بۇگىنگى كۇنى ەل حالقىنىڭ تسيفرلىق ساۋاتتىلىق دەڭگەيى 82,1%-دى قۇرايدى. جوعارى كورسەتكىشتىڭ ارقاسىندا قازاقستان تسيفرلاندىرۋ بويىنشا جاقسى ناتيجەلەرگە قول جەتكىزۋدە.
"جالپى, ات سالاسىندا ادامي كاپيتالدى دامىتۋدىڭ ناتيجەسىندە بۇگىنگى تاڭدا تسيفرلاندىرۋدىڭ جالپى ەكونوميكالىق تيىمدىلىگى 802,5 ملرد تەڭگەنى قۇرادى. ءارتۇرلى سالادا 120 مىڭنان استام جۇمىس ورنى قۇرىلدى. وتاندىق ستارتاپتارعا 38 ملرد جۋىق ينۆەستيتسيا تارتىلدى. حالىقارالىق رەيتينگتەردە جاقسى جەتىستىكتەر كورسەتتىك. بۇل جۇمىس ءارى قاراي دا جالعاساتىن بولادى", دەدى مينيستر.
بۇگىن مەملەكەت باسشىسى قاسىم-جومارت توقاەۆتىڭ تاپسىرمالارىن ورىنداۋ اياسىندا مەملەكەتتىك باعدارلاماعا وزگەرىستەر ەنگىزىلۋدە. اتاپ ايتقاندا, بيزنەس پەن ەكونوميكا سالالارىن تسيفرلاندىرۋعا ەرەكشە نازار اۋدارىلادى.
ونىڭ ىشىندە ەكونوميكانى تسيفرلاندىرۋدىڭ باستى درايۆەرى رەتىندە 10 تەحنولوگيالىق پلاتفورما ىرىكتەلدى. ناتيجەسىندە جاڭا جوعارى تەحنولوگيالىق كومپانيالار پايدا بولۋدا. بۇل ءۇشىن ءبىرىنشى كەزەكتە جوعارى بىلىكتى ات-ماماندار قاجەت. بۇگىندە ات-ماماندارعا جىل سايىنعى قاجەتتىلىك 30 مىڭنان استام ادامدى قۇرايدى.
"بۇگىندە بالالار 1 سىنىپتان باستاپ ينفورماتيكا ءپانىن وقيدى. ال 3-4 سىنىپتان باستاپ باعدارلامالاۋ نەگىزدەرىن ۇيرەنەدى. ەل بويىنشا ات-زەرتحانالارى مەن روبوت تەحنيكاسى كلاستارىنىڭ سانى ارتىپ كەلەدى. باسقاشا ايتقاندا, زاماناۋي تالاپتارعا جاۋاپ بەرەتىن تسيفرلىق مانداردى دايارلاۋ مەكتەپ پارتاسىنان باستالادى. بۇل وتە قۋانتادى", دەدى ا.جۇماعاليەۆ.
بۇگىنگى تاڭدا ەلىمىزدە ات-ماماندارىن دايىندايتىن ەكى مامانداندىرىلعان جوو بار. ولار جەتەكشى حالىقارالىق سەرىكتەستەرمەن بىرلەسىپ وقۋ باعدارلامالارىن ازىرلەيدى.
سونىمەن قاتار ۇزدىك 10 جوو پۋلى قۇرىلدى. ولار سونداي-اق حالىقارالىق ۋنيۆەرسيتەتتەرمەن بىرگە وزدەرىنىڭ وقۋ باعدارلامالارىن دايىندادى. اتالعان جوو-لار ات-مامانداردى وقىتۋ جۇيەسىنىڭ وزەگى بولىپ تابىلادى.
بۇگىنگى تاڭدا ەلىمىزدە بولاشاق مامانداردى دايارلاۋدىڭ ءتيىمدى تاسىلدەرى ەنگىزىلۋدە. تسيفرلىق داعدىلاردى مەڭگەرگەن اۋديتوريانى قامتۋ ءۇشىن بارلىق وڭىردە باعدارلامالاۋ مەكتەپتەرى سياقتى ءتۇرلى باستامالار ەنگىزىلگەن. ونىڭ ىشىندە تسيفرلىق داعدىلارى قالىپتاسپاعان ادامدارعا ارنالعان باعدارلامالار ەنگىزىلدى.
سونداي-اق ات-نارىعىندا جەكە باعدارلامالار ازىرلەنۋدە. مىسالى, Beeline, Kaspi Bank, Chocofamily سياقتى كومپانيالار ءوز باستامالارىن ەنگىزدى.
سونىمەن قاتار كەلەشەكتە يندۋسترياداعى middle جانە senior كادرلاردىڭ تاپشىلىعىن جاباتىن جوعارى بىلىكتى اكت-ماماندار دايارلاۋ ءجۇرىپ جاتىر. بۇگىندە ولاردى Alem جانە QWANT باعدارلامالاۋ يننوۆاتسيالىق مەكتەپتەرى دايىندايدى. مۇنداي مەكتەپتەردىڭ تيىمدىلىگى حالىقارالىق پراكتيكادا دالەلدەنگەن, سوندىقتان ءتسدياوم الماتى, قاراعاندى, شىمكەنت قالالارىندا وسىنداي ات-مەكتەپتەردى ۇلعايتۋدى ۇسىنادى.
ءبىلىم بەرۋدەگى زاماناۋي تاسىلدەردىڭ ءبىرى — ونىمدىك-باعدارلانعان ءبىلىم بەرۋ. بەلگىلى n'Factorial مەكتەبى وسى ءادىس بويىنشا ءوز باعدارلاماسىن جاڭارتتى.
جاقىندا قازاقستاننىڭ اشىق ۋنيۆەرسيتەتى ىسكە قوسىلدى. بۇل — Couگѕەگا-نىڭ وتاندىق انالوگى, ەلدەگى ونلاين-ءبىلىمنىڭ ءبىرىنشى باعىتى.
مەملەكەت باسشىسىنىڭ تاپسىرماسى بويىنشا قۇرىلعان Astana Hub يننوۆاتسيالىق كومپانيالاردى تارتۋ ورتالىعى عانا ەمەس, ات-ماماندار ءۇشىن ءبىلىم بەرۋ الاڭى بولىپ تابىلادى.
حاب بازاسىندا قازىرگى زامانعى جابدىقتارمەن جابدىقتالعان وتاندىق جانە شەتەلدىك ات-كومپانيالاردىڭ پروتوتيپتەۋ زەرتحانالارى مەن R&D ورتالىقتارى جۇمىس ىستەيدى.
25 زەرتحانادا وقىتۋ Smart City, جاساندى ينتەللەكت, 5G, Blockchain جانە Big Data سياقتى پەرسپەكتيۆالى باعىتتار بويىنشا وتەدى.
2019 جىلدان باستاپ تەحنوپاركتەر جەلىسى ارقىلى وڭىرلەردە قۇزىرەتتىلىكتى ارتتىرۋ بويىنشا بەلسەندى جۇمىس جۇرگىزىلدى.
تسيفرلىق ساۋاتتىلىقتى ارتتىرۋ شەڭبەرىندە مينيسترلىك جەرگىلىكتى اتقارۋشى ورگاندارمەن بىرلەسىپ تسيفرلىق ساۋاتتىلىق, ەلەكتروندىق ۇكىمەتتى پايدالانۋ, ەلەكتروندىق كوممەرتسيا جانە اقپاراتتىق قاۋىپسىزدىك كۋرستارىن وتكىزدى.
سونىڭ ناتيجەسىندە 2 جىل ىشىندە تسيفرلىق ساۋاتتىلىق كۋرستارىندا 1,2 ملن-نان استام ادام وقىتىلدى. بيىل 400 مىڭنان استام ازاماتتى وقىتۋ جوسپارلانۋدا. بۇگىندە پاندەمياعا بايلانىستى تسيفرلىق ساۋاتتىلىق كۋرستارى ونلاين وتكىزىلەدى.
سونىمەن قاتار كاسىبي كادرلار اراسىندا تسيفرلىق ساۋاتتىلىقتى ارتتىرۋ بويىنشا اۋقىمدى جۇمىس جۇرگىزىلدى. اتاپ ايتقاندا, دەنساۋلىق ساقتاۋ, اۋىل شارۋاشىلىعى, ەڭبەك جانە حالىقتى الەۋمەتتىك قورعاۋ, ءبىلىم جانە عىلىم مينيسترلىكتەرىندە كاسىبي كادرلاردىڭ داعدىلارىن دامىتۋ بويىنشا بەلسەندى جۇمىس جۇرگىزىلدى. ەكى جىلدا 1,2 ملن-عا جۋىق مامان وقىتىلدى. جۇمىستىڭ نەگىزگى ماقساتى ەڭبەك ونىمدىلىگىن 50%-عا دەيىن ارتتىرۋ جانە جۇمىس ساپاسىن جاقسارتۋ بولىپ تابىلادى.
بۇگىندە دامىعان ينفراقۇرىلىم تسيفرلىق ساۋاتتىلىقتى ارتتىرۋعا اسەر ەتەدى. اسىرەسە اۋىلدىق ەلدى مەكەندەردە.
ايتا كەتۋ كەرەك, قازىرگى تاڭدا ەلىمىز الەمدەگى ينتەرنەت قولجەتىمدىلىگى بويىنشا كوشباسشىلاردىڭ ءبىرى سانالادى. ەلدەگى ينتەرنەتپەن قامتۋ دەڭگەيى 86,8% قۇرايدى.
قازىرگى تاڭدا ەلىمىزدە اۋىلدىق ەلدى مەكەندەرگە كەڭ جولاقتى ينتەرنەت جۇرگىزۋ بويىنشا ءىرى جوبا جۇزەگە اسىرىلۋدا. ناتيجەسىندە ينتەرنەتكە قولجەتىمدىلىك دەڭگەيى 99,3%-عا جەتەدى.
"ينتەرنەتكە قولجەتىمدىلىك ءبىزدىڭ ازاماتتارىمىزعا, سونىڭ ىشىندە اۋىل تۇرعىندارىنا تسيفرلىق ەكونوميكانى, ونلاين-ءبىلىم بەرۋدى دامىتۋعا جانە قاشىقتان جۇمىسقا بەلسەندى قاتىسۋعا مۇمكىندىك بەرەدى", دەدى ا. جۇماعاليەۆ.
ءسوز سوڭىندا مينيستر جوعارىدا اتالعان تەحنولوگيالىق پلاتفورمالار ەل ەكونوميكاسى سالالارىن دامىتۋعا باعىتتالعانىن اتاپ ءوتتى.
ءتيىستى ناتيجەلەرگە قول جەتكىزۋ ءۇشىن تسيفرلىق داعدىلارى بار كاسىبي كادرلاردى دايارلاۋ جانە حالىق اراسىندا تسيفرلىق ساۋاتتىلىقتى ارتتىرۋ جونىندەگى جۇمىس جالعاسادى.
وسى باعىتتا 2025 جىلعا دەيىن ات-داعدىلارى بار 1,8 ملن قىزمەتكەر جانە 370 مىڭ جوعارى بىلىكتى مامان دايارلانادى. جالپى, جۇرگىزىلىپ جاتقان جۇمىس ناتيجەسىندە 2025 جىلعا قاراي تسيفرلىق ساۋاتتىلىق دەڭگەيى 87%-عا جەتەدى.
