الەم • 30 ماۋسىم، 2020

تەرگەۋ يزولياتورىنداعى المازبەك اتامباەۆ پنەۆمونياعا بايلانىستى اۋرۋحاناعا اۋىستىرىلدى

107 رەت كورسەتىلدى

29 ماۋسىم كۇنى المازبەك اتامباەۆ ءوزىن ناشار سەزىنۋىنە بايلانىستى شاعىمدانعان. وسىعان سايكەس ودان COVID-19-عا پتر-ءاناليزى الىندى. بۇل تۋرالى قىرعىزستان ۇلتتىق قاۋىپسىزدىك كوميتەتىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

ۆەدومستۆونىڭ مالىمەتىنشە، ا.اتامباەۆتىڭ تەست سىناماسىنان كوروناۆيرۋس جۇقتىرعانى انىقتالدى. دارىگەرلەر ەكس-پرەزيدەنتتىڭ ەكى وكپەسى قابىنعان دەپ دياگنوز قويدى. سوندىقتان دارىگەرلەر كونسيليۋمى ونى تەرگەۋ يزولياتورىنان كوشىرۋ تۋرالى شەشىم قابىلدادى.

سوڭعى اپتادا ا.اتامباەۆ بىرنەشە رەت ادۆوكاتتار مەن تۋعان-تۋىستارىمەن كەزدەسكەنى تۋرالى جانە ولارعا قاعاز بەن زاتتاردى قولمەن تاپسىرعانى انىقتالدى.

رەسمي مالىمەتتەر بويىنشا، ۆيرۋستىق ينفەكتسيانىڭ جەكەلەگەن بەلگىلەرى ادۆوكات ز.جووشەۆتەن دە راستالدى. سەبەبى ادۆوكات ۆيرۋس جۇقتىرعان تۋىستارىمەن باينالىستا بولعان.

ۇقك تەرگەۋ يزولياتورى شتاتتىق رەجىمدە جۇمىس ىستەيتىنىن ايتتى. سونىمەن قاتار قىزمەتكەرلەر ارنايى مەديتسينالىق تەكسەرۋلەردەن جانە سانيتارلىق-ەپيدەميالىق جاعدايدى بىرقالىپتا ۇستاپ كەلگەنىن باياندادى.

ورىن العان جايتتان كەيىن قىزمەتكەرلەر تەست سىناماسىن تاپسىرادى. ەشقايسىسىندا ىندەتتىڭ بەلگىلەرى بايقالماعان. وسىدان سوڭ ۇقك ازاماتتار مەن كەلۋشىلەردى قابىلدار الدىندا پروفيلاكتيكالىق شارالارعا جاۋاپكەرشىلىك تانىتىپ، تۇسىنىستىكپەن قاراۋعا جانە ەرەجەلەردى قاتاڭ ساقتاۋعا مىندەتتەدى.

سوڭعى جاڭالىقتار

ۇقساس جاڭالىقتار