ايماقتار • 30 ماۋسىم، 2020

ساپا مەنەدجمەنتىن ەنگىزۋ سەرتيفيكاتى اباي ۋنيۆەرسيتەتىنە تابىستالدى

63 رەت كورسەتىلدى

"EVROCERT" ەۋروپالىق كومپانياسىنىڭ ISO 370001: 2016 حالىقارالىق ستاندارىنا سايكەس سىبايلاس جەمقورلىققا قارسى كۇرەس ساپا مەنەدجمەنتىن ەنگىزۋ بويىنشا سەرتيفيكاتى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنە تابىستالدى، - دەپ جازادى Egemen.kz

ۋنيۆەرسيتەت باسشىلىعى مەن "EVROCERT" ەۋروپالىق كومپانيا وكىلدەرىنىڭ بەيرەسمي پىكىر الماسۋىنان باستالعان شارا بارىسىندا ISO 370001: 2016 حالىقارالىق ستاندارىنا سايكەس سىبايلاس جەمقورلىققا قارسى كۇرەس ساپا مەنەدجمەنتىن ەنگىزۋ ۇدەرىسى بويىنشا اتقارىلعان شارالار مەن الداعى جوسپارلار تالقىلاندى.

رەسمي ءبولىمدى ۋنيۆەرسيتەت رەكتورى تاكير بالىقباەۆ اشىپ، قاتىسۋشىلارعا قوناقتاردى تانىستىرىپ ءوتتى. رەسمي باسقوسۋدىڭ قوناقتارى: قازاقستان رەسپۋبليكاسىنىڭ مەملەكەتتiك ستاندارتتاۋجۇيەسiنىڭ ساراپشى-اۋديتورى، "EVROCERT" ەۋروپالىق كومپانياسىنىڭ جەتەكشى اۋديتورى ۆلاديمير سولوۆەۆ، "سانالى ۇرپاق" رەسپۋبليكالىق جوبالىق كەڭسەسىنىڭ جەتەكشىسى قايىرجان توكۋشەۆ، "اگەنستۆو ۆنەدرەنيا يسو" جشس ديرەكتورى، باس كەڭەسشى باندۋرو اناتولي، ساراپشى-اۋديتور يليملار زۋبانوۆ بولدى.

"سانالى ۇرپاق" رەسپۋبليكالىق جوبالىق كەڭسەسىنىڭ جەتەكشىسى قايىرجان توكۋشەۆ جاستاردىڭ بويىندا پاراساتتىلىق پەن ىزگىلىك قاسيەتتەرىن دامىتۋ، قوعامدا سىبايلاس جەمقورلىققا قارسى مادەنيەتتى قالىپتاستىرۋ باعىتىندا ەلىمىزدىڭ جەتەكشى جوعارى وقۋ ورىندارىمەن بىرلەسىپ جاسالىپ جاتقان جۇمىستار تۋرالى قىسقاشا اقپارات بەردى.

ءسوز كەزەگىنالعان جەتەكشى اۋديتور ۆلاديمير سولوۆەۆ ISO 370001: 2016 حالىقارالىق ستاندارىنا سايكەس سىبايلاس جەمقورلىققا قارسى كۇرەس ساپا مەنەدجمەنتىن ەنگىزۋ بويىنشا ۋنيۆەرسيتەتىمىزدە جاسالعان اۋقىمدى جۇمىستارعا توقتالىپ، ءسوز سوڭىندا ۋنيۆەرسيتەت رەكتورى تاكير بالىقباەۆ مىرزاعا "EVROCERT" سەرتيفيكاتتاۋ جانە باقىلاۋ كومپانياسىنىڭ سەرتيفيكاتىن رەسمي تابىستادى. بۇل سەرتيفيكاتتى ۋنيۆەرسيتەتىمىز ەلىمىزدە العاشقى بولىپ يەلەندى.

باس كەڭەسشى باندۋرو اناتولي "اگەنستۆو ۆنەدرەنيا يسو" كونسالتينگتىك كومپانياسىنىڭ وقىتۋ باعدارلاماسىنا سايكەس سىبايلاس جەمقورلىققا قارسى كۇرەس ساپا مەنەدجمەنتى جۇيەسىنىڭ ىشكى اۋديتورى بىلىكتىلىگى تۋرالى سەرتيفيكاتىن ۋنيۆەرسيتەت رەكتورى تاكير بالىقباەۆقا، تاربيە جۇمىسى جانە الەۋمەتتىك دامۋ جونىندەگى پرورەكتور جاناتبەك ىشپەكباەۆقا جانە "پاراسات" ورتالىعىنىڭ ديرەكتورى قامبار ۋسيپوۆكە تابىستادى.

شارا سوڭىندا ۋنيۆەرسيتەت رەكتورى سىبايلاس جەمقورلىققا قارسى كۇرەس جولىندا ەڭبەك ەتىپ، ادالدىق پەن پاراساتتىلىقتى دامىتۋعا ۇلەس قوسىپ كەلە جاتقان شارا قوناقتارىنا العىس حاتىن تابىستادى. الداعى ۋاقىتتا تازا قوعامدى قالىپتاستىرۋ باعىتىندا ىنتىماقتاستىقتا جۇمىس جاسايتىندىعىنا ۇلكەن سەنىم ءبىلدىردى.

ايتا كەتەتىن جايت، يسو 37001-2016 جىلعى حالىقارالىق ستاندارت تالاپتارىنا سايكەس سىبايلاس جەمقورلىققا قارسى ءىس-قيمىل مەنەدجمەنتىنىڭ جۇيەسىن (سجقمج) ازىرلەۋ جانە ەنگىزۋ بارىسىندا ۋنيۆەرسيتەت قابىرعاسىندا اۋقىمدى ىستەر اتقارىلدى. اتاپ ايتقاندا، قۇرىلىمدىق بولىمشەلەردە سىبايلاس جەمقورلىق تاۋەكەلدەرى ساراپتالىپ، سجقمج قۇجاتتارىنىڭ سانى مەن قۇرامى جانە ولاردىڭ قولدانىستاعى جۇيەگە ەنگىزىلۋى انىقتالدى. ەلىمىزدىڭ زاڭانامالىق نورمالارىن ەسكەرە وتىرىپ، ISO 37001 قۇجاتتار پروتسەدۋراسى ازىرلەنىپ، ىشكى اۋديتورلار دايارلىقتان ءوتتى.

سوڭعى جاڭالىقتار

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

سپورتتى سەرىك ەتكەن

سپورت • بۇگىن، 09:02

سورەسىندە – سان كىتاپ

ادەبيەت • بۇگىن، 09:00

جۇلدىزدى ساتتەر جىلناماسى

ەلباسى • بۇگىن، 08:55

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

ۇقساس جاڭالىقتار