دەرت دەرەگى كوپ شىققان وبلىس ورتالىعى مەن ستەپنوگورسك قالاسىندا كارانتين شەكتەۋلەرى بارىنشا كۇشەيتىلەتىن بولدى. 24 ماۋسىم كۇنى ساعات 00.00-دەن باستاپ كوكشەتاۋ قالاسى كارانتينگە جابىلسا, ماۋسىمنىڭ 26-ى كۇنى ءدال وسىنداي قاتاڭ شارالار ستەپنوگورسك قالاسىندا جۇزەگە اسىرىلدى. بارلىق كولىك تۇرلەرى بۇل قالالاردىڭ اۋماعىنا كىرىپ-شىعۋعا تىيىم سالىندى. تەك ترانزيتتىك جۇك كولىكتەرى مەن ازىق-ت ۇلىك تاسىمالدايتىن كولىكتەرگە عانا رۇقسات ەتىلىپ وتىر. ءتيىستى ورگاندار ەكى قالا تۇرعىندارىنا دا ساقتانۋ شارالارى تۋرالى تۇسىنىك جۇمىستارىن جۇرگىزۋدە.
– وڭىرىمىزدە كوروناۆيرۋس پاندەمياسىمەن كۇرەس ءبىرشاما تياناقتى جۇرگىزىلۋدە, – دەيدى وبلىستىق تاۋارلار جانە كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايناگۇل مۋسينا, – حالىقتىڭ دەنساۋلىعىن ساقتاۋ ءۇشىن قاجەتتى بارلىق شارالار قولعا الىنۋدا.
باسقارما باسشىسىنىڭ ايتۋىنا قاراعاندا, نەگىزىنەن انتيباكتەريالدى تەراپياعا تسەفرياكسون, تسەفتازيديم, تسەفۋروكسيم, لاۆوفلوكساتسين ءتارىزدى پرەپاراتتار قولدانىلادى ەكەن. بۇگىنگى تاڭدا بۇل دارىلەرگە مەديتسينا مەكەمەلەرى تاراپىنان سۇرانىس ارتىپ وتىر. ءدارى-دارمەكتىڭ تاپشىلىعىنىڭ باستى سەبەبى, باعا ايىرماشىلىعىندا ءتارىزدى. ماسەلەن, ءدارىحانالاردا قىمبات پرەپاراتتار جەتكىلىكتى مولشەردە بولعانىمەن, كوپشىلىك ءجيى تۇتىناتىن ارزانقولدى ءدارى-دارمەك سورەلەردە جاتپايتىن كورىنەدى. وسىدان بارىپ ەل ىشىندە ءدارىحانالاردا ءدارى جوق دەگەن قاۋەسەت تاراپ كەتكەن.
وڭىردەگى مەديتسينا مەكەمەلەرىنىڭ ءدارى-دارمەك قورى ۇستەمەلەپ تولتىرىلماق. بۇگىنگى تاڭدا «ارشا» مەديتسينالىق كاسىپورنى كوكشەتاۋدىڭ مەديتسينا مەكەمەلەرىن ءدارى-دارمەكپەن قامتاماسىز ەتىپ كەلەدى. بۇل كاسىپورىن ءۇش ءدارىحاناسى ارقىلى ءدارى-دارمەك ساتۋدا. باسشىلارىنىڭ ايتۋىنا قاراعاندا, اسپيرين, پاراتسەتامول سىندى ادەتتە ءجيى قولدانىلاتىن دارىلەر جەتكىلىكتى.
ورىن تاپشىلىعىن جويۋ ءۇشىن ەسىل مەن جارقايىڭ اۋداندارىندا, اتباسار قالاسىندا جاڭا ورىندار جاساقتالۋدا. وبلىس اكىمىنىڭ ورىنباسارى مالعاجدار تاتكەەۆتىڭ ايتۋىنشا, بۋراباي اۋدانىندا ەلدى مەكەننەن ءبىرشاما الىستاۋ ورنالاسقان جاستار عيماراتى بوس تۇر. ەندىگى ماسەلە, عيمارات يەسىمەن كەلىسسوز جۇرگىزۋ.
وبلىس ورتالىعىندا جۇك تاسىمالداۋدى سىلتاۋراتىپ, زاڭسىز كىرگەن تۇرعىندار دا انىقتالعان. بۇل ماسەلەنى شەشۋ ءۇشىن ءتارتىپ ساقشىلارى مەن مەديتسينا ماماندارى تاۋلىك بويى كارانتين شارالارىن قاتاڭ باقىلايتىن بولادى. بلوك بەكەتتەردە جۇمىس ىستەيتىن بارلىق قىزمەتكەرلەرگە ارنايى تالاپ قويىلعان. ولار ءاربىر ەكى ساعات سايىن بەكەت اۋماعىن زارارسىزداندىرىپ وتىرۋى ءتيىس. بارلىعى ارنايى كيىمدەرمەن جانە قاجەتتى قۇرىلعىلارمەن قامتاماسىز ەتىلگەن.
اقمولا وبلىسى
