ۇلتتىق قاۋىپسىزدىك كوميتەتى توراعاسىنىڭ ورىنباسارى – شەكارا قىزمەتىنىڭ ديرەكتورى, گەنەرال-لەيتەنانت نۇرلان جولامانوۆ رەسپۋبليكامىزدىڭ وڭتۇستىك وڭىرلەرىندەگى شەكارا شەپتەرىندە بولىپ, ونداعى اسكەري-قىزمەتتىڭ ۇيىمداستىرىلۋىمەن, جاڭا تيپتەگى زاستاۆا قۇرىلىستارىنىڭ سالىنۋ بارىسىمەن تانىستى. ينسپەكتورلىق قاداعالاۋعا وسى اۋماقتا ورنالاسقان قاراساي, قورداي, سارىاعاش جانە جەتىساي شەكارا وتريادتارىنىڭ نىساندارى ىلىكتى. ساپار بارىسىندا ءاربىر نىسانعا ناقتىلاي باعا بەرىلىپ, ولاردىڭ جاقسى جاقتارىمەن قاتار, كەمشىلىكتەرى دە ايتىلدى.
ۇلتتىق قاۋىپسىزدىك كوميتەتى توراعاسىنىڭ ورىنباسارى – شەكارا قىزمەتىنىڭ ديرەكتورى, گەنەرال-لەيتەنانت نۇرلان جولامانوۆ رەسپۋبليكامىزدىڭ وڭتۇستىك وڭىرلەرىندەگى شەكارا شەپتەرىندە بولىپ, ونداعى اسكەري-قىزمەتتىڭ ۇيىمداستىرىلۋىمەن, جاڭا تيپتەگى زاستاۆا قۇرىلىستارىنىڭ سالىنۋ بارىسىمەن تانىستى. ينسپەكتورلىق قاداعالاۋعا وسى اۋماقتا ورنالاسقان قاراساي, قورداي, سارىاعاش جانە جەتىساي شەكارا وتريادتارىنىڭ نىساندارى ىلىكتى. ساپار بارىسىندا ءاربىر نىسانعا ناقتىلاي باعا بەرىلىپ, ولاردىڭ جاقسى جاقتارىمەن قاتار, كەمشىلىكتەرى دە ايتىلدى.
شەكارا باسشىسى بۇل قاداعالاۋىن قاراساي شەكارا وتريادىنا قاراستى «بۇرعان» زاستاۆاسىنىڭ قۇرىلىس الاڭىنان باستادى. قۇرىلىستىڭ ءاربىر نىسانى, ولاردىڭ مەرزىمىندە ورىندالۋى باستى نازارعا الىندى. كەمشىلىكتەرى بار بولعانىمەن بۇل قۇرىلىستىڭ جۇرگىزىلۋىنە شەكارا باسشىسى قاناعاتتانارلىق باعاسىن بەردى.
بۇدان كەيىن باسشىلىق قورداي شەكارا وتريادىنا قاراستى «سورتوبە» زاستاۆاسىنا اتباسىن تىرەدى. مۇنداعى كەشەندىك نىساننىڭ جۇمىستارى نەگىزىنەن اياقتالعان, تەك ىشكى ارلەۋ, جيھازدار مەن جابدىقتار قويۋ سەكىلدى جۇمىستارى عانا قالىپتى.
بۇل زاستاۆانىڭ قۇرىلىسى قاناعاتتانارلىق, مۇندا مەردىگەرلەر بەلگىلىنگەن كەستەمەن جۇمىس اتقارۋدا, ساپاسى دا بەلگىلەنگەن ستاندارتقا ءسايكەس كەلەدى. تاراز قالاسىنىڭ «پرومحيممونتاج» مەردىگەرلىك اق-تى تياناقتى قۇرىلىس ۇيىمى رەتىندە اتاپ ءوتۋ كەرەك, بۇلارمەن ەرتەڭگى كۇنى دە جۇمىس ىستەۋگە بولادى, – دەدى شەكارا باسشىسى ريزاشىلىعىن ءبىلدىرىپ.
اسكەري تىكۇشاقتىڭ كەلەسى تابان تىرەگەن جەرى «وتەگەن» زاستاۆاسى بولدى. مۇنداعى قۇرىلىس جۇمىستارىنا قاتىستى كوپتەگەن ماسەلەلەردىڭ قوردالانىپ قالعاندىعى بايقالدى. زاستاۆا اۋماعىنىڭ جايلاندىرىلۋى, جاتاقحانا, كازارما جانە سپورت زالدارى عيماراتتارىنىڭ كەمشىلىكتەرى باسا ايتىلدى. گەنەرال-لەيتەنانت ن.جولامانوۆ شىمكەنتتىك «جالعاسقۇرىلىس» جشس مەردىگەرلىك ۇيىمىنىڭ باسشىسىنا ساپاسىز جۇمىستارى بويىنشا ءوزىنىڭ سىن ەسكەرتپەلەرىن ايتىپ, كەمشىلىكتەرىن تۇزەتۋگە ۋاقىت بەلگىلەدى.
ال «قازىعۇرت» زاستاۆاسىنىڭ كەشەندىك نىساندارى ديرەكتور باستاعان شەكاراشىلار توبىن ءوزىنىڭ ۇقىپتىلىعىمەن رازى ەتتى. جالپى ايتقاندا, نىسان بەلگىلەنگەن كەستە بويىنشا سوعىلۋدا, ونىڭ ساپالىلىعىنا دا ەشكىمنىڭ تالاسى بولمادى. شەكارا باسشىسى قۇرىلىس جۇمىستارىن ويداعىداي اتقارعانى ءۇشىن «ازات ي كو» جشس باسشىلىعىنا العىسىن ءبىلدىردى.
ءسويتىپ, قۇرىلىس نىساندارىنا تۇراقتى باقىلاۋ جاساۋدى جۇزەگە اسىرعان «وڭتۇستىك» وڭىرلىك باسقارماسىنىڭ جانە شەكارا وتريادتارىنىڭ وفيتسەرلەرى دە اقشالاي سىياقىمەن ماراپاتتالدى.
«ەگەمەن-اقپارات.
