"مينيسترلىك جۇمىسىنىڭ كەلەسى ءبىر ۇلكەن باعىتى – حالىق ۇنىنە قۇلاق اساتىن مەملەكەت پەن اقپاراتتى قولجەتىمدى ەتۋ. ارينە, بۇل بارلىق مەملەكەتتىك ورگاندارعا ورتاق مىندەتتەر. "حالىقتىڭ ۇنىنە قۇلاق اساتىن مەملەكەت" يدەياسى قازىر قوعامنىڭ قىزۋ قولداۋىن تاۋىپ, شىن مانىندە ۇلكەن ءۇمىت كۇتەتىن كونتسەپتسيا بولىپ وتىر. ونىڭ اياسىندا وسى ۋاقىتقا دەيىن ءبىراز شارۋا اتقارىلدى. ماسەلەن, مينيسترلىك باسشىلىعىنىڭ ازاماتتاردى تۇراقتى تۇردە قابىلداۋى مەن ولاردىڭ ءوتىنىش-تىلەكتەرىن باقىلاۋ ءىسى ءبىر جۇيەگە كەلتىرىلگەن. ءمينيستردىڭ جەكە بلوگى دا ۇزدىكسىز جۇمىس ىستەيدى", - دەدى مينيستر.
سونداي-اق ءمينيستردىڭ سوزىنشە, اقپاراتقا قول جەتكىزۋ قامتاماسىز ماقساتىندا بىرقاتار شارا قولعا الىنىپ, جۇزەگە اسقان.
"قازىردىڭ وزىندە مەملەكەتتىك ورگاندارعا قاراستى كوپتەگەن مەكەمە وسىنداي مودەلمەن جۇمىس جاساپ وتىر. ماسەلەن, 100-دەن اسا ۇيىم "اشىق ديالوگ" پورتالىندا ءبىرىنشى باسشىلارىنىڭ بلوگىن اشتى. ءسويتىپ, پورتالدا كوپتەگەن اشىق مالىمەت جاريالانا باستادى. تاعى ءبىر اتاپ وتەتىن جايت - قازىر ءبىز جالپاق ەلگە ىڭعايلى بولۋى ءۇشىن مەملەكەتتىك باعدارلامالاردىڭ ورتاق پورتالىن جاساپ, ىسكە قوسۋدامىز. بۇل جەردە ۇكىمەت پەن جەرگىلىكتى ورگاندار جۇزەگە اسىرىپ جاتقان بارلىق باعدارلامالارمەن تۇسىنىكتى ءارى قولجەتىمدى تۇردە تانىسۋعا بولادى", - دەدى ايدا بالاەۆا.
