"ەرىكتىلەر قوزعالىسىن دامىتۋعا, اسىرەسە پاندەميا كەزىندە مەملەكەت باسشىسىنىڭ اعىمداعى جىلدى - ەرىكتىلەر جىلى دەپ جاريالاۋ جونىندەگى باستاماسى ۇلكەن سەرپىن بەردى. "Birgemiz" رەسپۋبليكالىق فرونت-ءوفيسىنىڭ قامقورلىعىمەن ۆولونتەرلىك شتاب قۇرىلدى, "قاۋىرت جەلى" اشىلدى, حالىقتىڭ الەۋمەتتىك وسال توپتارىنا كومەك كورسەتەتىن 40 مىڭ ەرىكتىلەر جۇمىلدىرىلدى", - دەدى ايدا بالاەۆا.
ونىڭ ايتۋىنشا, توتەنشە جاعداي كەزىندە ەل بويىنشا قيىن ومىرلىك جاعدايعا تاپ بولعان 1 ميلليونعا جۋىق ازاماتقا كومەك كورسەتىلگەن.
"ۆولونتەرلەر سوعىس جانە ەڭبەك ارداگەرلەرىنە, جالعىز باستى قارتتارعا, كوپبالالى جانە از قامتىلعان وتباسىلارعا توتەنشە جاعداي كەزىندە كومەك كورسەتتى. ەرىكتىلەردىڭ جۇمىسىن ودان ءارى جۇيەلى دامىتۋ ءۇشىن وڭىرلىك دەڭگەيدەن رەسپۋبليكالىق دەڭگەيگە دەيىن بىرىڭعاي ۆەرتيكال قاعيداتى بويىنشا ۆولونتەرلىك ينفراقۇرىلىم قۇرىلدى. قازىرگى ۋاقىتتا ۇەۇ-مەن بىرلەسىپ, ءتيىستى زاڭ جوباسىن ازىرلەۋ بويىنشا جۇمىس جۇرگىزىلۋدە, ونىڭ شەڭبەرىندە ۆولونتەرلىك قىزمەتكە قاتىسۋعا ادامداردى ىنتالاندىرۋ ءۇشىن پراكتيكالىق تەتىكتەر سالىناتىن بولادى", - دەدى مينيستر.
