ايماقتار • 29 ماۋسىم، 2020

پاۆلودار وبلىسىندا ناۋرىز ايىنان بەرى 108 ساياجاي جانىپ كەتكەن

18 رەت كورسەتىلدى

وڭىردە ءورت قاۋىپتىلىگى جوعارى كەزەڭ باستالعالى بەرى 248 ساياجاي ۋچاسكەسى ورتكە ورانعان، دەپ حابارلايدى pavlodarnews.kz.

بۇل تۋرالى پاۆلودار وبلىسى توتەنشە جاعدايلار دەپارتامەنتى باسشىسىنىڭ م.ا.، پولكوۆنيك سامات اسايىنوۆ ءمالىم ەتتى.

ء"ورت قاۋىپتى كەزەڭى باستالعاننان بەرى وبلىس اۋماعىنداعى ساياجايلاردا 60 ءورت وقيعاسى تىركەلدى. وسى ورتتەردىڭ سالدارىنان 248 ساياجاي ۋچاسكەسى ورتكە ورانىپ، 108 ءۇي جانىپ، جويىلىپ كەتتى. ونىڭ ىشىندە 140 ۋچاسكە يەسىز قالعان. ەڭ كوپ ءورت وقيعالارى وبلىس ورتالىعىنداعى "يابلونكا"، "مەليوراتور" جانە "مەتاللۋرگ" ساياجايلارىندا ورىن الدى"، - دەدى سامات اسايىنوۆ.

سامات اسايىنوۆتىڭ ايتۋىنشا، "مەتاللۋرگ" ساياجايىندا بولعان ءورت الەۋمەتتىك جەلىلەردە ۇلكەن رەزونانس تۋدىرعان. ساياجايدىڭ شەتىندەگى قالىڭ قامىس پەن قۇرعاق شوپتەن شىققان وت ساياجاي ۋچاسكەلەرىنە تاراعان.  



"مەتاللۋرگ" ساياجايىنىڭ اۋماعى - 40 گەكتار"، - دەدى سامات اسايىنوۆ. – ساياجاي ۋچاسكەلەرىنىڭ جارتىسىنا جۋىعى – يەسىز ۋچاسكەلەر. سوندىقتان ولاردى قالىڭ ءشوپ باسىپ، وت تيسە قاۋلاپ جانۋعا دايىن تۇر. ورتەنىپ كەتكەن ون بەس ۋچاسكەنىڭ ىشىندە ەكەۋى عانا قولدانىستاعى ساياجاي بولسا، قالعانى يەسىز ۋچاسكەلەر.  

سونىمەن قاتار، دەپارتامەنت باسشىسىنىڭ م.ا. ساياجاي كووپەراتيۆىنىڭ اۋماعىندا سۋ جوق بولعاندىقتان ءورت ءسوندىرۋ ماشينالارىنا جاقىن ماڭداعى جەو-نان سۋ تاسىمالداۋعا تۋرا كەلگەنىن ايتتى.  

"وبلىستاعى ءۇش قالانىڭ ماڭىندا 29 ساياجاي كووپەراتيۆتەرى جۇمىس ىستەيدى. مۇندا ورنالاسقان 52 مىڭنان استام ۋچاسكەنىڭ 42 پروتسەنتى يەسىز. ولاردىڭ ناقتى سانى -  22217 ۋچاسكە. ساياجايلاردىڭ كوپشىلىگى پاۆلودار قالاسىندا ورنالاسقان. بارلىعى 19 ساياجاي كووپەراتيۆتىندە 44 مىڭعا جۋىق ۋچاسكە بولسا، ولاردىڭ جارتىسىنا جۋىعى يەسىز قالعان. ياعني، بۇل ۋچاسكەلەردى ءشوپ باسىپ، ۇيلەرى تالان-تاراجعا تۇسكەن. ەكىباستۇز قالاسىنداعى 7 جانە اقسۋ قالاسىنىڭ ماڭىنداعى 3 ساياجاي كووپەراتيۆىندە دە جاعداي وسىعان ۇقساس"، - دەدى سامات اسايىنوۆ.

سوڭعى جاڭالىقتار

اقسۋدا قارتتار ءۇيى ورتەندى

ايماقتار • بۇگىن، 09:57

ۇقساس جاڭالىقتار