جاس تۇلەك بەس تىلگە بىردەي جۇيرىك ەكەن: قازاق, ورىس, فرانتسۋز, اعىلشىن جانە تۇرىك تىلدەرىن تەرەڭ مەڭگەرگەن. ءوزىن ەكونوميكا, الەۋمەتتانۋ جانە جاراتىلىستانۋ عىلىمدارىنىڭ قىزىقتىراتىنىن ايتادى.
بالنۇر 10-سىنىپتا وقىپ جۇرگەنىندە حالىقارالىق ەمتيحان تاپسىرىپ, ونىڭ ناتيجەلەرىن الەمنىڭ ءتۇرلى ەلدەرىندەگى ۋنيۆەرسيتەتتەردىڭ جالپى بازاسىنا جىبەرگەن ەكەن.
– مەنىڭ ىنتالاندىرۋ باعىتىنداعى حاتىمدى وقىپ, ولار تاڭعالىپتى. جالپى, شەتەلدىك ۋنيۆەرسيتەتتەر بولاشاق ستۋدەنتتەردىڭ وزىندىك دامۋىنا, ىنتالانۋىنا, ىشكى سيپاتى مەن دۇنيەتانىمىنا ۇلكەن ءمان بەرەدى ەكەن. بەس ءتىلدى بىلەتىنىم ءوز الدىنا, مەن filmmaking and photography ىسىمەن, سونداي-اق ەكولوگيالىق جوبالارمەن اينالىسامىن, ماتەماتيكا بويىنشا وليمپيادالارعا قاتىستىم. نەگىزى, وقۋدان تىس ىزدەنۋ مەن قىزىعۋشىلىق ادامنىڭ بويىنداعى دارالىق قاسيەتتى اشا تۇسەدى. ۋنيۆەرسيتەتتەر قالىپتاسقان تۇلعالاردى ىزدەيدى. مەن ارماندارىمدى جۇزەگە اسىرۋ ءۇشىن كۇشىمنىڭ, ءبىلىمىم مەن مۇمكىندىكتەرىمنىڭ مول بولعانىن قالايمىن. بولاشاقتا ءوزىمنىڭ بيزنەس-جوبالارىمدى ىسكە اسىرسام دەيمىن, – دەپ ارماندايدى تالاپتى جاس بالنۇر تولەنوۆا.
سونىمەن, قاراعاندىنىڭ دارىندى قىزى امەريكاداعى رود-ايلەند شتاتىنىڭ ۋنيۆەرسيتەتىن تاڭدادى. بۇل وقۋ ورداسىندا ءبىلىم الۋ قۇنى جىلىنا 80 مىڭ اقش دوللارىنا دەيىن تۇرادى ەكەن. ال ەمتيحان سىناعىنان سۇرىنبەي وتكەن بالنۇر بولسا, اتالعان ۋنيۆەرسيتەتتە تەگىن وقۋ مۇمكىندىگىنە يە بولدى.
قاراعاندى
