بۇگىن, 10 قازان كۇنى قازاقستان پرەزيدەنتى نۇرسۇلتان نازارباەۆ ازەربايجان رەسپۋبليكاسىنىڭ پرەزيدەنتى لاۋازىمىنا قايتا سايلانۋىنا وراي يلحام اليەۆكە قۇتتىقتاۋ جەدەلحاتىن جولدادى. بۇل تۋرالى اقوردانىڭ ءباسپاسوز قىزمەتى حابارلادى.
جەدەلحاتتا نۇرسۇلتان نازارباەۆ يلحام اليەۆتىڭ ەل پرەزيدەنتى لاۋازىمىنداعى قىزمەتى ازەربايجاندى ودان ءارى جان-جاقتى دامىتۋعا جانە گۇلدەندىرۋگە مۇمكىندىك بەرەتىنىنە سەنىم بىلدىرگەن.
«دوستىق پەن ءوزارا قۇرمەت داستۇرلەرىنە نەگىزدەلگەن قازاقستان مەن ازەربايجان اراسىنداعى ستراتەگيالىق سەرىكتەستىكتىڭ اياسى الداعى ۋاقىتتا دا كەڭەيىپ, حالىقتارىمىزدىڭ يگىلىگى جولىندا نىعايا تۇسەتىن بولادى», - دەپ اتاپ وتكەن مەملەكەت باسشىسى.
قازاقستان پرەزيدەنتى سوڭىندا ي.اليەۆكە زور دەنساۋلىق, قىزمەتىندە جاڭا بيىكتەر, ال باۋىرلاس ازەربايجان حالقىنا بەيبىتشىلىك پەن باق-بەرەكە تىلەگەن.
