• 10 قازان, 2013

ايگۇل مەنەن التىناي نەگە كەلىسە الماي ءجۇر؟ (بەينەبايان)

520 رەت

كورسەتىلدى

2 مين

وقۋ ءۇشىن

Egemen Qazaqstan

بۇگىندە ەلىمىزدىڭ ءار قيىرىنا بارىپ,ۇدايى كونتسەرت قويىپ جۇرگەن اكتەر, رەجيسسەر ءسابيت ابدىحالىقوۆتىڭ ەكى ايەلى - بۇرىنعىسى ايگۇل يمانباەۆا مەن قازىرگىسى التىناي جوراباەۆانىڭ اراسىنان قارا مىسىق جۇگىرىپ وتكەن سياقتى. بۇل تۋرالى NUR.KZ جازدى. باسىلىمنىڭ جازۋىنشا, بۇل ەكى ءانشى وسى كەزگە دەيىن ءبىر-بىرىمەن وتە جاقسى ارالاسىپ كەلگەن. ولار ءتىپتى جۇپتاسىپ ءان دە سالىپ جۇرگەن. ەندى جاقىن كۇندەرى الماتىداعى رەسپۋبليكا سارايىندا «ءۇش جاس باقىتتى بولسىن!» دەگەن باس تاقىرىپپەن كەش تە وتكىزبەكشى بولعان. مىنا كەلىسە الماۋشىلىق وسى كەشكە دايىندىق بارىسىندا تۋىنداپ كەتكەنگە ۇقسايدى. «ەكى ءانشى كەزەكتى كونتسەرتتەرىنىڭ الدىندا ءبىر-بىرىمەن سوزگە كەلىسپەي قالعان. جاقىن كۇندەرى الماتىداعى رەسپۋبليكا سارايىندا وتەتىن كەشكە ازىرگە ءسابيت پەن التىنايدىڭ وزدەرى دايىندىق جۇرگىزۋدە. «ءۇش جاس باقىتتى بولسىن!» دەگەن اتپەن وتەتىن كەش الدىندا ءۇش ورتا جاسقا كەلگەن ونەر جۇلدىزدارىنىڭ اراسىندا نە بولعانىن «31 ارنا» تىلشىلەرى انىقتادى», - دەپ جازادى اگەنتتىك بۇل تۋرالى. «ءسابيتتىڭ بۇرىنعى ايەلى مەن قازىرگى جارى, قازاق ەستراداسىنىڭ ەكى جۇلدىزى ايگۇل مەن التىنايدىڭ بىرگە جۇرگەنىن, ودان قالسا ساحناعا ءان ايتىپ شىققانىن كورگەندە جاعاسىن ۇستاپ, تاڭ قالىپ ەدى جۇرت. بۇگىندە كوز ۇيرەنە باستاعان بۇل ۇشتىكتىڭ قارىم-قاتىناسى جونىندە نەبىر اڭىز اڭگىمەلەر ءورىپ ءجۇر. ەكەۋى ءبىر-ءبىرىن شىن مانىسىندە جەك كورەدى ەكەن, ەل الدىنداعى پيار بۇل دەپ شۋلاسقاندار دا بولدى. الايدا, بۇل سوزدەر شىندىققا جاناسا قويماسا دا, بۇگىن قوس ايەلدىڭ اراسىنان قارا مىسىق وتكەندەي. الماتىدا العاش رەت وتەتىن ءسابيت, ايگۇل, التىنايدىڭ كونتسەرتىنە دايىندىق ازىرگە ايگۇلسىز ءوتىپ جاتىر», - دەپ تۇيىندەيدى ءتىلشى. «بىراق بۇل كونتسەرت تومەن دەڭگەيدە وتەدى دەگەن ءسوز ەمەس. بۇگىن بۇرتيعان قوس كەلىنشەك, ەرتەڭ-اق دوس بولىپ كەتەدى», - دەگەندى ايتاتىن كورىنەدى ەندى ءسابيت. «الداعى كونتسەرت ناعىز شوۋعا ۇلاسىپ, ەل الدىندا وتباسىلىق قۇپيامىزدى اشامىز دەپ وتىر ولار», - دەگەن قورىتىندىعا كەلەدى جۋرناليست.. ال التىناي «ەسكى ەكى ايەلدى ءبىر جاڭا ايەلگە اۋىستىرام» دەپ قالجىڭدايتىن ءسابيتتىڭ تاعى دا ەكى ايەل السا قارسى ەمەس ەكەنىن ايتاتىن كورىنەدى. مۇرات ايتقوجا. {youtube}2XCef3Sn-rM{/youtube}