• 10 قازان, 2013

«كارديفف سيتيگە» مەنەدجەر بولىپ قازاق تاعايىندالدى

353 رەت

كورسەتىلدى

1 مين

وقۋ ءۇشىن

Egemen Qazaqstan

10-10-13-vinsent tan-1

انگليانىڭ پرەمەر-ليگاسىندا وينايتىن «كارديفف سيتي» كومانداسىنىڭ سەلەكتسيا جونىندەگى مەنەدجەرلىگىنە 23 جاسار قازاق جىگىتى الىشەر ءاپسالاموۆ تاعايىندالدى. بۇل تۋرالى اقپارلار 9 قازان كۇنى تۇندە جەرگىلىكتى باق-تارعا سۇيەنگەن كوپتەگەن تۆيتتەرلەردە جاريالاندى. وسىعان وراي Gazeta.ru سايتى ءا.ءاپسالاموۆتىڭ ەندى كلۋبتىڭ تررانسفەرلىك ساياساتىن جۇرگىزەتىنىن جازدى. مۇنداي شەشىمدى كلۋبتىڭ قوجايىنى ۆينسەنت تان (سۋرەتتە) قابىلداعان. مالايزيانىڭ ميللياردەرى وسىنىڭ الدىنداعى سكاۋت يان ءمۋديدىڭ جۇمىسىنا ونشالىقتى رازى بولماپتى. ول كوماندانىڭ باس جاتتىقتىرۋشىسى شوتلاند مالكي ماكايدىڭ ناعىز وڭ قولى بولعان كورىنەدى. سوعان قاراماستان, مالايزيالىق مىرزا وڭ قۋىپ جىبەرگەن. بريتانيالىق Metro باسىلىمىنىڭ اقپارىنا قاراعاندا, قازاق جىگىتى كلۋب قوجايىنى ۇلىنىڭ دوسى سياقتى. ايتقانداي, ماماندار بۇرىنعى مەنەدجەردىڭ قۋىلۋى كوماندانىڭ باس جاتتىقتىرۋشىسىن دا ورنىنان الىپ تاستاۋعا اپاراتىنىن ايتىپ وتىر. دەگەنمەن, بۇل جاڭالىقتاردىڭ بارلىعى كوماندانىڭ جانكۇيەرلەر قاۋىمىن بەي-جاي قالدىرعان جوق. ولاردىڭ اراسىندا ۋەلس فۋتبول كلۋبىنا فۋتبولدان حابارى جوق, ومىرلىك تاجىريبەسى از, ونىڭ ۇستىنە الىستاعى وزدەرى ءۇشىن قۇپياسى كوپ قازاقستاننان كەلگەن جىگىتتىڭ مۇنداي ماڭىزدى لاۋازىم تىزگىنىن ۇستاعانىن ۇناتپايتىندار دا از ەمەس كورىنەدى. بىراق جەرگىلىكتى جانكۇيەرلەر نارازىلىعى بۇدان باستالماعان. ولار تاننىڭ كوماندانىڭ فورماسى ءتۇسىن, ەمبلەماسى مەن اتىن وزگەرتۋ جونىندەگى ارەكەتتەرىنەن باستالعان سەكىلدى. رۋسلان يگىلىك.