"قۇرمەتتى قالا تۇرعىندارى! تاڭداۋ ۋاقىتى كەلدى. سوڭعى ءتورت اي ىشىندە ءبىزدىڭ دارىگەرلەر كۇن سايىن كوروناۆيرۋسپەن كۇرەستە الدىڭعى شەپتە ءجۇر. ولار كۇندىز-ءتۇنى جۇمىس ىستەيدى, ءتىپتى وتباسىلارىمەن بىرگە بولۋعا دا مۇمكىندىك بولمايدى. ولار باتىرلار, بىراق قۇدىرەتتى كۇشتىڭ يەسى ەمەس», دەپ جازدى ا.كولگىنوۆ Facebook پاراقشاسىندا.
قازىر ناۋقاستاردىڭ سانى كوبەيىپ جاتقاندىقتان, اۋرۋحانالار مەن سپورت نىساندارىنا عيماراتتار دايىندالىپ جاتىر. الايدا بارىنە دارىگەر جەتىسپەيتىندىگىن اتاپ ءوتتى.
سونداي-اق بۇگىندە ەلوردادا 3500 دارىگەر مەن 8000 فەلدشەر بار, قالا حالقىنىڭ سانى 1,2 ملن. ال قوڭىراۋلار سانى 1-دەن 4 مىڭعا دەيىن وسكەن. وسى اپتاداعى ەڭ جوعارى كورسەتكىش كۇنىنە 4,3 مىڭ ادامدى قۇراعان.
ء"بىز رەسپۋبليكالىق كلينيكالارمەن (تراۆماتولوگيا جانە ورتوپەديا عىلىمي-زەرتتەۋ ينستيتۋتى, ۇلتتىق عىلىمي مەديتسينالىق ورتالىق, Green Clinic) ءار قالالىق ەمحانا ءۇشىن كومپيۋتەرلىك توموگرافيا مۇمكىندىگىن قامتاماسىز ەتۋ تۋرالى كەلىسىمگە قول قويدىق. بۇل پنەۆمونيانى ەرتە انىقتاۋعا مۇمكىندىك بەرەدى. سونىمەن قاتار ءبىز قوسىمشا كT جانە جەلدەتكىشتەردى دە ساتىپ الامىز", دەيدى قالا باسشىسى.
ونىڭ ايتۋىنشا, تەلەمەديتسينانى قولدانۋ تاجىريبەسى ءالى دە جالعاسىن تاۋىپ كەلە جاتىر. كوروناۆيرۋستىڭ اسيمپتوماتيكالىق تاسىمالداۋشىلارىن ەمدەۋ ءۇشىن مەديتسينا قىزمەتكەرلەرى بەينەقوڭىراۋلار جانە باسقا دا بايلانىس ارنالارى ارقىلى دەنساۋلىقتارىن باقىلايدى. سونىمەن بىرگە ينفەكتسيانىڭ اسيمپتوماتيكالىق تاسىمالداۋشىلارىنىڭ بارلىق ماسەلەلەرى بويىنشا كەڭەستەر بەرەدى. سيمپتومدار پايدا بولعان جاعدايدا ناۋقاستار اۋرۋحاناعا جاتقىزىلاتىندىعىن ايتتى.
سونىمەن قاتار التاي كولگىنوۆ: "ارنايى سيتۋاتسيالىق ورتالىق جۇمىس ىستەيدى. وندا ماماندارىلعان قىزمەتكەرلەر ءبىر مەكەمەدە ادام تولىپ كەتپەس ءۇشىن كۆي-مەن اۋىراتىن ناۋقاستاردى اۋرۋحانالارعا جىبەرەدى. بۇل بارلىق اۋرۋحانالاردىڭ جۇمىسىن ۇيلەستىرۋگە كومەكتەسەدى. بارلىق ەمحانالاردا Call-ورتالىقتار ىسكە قوسىلدى. مۇنىڭ ءبارى جۇكتەمەنى ازايتادى. ءبىز COVID-19 ارنايى سايتىن جاسادىق, ونىڭ كومەگىمەن ءسىز بارلىق قاجەتتى اقپاراتتى سىلتەمەلەر ارقىلى جانە كەڭەستەر تۇرىندە الا الاسىز. ءبىز ونى دۇيسەنبىدە ىسكە قوسۋدى جوسپارلاپ وتىرمىز", دەيدى ەلوردا اكىمى.
سوڭعى سوزىندە قاۋىپسىزدىك ەرەجەلەرىنە جاۋاپسىزدىقپەن, قابىلدانعان بارلىق شارالاردى اينالىپ ءوتۋ مۇمكىن ەمەستىگىن ايتتى. وسىلايشا مەديتسينا قىزمەتكەرلەرىنە ارتىلعان اۋىرتپالىقتى ودان ءارى ارتا تۇسەتىندىگىن تىلگە ەتتى. سونداي-اق ادامداردىڭ قاۋىپسىزدىك شارالارىنا دەگەن جاۋاپسىزدىعى دارىگەرلەردىڭ ءومىرىن ساقتاپ قالۋعا تاڭداۋ جاساماۋى كەرەكتىگىن ناقتى ايتتى.
