كۇرەجول قۇرىلىسى باستالدى

بۇگىندە “باتىس ەۋروپا - باتىس قىتاي” حالىق­ارالىق ترانزيتتىك ءدالىزىنىڭ سىر اۋماعىنان وتەتىن بولىگىندە جۇمىس قارقىندى جۇرگى­زىلۋدە. عاسىرلىق ءمانى بار وراسان زور جوبا وبلىس اۋماعىنىڭ 811,7 شاقىرىمىن الادى. ۇلى جىبەك جو­لى­نىڭ ىزىمەن تارتىلىپ, باتىستان باستاۋ الىپ, بەيجىڭگە جول تارتا­تىن حالىقارالىق ترانزيتتىك ءدالىز اتلانت مۇحيتى مەن تىنىق مۇحي­تىنىڭ اراسىنداعى ەلدەردى باسىپ وتەدى. شى­عىس پەن باتىستى, تۇستىك پەن تەرىسكەيدى قوسقان حالىق­ارالىق ءاۆتودالىز ارقىلى قازاق جەرى كارى قۇرلىق­تىڭ كۇرەتامىرىنا, توعىز جولدىڭ تورابىنا اينالماق. حالىقارالىق جوبا بويىنشا اتقارىلاتىن جۇمىستار شيەلى مەن جاڭاقورعان جانە ارال اۋدان­دارىندا باستالىپ تا كەتتى. جولدىڭ سان-سالالى جۇمىستارىنا 54 شەتەل ازاماتى, ەلىمىزدىڭ تۇكپىر-تۇكپىرى­نەن كەلگەن 217 ەڭبەككەر تارتىلىپ, 384 جەرگىلىكتى تۇرعىندار قامتىلدى. ولاردىڭ باسىم كوپشىلىگىن وب­لىستىق جۇمىسپەن قامتۋدى ءۇي­لەستىرۋ جانە الەۋمەتتىك باعدارلا­مالار باسقارماسىنداعى جۇمىسسىز­دار ەسەبىندە تۇرعاندار قۇرايدى. جوس­پار­لانعان قۇرىلىس تەحنيكا­سىنىڭ ازىرگە 462-ءى جۇ­مىل­دىرىلدى. ال قۇرىلىس ماتەريالدارى بويىن­شا جىلدىق جوسپاردا قيىرشىق تاستىڭ قاجەتتىلىگى 2265 مىڭ تەكشە مەتر بولىپ بەلگىلەنسە, قازىرگى تاڭدا 17 پايىزى دايىندالدى. سونداي-اق, 492,8 مىڭ توننا قۇم قوسپاسىنىڭ 47 مىڭ تونناسى, 1305 مىڭ توننا قيىرشىق تاس قوسپاسى­نىڭ 297,7 مىڭ تونناسى, 49 مىڭ تەكشە مەتر تەمىر-بەتون بۇيىمدا­رىنىڭ 8,5 مىڭ تەكشە مەترى پايدالانىلۋدا. بۇل جول-قۇرىلىس ماتەريالدارىن “توديني” مەن “ساليني” كومپانيا­لارى ازىرلەدى. “ساليني” كومپانياسى ءوز جۇمىسىن جۇرگىزۋدە “دمسۋ-22”, “كازدور-ستروي” جانە “دورستروي” جاۋاپ­كەرشىلىگى شەكتەۋلى سەرىك­تەس­تىك­­تەرىمەن قوسالقى مەردىگەرلىك كەلى-ءسىم-شارت جاساسىپ, “ۆيتادور-ستروي” جانە “جىلىوي­سەرۆيس” جشس ارقىلى كەلىسسوزدەر جۇرگىزۋ­دە. “توديني” كومپا­نياسى “ۋاد”, “كازاحدور­ستروي”, “سيناميدوس­ستروي” جانە “كازسەۆاۆتو­دور” سەرىكتەستىكتەرىمەن, “يم­پرەزا” كوم­پانياسى “قۋان” سەرىكتەستىگىمەن بىرلەسكەن مەردى­گەرلىك كەلىسىم-شارت­قا قول قويدى. “تو­دي­ني” كومپا­نياسى شيەلى اۋدا­نىندا اۆتومو­بيل جول­دارى باسقارماسى ارقىلى  3 شاقى­رىم جەرگە جول سالۋدىڭ العاشقى جۇمىس­تا­رىن باستادى. بەلگى­لەنگەن اۋماققا 20300 توننا توپىراق ءتۇسىرىلىپ, 6 بۋلدوزەر, 1 گرەيدەر جەر­دى تەگىستەۋدە. قوسالقى مەردى­گەرى “كازسەۆاۆتو­دور” اق 28100 توننا قيىر­شىق تاستى قوس­پانى 5 شاقىرىم جەردى دايىن­داۋعا قۇ­رىلىس ماڭىنا جەتكىزىپ, 5 بۋلدوزەر مەن 1 گرەي­دەردى ىسكە قوس­تى. ءدال وسىنداي جۇمىس جاڭا­قورعان اۋدانىندا دا اتقارىلۋدا.  “سينا­ميدوسستروي” جشس 3 بۋلدوزەر مەن 1 گرەيدەر ارقىلى 1,8 شاقى­رىم جولدى   تەگىستەۋدى باستادى. “ساليني” كومپانيا­سى ارال اۋدانىندا جول جۇرگىزۋدى باستاپ 25 مىڭ توننا قيىرشىق تاس ءتۇسىردى. ءىرى جوبانىڭ باستالۋى جونىندە وبلىستىق جولاۋ­شىلار كولىگى جانە اۆتوموبيل جولدارى باسقار­ماسىنىڭ باستىعى ومىربەك شامەنوۆ بىلاي دەيدى: – بۇل جوبامەن قازىر كوپشىلىك قاۋىم جاقسى تانىس. كۇرەجول سانكت-پەتەر­بۋرگ-ماسكەۋ-نيج­ني نوۆگورود-قازان-ورىنبور-اقتوبە-قىزىلوردا-شىمكەنت-تاراز-قور­داي-الماتى-قورعاس باعىتىمەن وتەدى. ترانزيتتىك ءدا­لىز­دىڭ “سامارا-شىمكەنت” اۆتو­جولىمەن ءوتۋى كوپ مۇمكىندىككە جول اشادى. بۇل جول­دىڭ ۇزىندىعى قىتاي حالىق رەس­پۋب­­ليكاسى اۋماعى بويىنشا – 3425 شاقى­رىمدى, قازاقستان رەسپۋبلي­كا­سىندا – 2787 شاقى­رىم­دى, رەسەي فەدەراتسياسى بو­يىن­شا 22330 شاقىرىمدى الادى. مۇنىڭ ىشىندە سىر ەلىنىڭ دە ۇلەسى بار. حالىقارالىق كۇرەجول قۇرىلىسى ەلدىڭ الەۋمەتتىك جاع­دايىن كوتەرۋگە دە ىقپال ەتەدى. وعان قاجەتتى ينەرتتى ماتەريال-داردىڭ وزىمىزدە ءوندىرىلۋى ءوڭىر ءوندىرىسىن وركەندەتۋگە نەگىز بولماق. سونىمەن سىر ايماعىندا “باتىس ەۋروپا-باتىس قىتاي” كۇرەجولىنىڭ قۇرىلىسى باستاۋ الىپ, سىربويىلىقتاردى قۋانىش قۇشاعىنا كەنەلتىپ وتىر ە.ءابىل, قىزىلوردا.