قوعام • 26 ماۋسىم، 2020

"NUR SUNQAR" بايقاۋىنىڭ جەڭىمپازدارى انىقتالدى

"Nur Otan" پارتياسى توراعاسىنىڭ ءبىرىنشى ورىنباسارى باۋىرجان بايبەك باق وكىلدەرىن كاسىبي مەرەكەمەن قۇتتىقتاپ، "NUR SUNQAR" رەسپۋبليكالىق كونكۋرسىنىڭ جەڭىمپازدارىن جاريالادى. بۇل تۋرالى ول Facebook-تەگى پاراقشاسىندا جازدى، - دەپ حابارلايدى Egemen.kz.

Marzhan Tileubekova

"قۇرمەتتى جۋرناليستەر! "Nur Otan" بۇقارالىق اقپارات قۇرالدارى قىزمەتكەرلەرى كۇنى – كاسىبي مەرەكەسىنىڭ قارساڭىندا ءداستۇرلى تۇردە "NUR SUNQAR" رەسپۋبليكالىق كونكۋرسىن وسىمەن 11-ءشى رەت وتكىزىپ وتىر. بۇگىندە بۇل سىيلىق جۋرناليستەر قاۋىمى اراسىندا بەدەلدى دە تانىمال ماراپاتقا اينالدى. "NUR SUNQAR" – مەديا-قوعامداستىق قىزمەتكەرلەرىنىڭ ەلدە ءجۇرىپ جاتقان رەفورمالاردى قولداۋ، قوعامدىق ماڭىزى بار جوبالاردىڭ تابىستى اتقارىلۋى جانە حالىقتىڭ كەرى بايلانىسىن قامتاماسىز ەتۋ بويىنشا سىڭىرگەن ەڭبەگى مەن ۇلەسىن باعالاۋدىڭ ءبىر كورىنىسى"، - دەپ جازدى باۋىرجان بايبەك Facebook پاراقشاسىندا.

ونىڭ ايتۋىنشا، كونكۋرستىق كوميسسيا بيىل بىرنەشە جاڭا نوميناتسيا بەلگىلەگەن. "العى شەپ" – توتەنشە جاعدايدى جاريا ەتۋ بويىنشا قاجىرلى ەڭبەگى ءۇشىن"، ء"بىز بىرگەمىز" – ۆولونتەرلىك جۇمىس تۋرالى ۇزدىك جاريالانىم"، "پارتيانىڭ "قايتا جاندانۋى" بويىنشا ۇزدىك ماتەريال" نوميناتسيالارى. جالپى 135 ءوتىنىم جانە 355 ماتەريال بەرىلگەن.

"پاندەمياعا بايلانىستى قالىپتاسىپ وتىرعان قازىرگى جاعداي ءبىزدىڭ سالتاناتتى شارانى وتكىزۋ جونىندەگى جوسپارىمىزدى تۇبەگەيلى وزگەرتتى. بيىل بىزگە پارتيالىق سىيلىقتى سالتاناتتى تۇردە تاپسىرۋ راسىمىنەن باس تارتۋعا تۋرا كەلىپ وتىر. بۇل – امالسىزدان جاسالىپ وتىرعان قادام. بۇعان بارشا قاتىسۋشىلار تۇسىنىستىك تانىتادى دەپ سەنەمىن.

پارتيامىزدىڭ ليدەرى، ەلباسى نۇرسۇلتان نازارباەۆ ءاردايىم جۋرناليستەردىڭ شىعارماشىلىعى ەلىمىز بەن حالقىمىزدىڭ يگىلىگىنە باعىتتالعان ىزگى ىستەرگە ۇيىتقى بولۋىن قالادى. سوندىقتان دا كونكۋرستىق كوميسسيا ەل دامۋىنىڭ وزەكتى ماسەلەلەرىن جارىققا شىعارۋعا ەلەۋلى ۇلەس قوسقان ۇزدىك ءسوز زەرگەرلەرىن ىرىكتەپ الدى"، دەلىنگەن جازبادا.

"NUR SUNQAR" بايقاۋىنىڭ جەڭىمپازدارى:

"تەلەۆيزيا ۇزدىگى" – سالامات وماش، "Qazaqstan" ۇلتتىق ارناسى

"ۇشقىر قالام" – ايگۇل حالىقوۆا، "Egemen Qazaqstan" گازەتى

ء"ۇنجاريا" – ءلاززات ابدىرەەۆا، NS راديوسى

"QAZNET ۇزدىگى" – البەرت احمەتوۆ، zakon.kz

"پارتيانىڭ قايتا جاندانۋى" – نۇريسلام عۇمار، "قازاقستان-اتىراۋ" تەلەارناسى

"ەلباسى سالعان سارا جول" – سەرىك مالەەۆ، altynorda.kz

"بلوگوسفەرا ۇزدىگى" – ايدوس جۇقان ۇلى

"العى شەپ" – يرينا ءالىمجانوۆا

ء"بىز بىرگەمىز" – اسەل تۇرسىنعازينا، "حابار" تەلەارناسى

"پارتيانىڭ اتىنان جانە جەكە ءوز اتىمنان "NUR SUNQAR - 2020" سىيلىعىنىڭ جەڭىمپازدارىن لايىقتى ماراپاتتارىمەن قۇتتىقتايمىن! بۇقارالىق اقپارات قۇرالدارى قىزمەتكەرلەرىنىڭ كاسىبي مەرەكەسى – جۋرناليستەر كۇنى قۇتتى بولسىن! بارشاڭىزعا مىقتى دەنساۋلىق، باق-بەرەكە جانە شىعارماشىلىق مول تابىس تىلەيمىن!" - دەدى باۋىرجان بايبەك.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز