ەكونوميكا • 26 ماۋسىم، 2020

"ليۋكس" اۆكولىكتەرىنىڭ ساتىلىمى كارانتيننەن كەيىن قايتا جاندانىپ تۇر

55 رەت كورسەتىلدى

Orbis Auto اۆتوموبيل توبىنىڭ ديلەرلىك ورتالىقتارى كارانتيننەن كەيىنگى كەزەڭدە ليۋكس اۆتوموبيلدەردىڭ ساتىلىمىن ارتتىردى، دەپ جازادى Egemen.kz

ايىم ءداۋىت

سوڭعى ايلاردىڭ دەرەكتەرىن تالداۋ داعدارىس كەزەڭىندە پرەميۋم-سەگمەنت جاپپايعا قاراعاندا ءوزىن ەركىن سەزىنىپ، داعدارىسقا از ۇشىرايتىنىن بايقاتتى. "ليۋكس" سەگمەنتىنىڭ برەندتەرى كارانتين كەزەڭىنىڭ ناۋرىز جانە ءساۋىر ايلارىندا تۇراقتى ونلاين ساتىلىمدى كورسەتتى، ال مامىر ايىنىڭ قورىتىندىسى بويىنشا ايلىق ورتاشا كورسەتكىش دەڭگەيىن ۇستاپ تۇردى.

كوروناۆيرۋستىق شەكتەۋلەرگە بايلانىستى ونلاين ساتۋ وسى كوكتەمدە دامۋ ءۇشىن جاڭا سەرپىن الدى. اتاپ ايتقاندا، Porsche ساتىلىمى ءساۋىر ايىندا ايلىق ورتاشا ساتۋ كولەمىنىڭ 86% قۇرادى، Audi 50%، ال Cadillac 12%. ءساۋىر ايىندا ساتىلىمنىڭ قۇلدىراۋىنا قاراماستان (-85%)، 2020 جىلدىڭ 5 ايىنىڭ قورىتىندىسى بويىنشا Cadillac اۆتوموبيلدەرىن ساتۋ وتكەن جىلدىڭ ۇقساس كەزەڭى دەڭگەيىن ساقتاي الدى جانە 43 ءاۆتوموبيلدى قۇرادى، بۇل ءبىزدىڭ ەلىمىز ءۇشىن جاقسى كورسەتكىش.

"كوروناۆيرۋس پاندەمياسى ءبىزدىڭ كومپانيانىڭ ساندىق كەڭىستىككە كوشۋىن تەزدەتتى. ءبىز بيزنەس-پروتسەستەرگە قايتا قاراپ، digital-ماركەتينگ سالاسىنداعى ينۆەستيتسيالاردى ۇلعايتا ءبىزدىڭ ديلەرلىك ورتالىقتاردىڭ بارلىق سايتتارىن ونلاين ساتۋعا بەيىمدەدىك. وسى رەتتە قازاقستاندا اۆتوموبيلدەردى تولىقتاي قاشىقتىقتان ساتۋعا كوشۋ ازىرگە ەكىتالاي، بۇل كليەنتتەردىڭ قالاۋىنا بايلانىستى ەكەنىن ايتا كەتكەن ءجون، دەيدى Orbis Auto باس ديرەكتورى دينارا ىسقاقوۆا.

ونىڭ ايتۋىنشا، تۇتىنۋشىلار ءۇشىن اۆتوموبيل تەك قوزعالىس قۇرالى ەمەس، ماڭىزدى اكتيۆ بولىپ قالا بەرەدى. اۆتوكولىكتى تاڭداۋ ساتىسىندا كليەنتتەردىڭ كەڭەيتىلگەن ونلاين-مۇمكىندىكتەرگە قىزىعۋشىلىق تانىتقان.

سونداي-اق اعىمداعى جىلدىڭ مامىر ايىندا كەيبىر ءىرى قالادا كارانتين اياقتالعاننان كەيىن، كومپانيا Cadillac Escalade ماركاسى بەستسەللەرى مەن فلاگمانىنىڭ 7 بىرلىگىن جانە Audi ماركاسىنىڭ 5 ءاۆتوموبيلىن ساتتى، سونىڭ ىشىندە Q8 ءىرى كروسسوۆەرىنىڭ 4 بىرلىگى جانە ا6 بيزنەس-سەدانىنىڭ 1 بىرلىگى بار. ول قازاقستانعا وسى جىلدىڭ مامىر ايىندا كەلىپ ءتۇستى. Porsche-ءنىڭ 6 اۆتوكولىگى ساتىلسا، ونىڭ جارتىسى Panamera-عا تيەسىلى.

ال Cayenne-ءنىڭ قازاقستاندا ارقاشان فلاگمان رەتىندە تانىلىپ جانە وسىلايشا قالا بەرەتىنىنە قاراماستان، Porsche Center Almaty وكىلدەرى قازاقستاندىق ساتىپ الۋشىلاردىڭ قۇنى 52 000 000 تەڭگەدەن باستالاتىن قۋاتى 243 كۆت (330 ل.س.) 3،0 ليترلىك بيتۋربو قوزعالتقىشى بار Panamera 4 مەرەيتويلىق شىعارىلىمىنا قىزىعۋشىلىعىن اتاپ وتەدى. جايلىلىق پەن ءجۇرىس بولىگىندەگى كەڭەيتىلگەن بازالىق جابدىقتاۋمەن، سونداي-اق قوسىمشا ەكسكليۋزيۆتى ەكپىنمەن ەرەكشەلەنەتىن بۇل مودەل مامىر ايىندا Porsche ساتۋ ناتيجەلەرىن ەكى ەسە ارتتىردى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز