قوعام • 26 ماۋسىم، 2020

«گەرمەس» جانە «رەي» سىناقتان ءساتتى ءوتتى

27 رەت كورسەتىلدى

حالقىمىزدا جەتى قازىنانىڭ ءبىرى سانالاتىن يت – ادامنىڭ دوسى. قايراتتى دا اقىلدى جانۋار­دى ومىردە كەزدەسەتىن ءتۇرلى قيىندىقتاردا اداممەن بىرگە بولىپ، وعان كومەك كورسەتۋگە، قيىندىق قۇرساۋىندا قالعان جانداردى قۇتقارۋعا ۇيرەتۋ دە وزىندىك ونەر.

ءابجىل قيمىلداپ كومەككە جۇ­گىرۋگە ماشىقتانعان يتتەر قىل­مىس­كەردى ۇستاۋعا، ورتتەن نەمەسە جەر سىلكىنىسىنەن كەيىن، وزگە دە اپاتتى جاع­­دايلار سالدارى­نان قيراعان عي­مارات­تار مەن ۇيلەر ۇيىندىلەرى استىنان ادامداردى يىسكەپ تاۋىپ، دەر كەزىندە قۇتقارۋعا اتسالىسادى. ولاردى ۋاقى­تىمەن سىناقتان وتكىزىپ، جاسى مەن دەنساۋلىعىن سىناپ-سارالاپ وتىرۋ دا ماڭىزدى ەكەن.

ماڭعىستاۋ وبلىسىنىڭ توتەن­شە جاعدايلار دەپارتامەنتى كوميس­سيالىق قۇرامىندا اقتاۋ قالاسىنىڭ كينولوگيالىق ەسەبى سەرتيفيكاتتاۋ­دان وتكىزىلدى. وعان «گەرمەس» جانە «رەي» ەسىمدى نەمىس وۆچاركالارى بار جەدەل-قۇتقارۋ جاساعىنىڭ ەكى كينولوگيالىق ەسەبى قاتىستى.

– كينولوگيا قىزمەتى توتەنشە جاعداي كەزىندە بارىنشا ماڭىزدى. ازاماتتىق قورعاۋ ورگاندارىندا زارداپ شەككەن نەمەسە جوعالعان ادامداردى ىزدەۋ جانە انىقتاۋ جونىندەگى قىزمەتتى قىزمەتتىك يتتەرمەن كينولوگيالىق ەسەپ جۇرگىزەدى. ىزدەۋ-قۇتقارۋ وپەراتسيالارىنا كينولوگيالىق ىزدەستىرۋ تارتىلاتىن توپتاردىڭ سانىن ازايتۋعا، ىزدەۋ اۋدا­نىن جانە ادامدى تابۋ مۇمكىندىگىن ارتتىرۋعا مۇمكىندىك بەرەدى. ادام مەن ءيتتىڭ ءوزارا تۇسىنىستىگى مەن ۇيلە­سىمدىلىگى ماڭىزدى، ويتكەنى ول قيىن­دىقتاعى ادامدى قۇتقارۋعا قىزمەت ەتەدى. بۇل رەتتە جانۋارعا مىندەت – ادامداردى تابۋ بولسا، كينولوگكە مىندەت – ءوز جانۋارىن قيىن دا كۇردەلى، ال كەيدە توتەنشە جاعدايلاردا جۇمىسقا ۇيرەتۋ، – دەيدى ماڭعىستاۋ وبلىستىق توتەنشە جاعدايلار دەپارتامەنتىنىڭ ءباسپاسوز حاتشىسى گ.حودجابەكوۆا.

سەرتيفيكاتتاۋ ءۇش كەزەڭدە ءوت­تى. ءبىرىنشى كەزەڭ – «تىڭداۋدى جا­نە ەپتىلىكتى تەكسەرۋ»، ەكىنشى كە­زەڭ – «تابيعي ورتادا ىزدەۋ-قۇت­قا­رۋ جۇ­مىس­تارى»، ءۇشىنشى كەزەڭ – «قي­را­عان عيماراتتار مەن قۇرىل­ىس­تار­­دىڭ­ ۇيىندىلەرى جاعدايىنداعى ىزدەستىرۋ-قۇتقارۋ جۇمىستارى». بارلىق تاپسىرمالار ناقتى جاعدايلارعا مەي­لىنشە جاقىنداتىلىپ، ال كي­نو­لوگيا­لىق ەسەپتەردىڭ جۇمىسىن باعا­لاۋدىڭ نەگىزگى ولشەمدەرى ىزدەس­تىرۋ-قۇتقا­رۋ ءىس-ارەكەتتەرىن جۇر­گىزۋدىڭ جىل­دام­دىعى، ساپاسى مەن قاۋىپسىزدىگى بولدى.

سەرتيفيكاتتاۋ ناتيجەلەرى بويىنشا اتتەستاتتالۋشىلار، ياعني «گەرمەس» جانە «رەي» سىناقتان ءساتتى ءوتتى.

 

ماڭعىستاۋ وبلىسى

 

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار