بيىل كوكتەم ىلعالدى بولعانىمەن, جاز باستالعالى جاۋىن جاۋعان جوق. قازىر دالا قۋراپ تۇر. جازاتايىم جالعىز شىرپى تيسە, سوڭى قاۋلاعان ورتكە اينالماق.
ماۋسىم باستالعالى 23 ورمان ءورتى بولىپ, 41,79 گەكتار ورمان القابىن جالماپ كەتتى. قۋراعان ولىقاۋدىڭ قىزىل جالىنعا ورانۋىنىڭ 33 وقيعاسى ورىن الدى. 374,23 گەكتار جەردى ءتىلسىز جاۋ كۇيدىرىپ تاستادى. ءسوز اراسىندا وبلىستاعى ورماندى القاپتىڭ اۋماعى ءبىر ميلليون گەكتارعا تاياۋ ەكەندىگىن ايتا كەتكەن ءلازىم. وسىنشا جەردى قورعاۋ دا وڭاي-وسپاق شارۋا ەمەس. دەمەك, ءاربىر سانالى تۇرعىن تۋعان تابيعاتىنا زالال كەلتىرمەۋ جاعىن ويلاۋ كەرەك.
توتەنشە جاعدايلار دەپارتامەنتى باسشىسىنىڭ مىندەتىن اتقارۋشى ماناربەك شاپاعاتوۆتىڭ ايتۋىنشا, تابيعات اياسىنا شىققان دەمالۋشىلار جالپىعا بىردەي ءتارتىپتى ورىنداي بەرمەيدى. ءوز ءىس-ارەكەتتەرىنە جاۋاپسىز قاراعان 14 ادامعا ەسكەرتۋ بەرىلسە, ونىڭ 14-ىنە 200 مىڭ تەڭگە كولەمىندە ايىپپۇل سالىنعان ەكەن.
اقكول, زەرەندى, بۋراباي اۋداندارىندا ورتتەن قورعاۋعا جۇمىلدىرىلاتىن ءۇش اۆيا توپ جاساقتالعان. ورتتەن قورعاۋشىلار كۇنى-ءتۇنى كۇزەتتە تۇر. دەگەنمەن, ادامداردىڭ دا اباي بولعانى ءجون.
