"قالادا ەپيدەميولوگيالىق جاعدايدى ەسكەرە وتىرىپ, بىرقاتار شەشىمدەر قابىلداندى. بىرىنشىدەن, جەدەل مەديتسينالىق كومەك بازاسىندا بايلانىس ورتالىعى قۇرىلدى. وندا دەرەۋ تالداۋ جاسالىپ, كەڭەس بەرۋ قىزمەتى كورسەتىلەدى. بۇل كۇنىنە شامامەن 500 ءوتىنىم. سونداي-اق قالالىق اۋماقتىق ەمحانالاردا جاۋاپتى تۇلعالارمەن بايلانىس ورتالىعى قۇرىلدى. ولار تۋرالى اقپارات ينتەرنەت-رەسۋرستاردا قولجەتىمدى. قالامىزداعى iKOMEK اقپاراتتىق ورتالىعىندا مەديتسينالىق ۇيىمداردىڭ ءار باسشىسىنا ارنالعان ءموبيلدى قوسىمشالار بار. وتىنىمدەر بىردەن ولاردىڭ ءموبيلدى قوسىمشالارىنا تۇسەدى", - دەپ ءتۇسىندىردى قوعامدىق دەنساۋلىق ساقتاۋ باسقارماسىنىڭ باستىعى ساۋلە قيسىقوۆا. ⠀
ساۋلە قيسىقوۆا ەلوردادا احۋالدىق ورتالىق قۇرىلىپ, وندا قالانىڭ توسەك-ورىن قورى كۆي جانە ناۋقاستار اعىمىمەن رەتتەلەتىنىن اتاپ ءوتتى.
"جوسپارلى امبۋلاتوريالىق-ەمحاناعا بارۋدى ۋاقىتشا توقتاتۋ ەسەبىنەن بۇل كادرلىق رەسۋرستار قوسىمشا جەدەل مەديتسينالىق جاردەم بريگادالارىن قۇرۋعا باعىتتالدى. جاقىندا 32 بريگادا قۇرىلدى. بۇگىندە قالادا 150 بريگادا جۇمىس جاساۋدا", - دەدى ول.
