قازاقستاندا 697,6 مىڭ مۇگەدەكتىگى بار ادام تۇرىپ جاتىر. 2020 جىلى قازاقستاندا مۇگەدەكتىگى بار ادامداردى الەۋمەتتىك قولداۋعا ارنالعان شىعىندار 10%-عا, تەحنيكالىق وڭالتۋ قۇرالدارىمەن جانە ارناۋلى الەۋمەتتىك قىزمەتتەرمەن قامتاماسىز ەتۋدى قارجىلاندىرۋ 17%-عا ءوستى.
ەڭبەكمينىنىڭ باسشىسى مۇگەدەكتىگى بار ادامدارعا قولداۋ كورسەتۋ مينيسترلىك جۇمىسىنىڭ ەڭ باستى دەگەن باسىمدىقتارىنىڭ ءبىرى بولىپ تابىلاتىندىعىن اتاپ ءوتتى. ماسەلەن, ەرەكشە قاجەتتىلىكتەرى بار ادامداردى الەۋمەتتىك قولداۋدى كۇشەيتۋ جانە ولاردى قوعام ومىرىنە تارتۋ ماقساتىندا 19 نورماتيۆتىك-قۇقىقتىق اكتىگە وزگەرىستەر ەنگىزىلگەن.
"2020 جىلى الەۋمەتتىك قىزمەتتەر پورتالى ىسكە قوسىلدى. ونىڭ كومەگىمەن مۇمكىندىگى شەكتەۋلى ادامدار ءونىم جەتكىزۋشىلەردەن تەحنيكالىق قالپىنا كەلتىرۋ قۇرالدارىنا (بۇدان ءارى – تقكق) جانە ارناۋلى الەۋمەتتىك قىزمەتتەرگە (بۇدان ءارى – ااق) تىكەلەي تاپسىرىس بەرە الادى. پورتالدا قازىردىڭ وزىندە تقكك 24 ءتۇرى ورنالاستىرىلعان, ال پورتالدىڭ تولىق ىسكە قوسىلۋى 2021 جىلعا جوسپارلانىپ وتىر. بۇدان باسقا ەمدەۋ-شيپاجايلىق ەم الۋ مەرزىمى دە رەتتەلەدى (14 كۇنتىزبەلىك كۇن). مۇگەدەكتەردىڭ ءوتىنىشى بويىنشا جەكە كومەكشىلەرگە اقى تولەۋدىڭ بىرىڭعاي ءتارتىبى بەلگىلەندى. كوحلەارلىق يمپلانتتاردى قايتارۋ مىندەتتەمەسى ولاردان الىنىپ تاستالدى; مۇگەدەكتىك توبى مەرزىمى شەكتەۋسىز بەلگىلەنەتىن, ورنى تولمايتىن اناتوميالىق اقاۋلاردىڭ تىزبەسى كەڭەيتىلدى; ەرەسەكتەرگە 5 جىلعا مۇگەدەكتىك بەلگىلەنەتىن اۋرۋلاردىڭ تىزبەسى بەكىتىلدى. مەديتسينالىق-الەۋمەتتىك ساراپتامانى سىرتتاي جۇرگىزۋگە كەزەڭ-كەزەڭىمەن كوشۋ جوسپارلانۋدا", - دەدى ءبىرجان نۇرىمبەتوۆ.
ءمينيستردىڭ مالىمەتىنشە, مۇگەدەكتىگى بار ادامداردى الەۋمەتتىك قولداۋدى قارجىلاندىرۋ 10% -عا ءوستى جانە 2019 جىلعى 315 ملرد تەڭگەمەن سالىستىرعاندا, 2020 جىلى 347 ملرد تەڭگەنى قۇراعان. Tقكق جانە ااق-مەن قامتاماسىز ەتۋدى قارجىلاندىرۋ 17%-عا ارتىپ, 2019 جىلعى 86 ملرد تەڭگەگە قاراعاندا, 101 ملرد تەڭگەنى قۇرادى. سونىمەن قاتار مينيستر, الداعى جىلدارى مۇگەدەكتىگى بار جانداردىڭ ەكونوميكالىق بەلسەندىلىگى ءۇشىن مۇمكىندىكتەر جاساۋ نەگىزگى باسىمدىق رەتىندە بەلگىلەنگەنىن اتاپ ءوتتى.
"بۇگىندە قازاقستاندا ەڭبەككە قابىلەتتى مۇگەدەكتىگى بار ادامداردىڭ جالپى سانىنىڭ تورتتەن ءبىر بولىگى عانا ەڭبەك قىزمەتىمەن اينالىسادى. ەىدۇ ەلدەرىندە بۇل كورسەتكىش 40%-عا جەتەدى. كەلەسى ەكى جىل ىشىندە الدىمىزعا مۇگەدەكتىگى بار ادامداردىڭ جۇمىسپەن قامتىلۋىن 30%-عا جەتكىزۋ مىندەتىن قويدىق. ول ءۇشىن قوسىمشا 20 مىڭ ادامدى جۇمىسپەن قامتۋ قاجەت. مۇگەدەكتىگى بار ادامدارمەن, ۇكىمەتتىك ەمەس ۇيىمدارمەن جانە جۇمىس بەرۋشىلەرمەن بىرگە مۇگەدەكتەردى ەكونوميكالىق قىزمەتكە تارتۋعا كەدەرگى بولاتىن نەگىزگى تۇيتكىلدەردى جانە ولاردى شەشۋ جولدارىن انىقتادىق", - دەدى ءبىرجان نۇرىمبەتوۆ.
