پرەزيدەنت • 25 ماۋسىم، 2020

ەل پرەزيدەنتى: "قازاق ءتىلى عىلىم تىلىنە اينالۋ كەرەك"

234 رەت كورسەتىلدى

مەملەكەت باسشىسى قاسىم-جومارت توقاەۆ "انا ءتىلى" باسىلىمىنا بەرگەن سۇقباتىندا قازاق ءتىلىنىڭ عىلىم تىلىنە اينالۋ كەرەكتىگىن ايتتى، دەپ حابارلايدى Egemen.kz.

"ورتالىق ازياداعى كورشىلەرىمىزدىڭ تاجىريبەسى بىزگە پايدالى ءارى ۇلگى بولارلىقتاي. قازاق ءتىلىنىڭ مارتەبەسىن ارتتىرۋ جولىندا كينەماتوگرافيانىڭ دا الار ورنى ەرەكشە. بىزگە تاريحي وقيعالاردى دارىپتەيتىن، قازىرگى قوعامدى دا بەينەلەيتىن ساپالى دۇنيەلەر كەرەك. قىرعىز كينوگەرلەرى "قۇرمانجان داتقا" دەگەن ءماندى، ماعىنالى، كوز قۋانتىپ، كوڭىل تولاتىن فيلم ءتۇسىردى. سوعان بار-جوعى 1،5 ميلليون دوللار جۇمساعان. ال ءبىزدىڭ كينەماتوگرافيس­تەر بۇدان الدەقايدا كوپ سۇرايدى. ال تۇسىرگەن دۇنيەلەرىنىڭ ساپاسى ءاردايىم كوڭىلدەن شىعا بەرمەيدى. وكىنىشكە قاراي، بۇگىندە ءبىزدىڭ كينوگەرلەر دە اۋىزبىرشىلىك تانىتا الماي وتىر. بۇل – شىعارماشىلىقتى تۇرالاتاتىن جاعداي"، دەپ قولداعىنى وسىلاي ۇقساتۋدا، قيىستىرىپ قۇراق قۇراۋشىلاردان اسقان شەبەر جوق ەكەنىن تاعى ءبىر دالەلدەپ وتكەندەي.

قۋانتارلىعى، مەملەكەت باسشىسى ەل جاستارىنىڭ امبەباپتىق سازعا تۇسكەنىن قالايتىندىعىن جەتكىزدى.

"ارينە اۋىزدى قۋ شوپپەن سۇرتە بەرۋگە بولمايدى. مەنى ەلىمىزدەگى بلوگوسفەرانىڭ قازاق تىلىنە قاراي ىڭعايلانىپ كەلە جاتقانى قۋانتادى. دەي تۇرعانمەن، ءبىز اسىرەۇلتشىلدىق پەن راديكاليزمگە بوي الدىرماۋىز قاجەت. سونداي-اق قازاق ءتىلىن دامىتامىز دەپ ورىس ءتىلىنىڭ مارتەبەسىن شەكتەمەۋىمىز كەرەك. جوعارىدا ايتقانىمداي، ءتىل ماسەلەسىنىڭ استارىندا ۇلكەن ساياسات بار. سوندىقتان بۇل تۇرعىدا اسىعىستىق پەن جالاڭ ۇرانداتۋ مەملەكەتتىگىمىزگە كەسىرىن تيگىزۋى مۇمكىن. جالپى العاندا، جوعارى وقۋ ورىندارىندا ناقتى عىلىمداردى ورىس تىلىندە وقىتا بەرگەن ءجون. وسى رەتتە بىزگە مالايزيانىڭ تاجىريبەسى ۇلگى بولا الادى. بۇل ەل العاشقىدا اعىلشىن تىلىنەن باس تارتىپ، كەيىننەن ويلانا كەلە، ونى جوعارى وقۋ ورىندارىندا جانە ديپلوماتيالىق قارىم-قاتىناستىڭ قۇرالى رەتىندە قالدىردى. ءبىزدىڭ وسكەلەڭ ۇرپاق قازاق تىلىمەن قاتار، ورىس ءتىلىن دە ەركىن مەڭگەرۋى كەرەك"، دەيدى مەملەكەت باسشىسى.

ەل پرەزيدەنتىنىڭ پىكىرىنشە، بۇل – ۋاقىت تالابى. مەكتەپتەردىڭ باستاۋىش سىنىپتارىندا قازاق تىلىنە باسىمدىق بەرىلگەنى دۇرىس. ورىس ءتىلىن دە وقىتۋ كەرەك. ال اعىلشىن ءتىلىن 5-6 سىنىپتاردان باستاپ مەكتەپ باعدارلاماسىنا ەنگىزگەن ابزال ەكەنىن ناقتى ايتتى.

انا ءتىلىمىزدىڭ تۇعىرنامالى جولىن قالىپتاستىرۋدا، ەل بولىپ تۇتاسۋ كەرەكتىگىن العا تارتتى.

"قازىر دەموگرافيالىق احۋالدىڭ ءوزى قازاق ءتىلىنىڭ ۇپايىن تۇگەندەۋ باعىتىنا قاراي دامىپ كەلەدى. ياعني ءبىز العا قويعان ماقساتىمىزعا مىندەتتى تۇردە جەتەمىز. مۇنداي استارى قالىڭ، ەل تاعدىرىن شەشەتىن ىرگەلى ىستە اسىعىستىققا جول بەرمەۋ كەرەك. قايتا ءاربىر ارەكەتىمىزدى اقىلعا سالىپ، موينىمىزداعى تاريحي جاۋاپكەرشىلىكتى بارىنشا سەزىنە وتىرىپ جۇمىس ىستەگەنىمىز دۇرىس. وسىنداي وركەنيەتتى قادامداردىڭ ناتيجەسىندە عانا قازاق ءتىلى عىلىم تىلىنە اينالادى"، دەيدى مەملەكەت باسشىسى.

 

 

 

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار