وبلىستىق فورۋمدا ورەندەر وسى ساۋالعا جاۋاپ ىزدەدى
وبلىس جاستارىنىڭ بيىلعى فورۋمى قوستاناي قالاسىنان اۋدەم جەردەگى قايىڭى مەن قاراعايى, تەرەگى جايقالعان «بەلايا يۋرتا» دەمالىس بازاسىندا ءوتتى. بۇل ورىندا ءتۇرلى شارالار ءوتىپ ءجۇر, بىراق ءسوزى مەن ىسىنەن جالىنداعان الاۋداي جاستىق جىگەر اتويلاعان جاستار كەلگەندە تابيعات اياسى دا جۇماققا اينالىپ جۇرە بەرگەندەي بولادى. فورۋم جۇمىسىنا وڭىردەگى جاستار بەلسەندىلەرى, «جاسىل ەل», پەداگوگيكالىق جانە قۇرىلىس جاساقتارىنىڭ جاس ساربازدارى, اۋىلدىڭ جاستارى جانە جاس جۇمىسشىلار, جاس ماماندار, ەتنومادەني بىرلەستىكتەردىڭ جاستارى, ۇكىمەتتىك ەمەس ۇيىمدار جەتەكشىلەرى قاتىستى.
وبلىستىق فورۋمدا ورەندەر وسى ساۋالعا جاۋاپ ىزدەدى
وبلىس جاستارىنىڭ بيىلعى فورۋمى قوستاناي قالاسىنان اۋدەم جەردەگى قايىڭى مەن قاراعايى, تەرەگى جايقالعان «بەلايا يۋرتا» دەمالىس بازاسىندا ءوتتى. بۇل ورىندا ءتۇرلى شارالار ءوتىپ ءجۇر, بىراق ءسوزى مەن ىسىنەن جالىنداعان الاۋداي جاستىق جىگەر اتويلاعان جاستار كەلگەندە تابيعات اياسى دا جۇماققا اينالىپ جۇرە بەرگەندەي بولادى. فورۋم جۇمىسىنا وڭىردەگى جاستار بەلسەندىلەرى, «جاسىل ەل», پەداگوگيكالىق جانە قۇرىلىس جاساقتارىنىڭ جاس ساربازدارى, اۋىلدىڭ جاستارى جانە جاس جۇمىسشىلار, جاس ماماندار, ەتنومادەني بىرلەستىكتەردىڭ جاستارى, ۇكىمەتتىك ەمەس ۇيىمدار جەتەكشىلەرى قاتىستى.
– جاستاردىڭ باسقوسۋى, فورۋم – قازىر ويناپ-ك ۇلىپ تارايتىن شارا ەمەس. وندا بەلگىلى ءبىر ءىستىڭ بىتۋىنە, جاستاردىڭ ءبىر ۇشقىن الىپ كەتۋىنە جاعداي جاساۋعا تىرىستىق. ولارعا كوپ نارسە ۇيرەنۋى, كورۋى كەرەك. مىسالى, بيىلعى فورۋمدا «جاستار ءبىزدىڭ مەملەكەتىمىزدىڭ وركەندەۋى ءۇشىن نە ۇسىنا الادى؟» دەگەن ماسەلەنى توتەسىنەن قويدىق. بۇل ولاردى ويلاندىرادى, – دەيدى وبلىستىق جاستار ساياساتى ماسەلەلەرى جونىندەگى باسقارما باسشىسى ءاليا ساپاروۆا.
فورۋمنىڭ باستى يدەياسى دا وسى بولدى: جاستار ءبىزدىڭ مەملەكەتىمىزدىڭ وركەندەۋى ءۇشىن نە ۇسىنا الادى؟ جاستار الدىمەن ءوزىنىڭ تۋعان اۋىلىندا, مەكتەبىندە, اۋدانىندا ءوزىن كورسەتۋى, جاقسى ىستەرگە تالپىنۋى, ءبىلىم الۋى قاجەت. ءوز مەكتەبىنىڭ, كوشەسىنىڭ, اۋىلىنىڭ پروبلەماسىن كوكىرەك كوزىمەن كورە الۋى ءتيىس. فورۋم ۇيىمداستىرعان «الەۋمەتتىك ليفت» وسىدان باستالادى. ايتارعا ءبارى دە قاراپايىم سەكىلدى. جاقسى وقىعان بالا مەكتەپتەگى قۇربىلارىنا ۇلگى بولادى, ودان اۋىلداعى ۇلكەندەردىڭ العىسىن العان بوزبالا ۋاقىتپەن بىرگە ءوسىپ, كاسىبي بيىكتەيدى, ەلىنىڭ, جۇرتىنىڭ ءۇمىتىن اقتار تۇلعاعا اينالادى. مۇنىڭ بارلىعى دا جاستارعا تەرەڭ ءبىلىم العاندا, شارق ۇرىپ ىزدەنگەندە مۇمكىن بولاتىنىن ناسيحاتتاۋدى فورۋم وزىنە ماقسات ەتىپ الدى.
وبلىس جاستارىنىڭ بيىلعى فورۋمى جاڭا فورماتتا ءوتتى. وندا on-line جۇيەسىمەن داۋىس بەرۋ ارقىلى سايلانعان جانە “جاستاردىڭ التىن كىتابىنىڭ» لاۋرەاتتارىنان, رەسپۋبليكالىق جاستار ۇيىمدارىنان, جاستار باستاماسى ورتالىقتارىنان شاقىرىلعان – بارلىعى 120 دەلەگاتتى فورۋمدا ساراپشىلار جوبالار جاساۋ مەن ۇتىمدى باستامالار كوتەرۋگە وقىتتى. بۇل ءۇشىن توپتىق جۇمىستاردا ميكسەرلەر, ترەنينگتەر, پىكىرالماسۋلار بولدى. «جاس كەلسە – ىسكە!» دەگەن. ەڭ باستىسى, – جاستاردا قىزىقتى باستامالار بولسا, ول ومىرگە جولداما الارى دا حاق. فورۋمدا «Projectlive» شىعارماشىلىق زەرتحانانىڭ جۇمىسى تيىمدىلىگىن كورسەتتى. وندا فورۋمعا قاتىسۋشىلار بەس توپقا ءبولىنىپ, ءبىلىم بەرۋ, دەنساۋلىق ساقتاۋ, الەۋمەتتىك قورعاۋ, اۋىل شارۋاشىلىعى جانە كاسىپكەرلىك, جاستار ساياساتى مەن مادەنيەت سالالارىنا جاساعان جوبالارىن قۇرامىندا وبلىستاعى سالا باسقارمالارىنىڭ جەتەكشىلەرى مەن ماماندارى بار ەكسپەرتتەر توبى قاراپ, ونىڭ ۇزدىگىن انىقتادى. التىنسارين اۋدانىنان كەلگەن جاستاردىڭ «كراسنىي كوردون اۋىلىنداعى ەسكى ساياباقتى قالپىنا كەلتىرۋ» جوباسى ۇزدىك دەپ تانىلدى. كسەنيا پونومارەنكو جەتەكشىلىك ەتەتىن بۇل جوبانى جاساعاندار وسى ءىستى تياناقتاۋ ءۇشىن دەمەۋشىلەرگە دەيىن تاۋىپ قويعان ەكەن. ولارعا 100 مىڭ تەڭگەنىڭ سەرتيفيكاتى تاپسىرىلدى.
جوبا جاساۋدىڭ شارتى بويىنشا ونىڭ جۇزەگە اسىرىلۋىنا ەلۋ ادام تارتۋ كەرەك. سونىمەن قاتار, ول قارجىنى از كەرەك ەتەتىن, كۇندەلىكتى تىرلىكتە قاراپايىم, ۇساق-تۇيەك بولىپ كورىنگەنىمەن ماڭىزى ۇلكەن بولۋى جانە ءبىر ايدىڭ ىشىندە جۇزەگە اسىرىلۋى ءتيىس. جوبالار جاس وتباسىلارىنىڭ بالا تاربيەسى, كوشەلەردى تازا ۇستاۋ, قارتتارعا كومەك بەرۋ سياقتى كوپتەگەن الەۋمەتتىك ماسەلەلەردى قامتىدى. ەسكى ساياباقتى قالپىنا كەلتىرۋ جوباسى سولاردىڭ ىشىندە ناقتى جانە تياناقتى جوبا دەپ تانىلدى.
فورۋمدا جاستاردىڭ وبلىس اكىمى نۇرالى سادۋاقاسوۆپەن كەزدەسۋى ءوتتى. مۇنىڭ ەرەكشەلىگى road-show نىسانىندا, ياعني اشىق اڭگىمە, ەركىن سيپاتتا وتۋىندە ەدى. وندا جاستار اكىمگە كەز كەلگەن ءۇش سۇراققا جاۋاپ بەرمەۋگە «كەڭشىلىك» جاسادى. الايدا, اكىم جاستار قوزعاعان ساۋالداردىڭ بارلىعىنا دا جاۋاپ بەردى. اشىق اڭگىمەدە جۇمىس, وبلىستىق «توبىل» فۋتبول كومانداسىنىڭ جاعدايى, ينتەرنەت, الەۋمەتتىك سالا, جولدار, جاستار, تاعى باسقا كوپتەگەن وزەكتى ماسەلەلەر قوزعالدى.
– ءبىزدىڭ ەلىمىزدە كەز كەلگەن ماسەلە تەك ءسوز جۇزىندە ايتىلىپ قانا قويمايدى, ول ومىردە جۇزەگە اسىرىلادى. جاستار ساياساتىنا قاتىستى دا وسىنى ايتار ەدىم. ەلباسىمىز نۇرسۇلتان نازارباەۆتىڭ باستاماسىمەن جاس ۇرپاقتىڭ ءبىلىم الۋى, ماماندىق يگەرۋى, تاربيەسى ءۇشىن قىرۋار ىستەر اتقارىلۋدا. جاستاردا «ءبارىن مەملەكەت شەشەدى» دەگەن ماسىلدىق وي بولماۋى ءتيىس. مەملەكەت دەگەن – سىزدەر مەن بىزدەرمىز, قوستاناي وبلىسى دا – ءبارىمىز. ءجۇز ادام شاشقاندى, ەكى ادام جيناسا ودان ەشقاشان بەرەكە بولمايدى. سوندىقتان جۇرەكتە جالىن, كوزدە وت بولىپ, اركىم ءبىر قادام بولسا دا العا ۇمتىلعاندا ورتاق تابىسقا قول جەتەدى, – دەدى وبلىس اكىمى.
فورۋمدا جاستار ءان مەن بيگە, ءتۇرلى قىزىقتى ويىندارعا دا كەزەك بەردى.
ءنازيرا جارىمبەتوۆا,
«ەگەمەن قازاقستان».
قوستاناي وبلىسى.
