سونىمەن قاتار ەمتيحاندى وتكىزۋ پروتسەسىن باقىلاۋدىڭ ناشار بولۋىنا بايلانىستى ءبىلىم سالاسىنداعى ساپانى قامتاماسىز ەتۋ بويىنشا اۋماقتىق دەپارتامەنتتەر مەن ارنايى باقىلاۋ توبى وكىلدەرىنىڭ ۇسىنىسىمەن ەكى ايماقتاعى مەملەكەتتىك كوميسسيا قۇرامىنان 20 ادام شىعارىلدى.
مەملەكەتتىك كوميسسيالاردىڭ جاڭا مۇشەلەرى بولىپ قوعام قايراتكەرلەرى, وبلىستىڭ بەلسەندى مۇعالىمدەرى, باق جانە ۇەۇ وكىلدەرى بەكىتىلدى. سونداي-اق تەستىلەۋ وتكىزۋ پۋنكتەرىندەگى باقىلاۋدى كۇشەيتۋ ماقساتىندا, ۇبت وتكىزۋ بارىسىندا تاۋەكەلدەر ورىن الۋى مۇمكىن وڭىرلەرگە ۇلتتىق تەستىلەۋ ورتالىعىنىڭ وكىلدەرى جىبەرىلەدى.
تۇركىستان وبلىسىندا ورنالاسقان ەكى پۋنكتىدە ء(شاۋىلدىر اۋىلى, جەتىساي قالاسى) جانە شىعىس قازاقستان وبلىسىنداعى ەكى پۋنكتىدە (اياگوز قالاسى, اقسۋات اۋىلى) ۇيالى بايلانىس سيگنالدارىن تەجەۋىشتەردىڭ ىستەن شىعۋىنا جانە بەينە-ترانسلياتسيانىڭ وشۋىنە بايلانىستى ەمتيحاندار باسقا كۇنگە اۋىستىرىلدى.
قر بعم ۇلتتىق تەستىلەۋ ورتالىعى ديرەكتورىنىڭ ورىنباسارى ناۋجان ديداربەكوۆانىڭ مالىمدەۋىنشە, بۇل پۋنكتەردە تالاپكەرلەر 27 ماۋسىم (اياگوز ق., اقسۋات ا., ءشاۋىلدىر ا.) جانە 2 شىلدە كۇندەرى (جەتىساي ق.) تەستىلەۋدى تاپسىرۋ مۇمكىندىگىنە يە بولادى جانە ءبىلىم بەرۋ گرانتتارىن تاعايىنداۋ كونكۋرسىنا قاتىسا الادى.
ەستەرىڭىزگە سالايىق, بيىل مەكتەپ بىتىرۋشىلەرى مەملەكەتتىك ەمتيحانداردى تاپسىرۋدان بوساتىلدى, تالاپكەرلەرگە كالكۋلياتور پايدالانۋعا رۇقسات بەرىلدى, سونداي-اق تەستىلەۋ ۋاقىتى ۇزارتىلدى.
