ايماقتار • 24 ماۋسىم، 2020

58 جۇرگىزۋشى ارمەنيادان اكەلىنگەن كولىكتەرىن ەسەپكە قويدى

38 رەت كورسەتىلدى

2020 جىلدىڭ 1 ماۋسىمىنان باستاپ، ارمەنيا رەسپۋبليكاسىنان اكەلىنگەن كولىك قۇرالدارىن ۋاقىتشا تىركەۋ پاۆلودار وبلىسىنىڭ حالىققا قىزمەت كورسەتۋدىڭ ءتورت ورتالىعىندا (پاۆلودار، ەكىباستۇز، اقسۋ، ەرتىس اۋدانى) جۇزەگە اسىرىلادى، دەپ حابارلايدى ءىىم ءباسپاسوز قىزمەتى.

ءىىم مالىمەتتەرىنە سايكەس، پاۆلودار وبلىسىنىڭ تۇرعىندارى ارمەنيا رەسپۋبليكاسىنان 182 اۆتوكولىك اكەلسە، ونىڭ 77-ءسى وڭ رۋلمەن باسقارىلادى جانە تىركەۋگە جاتپايدى. بۇگىنگى كۇنى ناۋقان باستالعاننان بەرى تىركەۋ ەسەبىنە 58 اۆتوكولىك قويىلدى.

كولىك قۇرالدارى يەلەرىنە مەملەكەتتىك تىركەۋ بەلگىلەرى 14 ايماقپەن “ا” ءارپىنىڭ بەلگىسى بار سارى تۇستە بەرىلدى.

وسى تىركەۋمەن اۆتوكولىك يەلەرى قازاقستان رەسپۋبليكاسىنىڭ اۋماعىندا دا، ودان تىس جەرلەردە دە ەركىن جۇرە الادى، جىل سايىن تەحنيكالىق تەكسەرۋدەن ءوتىپ، سونىمەن قاتار اۆتوموبيل كولىگى سالىعىن تولەي الادى.

ارمەنيا رەسپۋبليكاسىنان كەلگەن اۆتوكولىكتىڭ ءاربىر يەسىمەن پوليتسيا قىزمەتكەرلەرى ءتۇسىندىرۋ جۇمىستارىن جۇرگىزەدى، كولىكتى تىركەۋ ەرەجەلەرىن تۇسىندىرەدى.

ارمەنيا رەسپۋبليكاسىنان اكەلىنگەن اۆتوكولىك قۇرالدارىن تىركەۋگە قاتىستى بارلىق قىزىقتىراتىن ماسەلەلەر بويىنشا وبلىس تۇرعىندارى انىقتامانى پاۆلودار وبلىسى پد قىزمەتكەرلەرىنەن Call-ورتالىعىنىڭ: 33-38-06 تەلەفونى ارقىلى الا الادى.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار