جيىنعا جامبىل وبلىسىنىڭ اكىمى بەردىبەك ساپارباەۆ ارنايى قاتىسىپ, ءوزىنىڭ پىكىرىن ءبىلدىردى. "نۇروتاندىقتار ارقاشان ازاماتتارعا جاقىن بولۋعا, قيىن ۋاقىتتا قولداۋ كورسەتىپ, كومەكتەسۋگە تىرىسىپ كەلەدى. بۇعان دەيىن پارتيا "كەدەرگىسىز كەلەشەك", "باقىتتى وتباسى", "ارداگەرلەردى ارداقتايىق" اكتسيالارىن وتكىزگەن بولاتىن. ء"بىز بىرگەمىز!" ولاردىڭ جالعاسىنا اينالدى. ەرىكتىلەردىڭ ارقاسىندا اكتسيا اۋقىمى كەڭەيە ءتۇستى. قارتتارعا ەرەكشە قامقورلىق قاجەت. وسى ورايدا جاس بەلسەندىلەر ولارعا تاماق پەن ءدارى-دارمەكتەردى جەتكىزىپ بەرىپ, ءۇي شارۋاشىلىعىنا قولعابىس جاساۋدا. ەرىكتى-دارىگەرلەر مەديتسينالىق كومەك كورسەتۋدە. بۇل قازاقستاندىقتاردىڭ وتانداستارىن قيىن جاعدايعا قالدىرمايتىندىعىنىڭ جانە ارقاشان كومەك قولىن سوزۋعا دايىن ەكەندىگىنىڭ دالەلى", دەدى بەردىبەك ساپارباەۆ.
اتالعان اكتسيا ەلباسىنىڭ باستاماسىمەن ەلدە توتەنشە جاعداي كەزىندە مۇقتاج جاندارعا كومەك كورسەتۋ ماقساتىندا قولعا الىنعان بولاتىن. "Birgemiz – Jambyl oblysy" قوعامدىق قورىنان كومەك كورسەتۋدىڭ ءبىرىنشى جانە ەكىنشى كەزەڭدەرى بويىنشا 838 ميلليون تەڭگە بولىنگەن. بۇل قاراجاتقا 16,7 مىڭ ادامعا قولداۋ كورسەتىلگەن. ال, ءۇءشىنشى كەزەڭ بويىنشا بايزاق, جامبىل, مويىنقۇم, سارىسۋ, تالاس جانە شۋ اۋداندارى بويىنشا 10,2 مىڭ ادام قامتىلىپ, ولارعا 511 ميلليون تەڭگەنىڭ كومەگى كورسەتىلگەن. وبلىس بويىنشا بارلىعى 27 مىڭ جامبىلدىققا 50 مىڭ تەڭگەنىڭ بىرجولعى تولەمى ۇسىنىلعان. ەندى اعىمداعى جىلدىڭ شىلدە ايىندا ءتورتىنشى كەزەڭ باستالادى. اتالعان كەزەڭ اياسىندا 337 ميلليون تەڭگە كولەمىندە 6,7 مىڭ تۇرعىنعا كومەك كورسەتۋ جوسپارلانۋدا. سونداي-اق, 14286 وتباسىن ءبىرىنشى كەزەكتەگى قاجەتتى ازىق-ت ۇلىكپەن قامتاماسىز ەتۋ ءۇشىن 293 ميلليون تەڭگە بولىنگەن. بۇل جۇمىستاردىڭ بارلىعى ەرىكتىلەردىڭ ارقاسىندا ءساتتى اتقارىلعان. سونىمەن قاتار, Nur Otan پارتياسىنىڭ اۋداندىق فيليالدارىنىڭ جانىنان ەرىكتىلەر قوزعالىسى قۇرىلىپ, وعان يگى ىسكە اتسالىسۋعا ىنتالى ازاماتتار تارتىلعان. ولار ازىق-ت ۇلىك سەبەتتەرىن ءتيىستى مەكەن-جايلار بويىنشا جەتكىزىپ بەرۋدى, جاردەماقى الۋعا نيەتتىلەردىڭ ءتىزىمىن ازىرلەۋدى ۇيىمداستىرىپ, تۇرعىندارعا كوروناۆيرۋستىق ينفەكتسيانىڭ الدىن الۋ تۋرالى اقپاراتتىق پاراقشالار تاراتتى.
"قازاق حالقىندا اسار دەگەن ءداستۇر بار. وندا ادامدار بىرىگىپ, ۇلكەن جۇمىستاردى شىنايى نيەتپەن جانە اقىسىز جۇمىلا ورىندايدى. كوشپەلىلەر ەجەلدەن-اق ءبىر-بىرىنە جانە السىزدەرگە قولۇشىن سوزىپ, بىرگە ۇيلەر سالىپ, ءتۇرلى ءىس-شارالار ۇيىمداستىرعان. بىرىگىپ قانا اۋقىمدى تىرلىكتەردى تىندىرا الاتىندىقتارىن ءاۋ باستان تۇسىنگەن. سول سياقتى بۇگىنگى تاڭدا ەرىكتىلەردىڭ بىرلىك, قايىرىمدىلىق جانە مەيىرىمدىلىك قاعيدالارىن باسشىلىققا الۋى قۋانتادى. بۇل ۇرپاقتار ساباقتاستىعىنىڭ جارقىن كورىنىسى. جاس بۋىندى ەرىكتىلەر قوزعالىسىنا ودان ءارى تارتا ءتۇسۋ ءۇشىن "جاس ۇلان" جانە "جاس قىران" بالالار مەن جاسوسپىرىمدەر ۇيىمدارىنىڭ جانە "جاس وتان" جاستار قاناتىنىڭ قىزمەتىنە جاڭا سەرپىن بەرۋ كەرەك», دەدى بەردىبەك ساپارباەۆ. جيىن بارىسىندا ەرىكتىلەر دە ەلباسى نۇرسۇلتان نازارباەۆقا ارتقان سەنىمى ءۇشىن العىستارىن ءبىلدىردى. ال, Nur Otan پارتياسى وبلىستىق فيليالى جانىنداعى "Jas Otan" جاستار قاناتىنىڭ توراعاسى ءۋاليحان بولاتبەك ەرىكتىلەردىڭ تاجىريبەسى تۋرالى ايتا كەلە, تۇركىستان وبلىسىنىڭ ماقتاارال اۋدانىنداعى ەكى كۇندىك ساپارىنا ەرەكشە اتاپ ءوتتى. قيىن جاعداي كەزىندە 20 بەلسەندى ماقتاارالعا 15 توننا گۋمانيتارلىق كومەك جەتكىزگەن. سونىمەن قاتار, جامبىل وبلىستىق "جىبەك جولى جاستارى" ەرىكتىلەر قوزعالىسىنىڭ توراعاسى اياۋلىم راسىلحان قازىرگى قيىندىقتار جاقسىلىققا جانى قۇشتار جاستاردى ءبىر ارناعا توپتاستىرعانىن اتاپ ءوتتى.
جامبىل وبلىسى
